فن اللامبالاة: لعيش حياة تخالف المألوففن اللامبالاة: لعيش حياة تخالف المألوف by Mark Manson
My rating: 4 of 5 stars

من الكتب القيمة التي قرأتها، فقد كنت فعلاً بحاجة لقراءة هذا النوع في هذة الفترة.
من أبرز ما تعلمته من الكتاب ..
١- اننا دائماً ما نختار الخيارات السهلة التي تريحنا وتبعدنا عن أي مشاكل أو مهاترات، بالرغم من أنه الاختيار الصعب هو ما سيفيدنا في مسيرتنا.
٢- اننا من نختار مشاكلنا، نحن من نعطي لأي موقف نمر به أهمية، نحن من نحدد مدي تأثير مواقفنا وتجارب الأخرين بنا، ويجب علينا أن نعطي كل شيء حجمة.
٣- كثيراً ما نواجة الألم في حياتنا، من تجاربنا وتجارب الأخرين حيث أنه لا يمكن العيش بدون تعامل مع الأخرين والذي يحتمل السعادة والألم، الثقة والخذلان.. وهذا الألم ربما يوقفنا عن المضي في مسيرتنا وننسي أن هذا الألم جزء من مسار حياتنا وبدونه ربما لا نستطيع أن نكمل حياتنا بالفعل.


View all my reviews

طيب هو أنا مش هقول رأي ولا نقد لكن ده اللي تفكيري موديني ليه لعل حد يستفيد منه

١- البنت اللي كانت بتلعب بالية ولا معرفش اسمه ايه في المترو والشوارع - بعض النظر ان هي حره في تصرفاتها -
أنا بسأل نفسي سؤال واحد في كل تصرف بعمله وعلشان كده انا شاطرة في موضوع جلد الذات ده !
السؤال هو : هل الرسول صلي الله عليه وسلم لو شافني في الموقف أو الوضع ده هيبقي مبسوط ولا لأ ؟!
أعتقد ده مقياس كافي لكل حد فينا ..!

٢- موضوع الحجاب وقلعه وحرمته وكل الكلام ده .. اللي مقتنع انه فرض هو حر واللي مقتنع انه لأ وإن زمان الشيوخ زوجاتهم مكنوش محجبات برده هو حر - أنا نفسي مش شايفاه مقياس ان الواحده تبقي كويسه ومحترمه أو لأ -
بس خليني أقول إنه مش فرض، وأنا اتحجبت وحرمت نفسي من الاستمتاع بشكلي الحلو وان النظارة تبقي لايقة أكتر علي وشي وانا سايبه شعري كده وبيهفهف!
هل خسارتي هتبقي أكتر من اللي متحجبتش وجت يوم القيامة إتأكدت انه فرض وهي كانت بتقاوح ومشيت ورا هواها ؟!

وفي الآخر ربنا يثبتنا ويحسن ختامنا



الفترة اللي فاتت اتناقشت في كذا موضوع أصلهم في القرأن والسنه والشرع وللأسف الأغلبيه ومن الجنس الآخر وفعلا مش عاوزه أقول الرجال لأن باللي بيقولوه ملهمش أي علاقة بالرجولة!

الفكرة مش في كده الفكره اني في حته في مخي نورت ان ده تفكير الأغلبيه وان الأغلبيه دول منهم اللي عرفتهم في حياتي واتقدمولي .. اد ايه بحمد ربنا علي نعمة عدم الزواج لحد الأن ..
لأن فعلياً مفيش حد فيهم كنا هنعرف نعيش مع بعض وخصوصاً بالتطور اللي بيحصل في شخصيتي وتفكيري كل شوية.

ايه السطحية اللي هم فيها دي، ازاي شايفين ان حقوق المرأه مجرد جمعيات، ازاي شايفين ان ملهاش حق تطالب بالحقوق اللي المجتمع بيسلبها منها رغم انها حقوقا في الشرع والدين ؟!
ليه حافظين من الدين حقوقهم بس لكن اللي عليهم بعتبروه كأنه  حاجة كده بيرموهالنا، والمفروض ده فضل منهم واحنا بقي نفضل فاكرينه ونبوس ايدينا وش وظهر كل يوم علي نعمة وجودهم في حياتنا وعلي الحاجات اللي بيسيبوهالنا!

المرأه وحقوق المرأه وانها نص المجتمع مش كلام جمعيات ومؤتمرات .. المرأه ربنا كرمها في مواضع كتير في القرأن ..

ده غير المواقف اللي تعرضلها الرسول عليه أفضل الصلاة والسلام مع زوجاته ، والصحابة كمان!

النساء شقائق الرجال، إن أكرمكم عند الله أتقاكم، ربنا مقالش الرجال ولا الذكور !
ربنا في كتابة العزيز ادي أمثله من النساء للعالمين، اللي هم الناس جميعاً مقالش للنساء بس، وده يثبت أد ايه ربنا كرمنا!

الحمد لله ولأول مره هقولها .. الحمد لله إني متجوزتش لحد دلوقت.

Get widget