الضمير

Posted by Marwa Fahmy | 9:50 PM | | 18 comments »



السلام عليكم ورحمة الله وبركاته

الحقيقه موضوع الضمير ده طويل أوى وفى نفس الوقت معقد برغم انه بسيـــــــط جدا
sengihnampakgigi
طبعا مش فاهمين حاجه smile
أقولكم أنا قصدى ايه
انا مش قصدى ان كل واحد يبقى عنده ضمير يعنى ميتكلمش على حد ولا للولاد مثلا يبطلوا يضحكوا على البنات ولا الحاجات اللى مفروغ منها دى ...!
أنا قصدى كمان ليه كل واحد ميبقاش عنده ضمير جواه يعنى لو عمل حاجه غلط هيحس ان فى حاجه واجعاه ... أيوه كأن الضمير ده عضو من أعضاء الجسم ...!

يعنى أى حد يبقى وراه شغل ميعرفش يستريح الا لما يخلصها .. أو يبقى من جواه إحساس لأى شئ زى مثلا ميبقاش عاوز حد يزعل منه حتى لو كان الـ حد ده ميبحبوش وميهمش فى حاجه ..!
أنا عن نفسى بزعل من أقل حاجه وفى نفس الوقت لو اتصرفت مع أى حد أى تصرف ممكن يكن بالنسباله عادى بس بالنسبالى انا حاسه انه متضايق ولا حاجه , لدرجه ان فى ناس كتير بتستغربنى .. وفى الفتره الأخيره سمعت جمله انت انسانه حساسه أوى
كتـــيـــر جداااااااا ...!

لما حد بيطلب منى حاجه أنا اللى بجرى وراه عشان اديهالوا بالرغم من ان المفروض هو/ هى اللى تضور عليا .. والعكس ليس صحيح طبعا يعنى فى حاله انى طلبت حاجه من حد ممكن يزلنى لما يجبهالى ده ان جابها أصلا .. وده اذا انا طلبت حاجه من حد أساسا
senyum

لما بحس ان فى حد زعلان منى .. ببقى متضايقه جدا وممكن ده يسببلى حاله نفسيه ومش بستريح الا لما بحس انه مش زعلان .. وطبعا برده العكس ليس صحيح أحيانا كتيره عشان بس مظلمش حد
senyumkenyitء

لما بحس ان ورايا حاجه شغل أو كده - بعيدا عن الدراسه طبعا sengihnampakgigi - مش بستريح الا لما بخلصها وطبعا ساعتها ممكن أبقى تعبانه جدا بس فى نفس الوقت سعيده .
حاجه تانيه ساعات بحس ان فى ناس غاويه تعترض وبس وتقول على الناس مش بتشتغل فى حين انها هى كمان مش بتشتغل ...!

فى حاجه تانيه بضايقنى من نفسى أوى عشان مبقاش منحازه لنفسى أوى ...
انى مش بقدر أنسى الاهانه .. مش عارفه اذا كنت بسامح ولا لأ .. بس أنا اللى بيهنى بزعل شويه وبعد لما أهدى أرجع أكلمه تانى عادى وساعات بيبقى أكتر من الأول كمان !.. بس أنا برده لسه فكره اللى عمله / عملته فيا .. ودى كمان بتخلينى حاسه بألم كبير أوى جوايه ...!

مش عارفه كل الكلام اللى أنا قلته ده صح ولا أنا مبالغه ولا ايه بالظبط ؟!

الحقيقه كان فيه فى دماغى حاجات كتير بس نسيتها .. لو استحضرتها هبقى أزودها ان شاء الله .



سلام



السلام عليكم senyum

ازيكم عاملين ايه ,
الحقيقة انا مكنتش ناويه أكتب بوست عن العيد بما انى أصلا معدتش بحس ان فى عيد
gigil

بس meme
هى اللى فكرتنى وخلتنى أخد بالى لو حد حب يعيد عليا واهو بالمره أشوف مين اللى فكرنى
kenyit

المهم
كل سنه وانتم بألف خير وصحه وسعاده
وينعاد عليكم بالخير واليمن والبركات
sengihnampakgigi



babai

مواقف

Posted by Marwa Fahmy | 7:18 PM | | 15 comments »


من فتره كده المفروض انى غالبا بركب موصلتين عشان أوصل الجامعة وأنا وحظى أركب ايه .. لما بركب المواصله العاديه بتاعتى بنزل فى طلخا غالبا بمشى لحد معدى الكوبرى وأنزل أركب من هناك .
وفى يوم فى المسافه دى هى مش كبيره أوى لاحظت ان فى واحد ماشى ورايه .. بصراحه أنا خفت واللى خوفنى أكتر انه عمال بيعمل صوت غريب موترنى .. ولما جيت عند الكوبرى بصيت ورايه عشان أشوف شكله احتياطى :)
المهم أعدت أدعى يارب ميحصلش حاجه يارب المهم قمت مصدره الكشكول بتاعى أصله من الكشاكيل التخينه دى اللى فيها سلك ههههه
ومسحت الشنطه فى ايدى أوى وقلت عشان لو جه جنبى أديلوا بالكشكول فى وشه على طوول
biggrin.
فضلت ماشيه كنت حاسه ان الكوبرى بقى طويل أوى ومش عارفه أسرع فى المشى عشان حظى انى كنت لابسه جيبه ساك smile.
وصلت أخر الكوبرى , نزلت جرى ولقيت عربيه مافيهاش الا ماكان واحد نطيت فيها بسرعه وبووووم خلصت منه mrgreen.

--------------------------------------------------------------------------------------------------

فى يوم بعد لما قمت من النوم ومحدش كان فى البيت ,كل واحد فى شغله وأنا كنت مستعجله عشان اتأخرت وعندى سكشن ,
لقيت عصفوره عماله تخبت فى النجفه .. دخلت من غير ما حد ياخد باله .. المهم عملت نفسى مش واخده بالى وأنا أصلا فرحانه كويس عشان أبقى أمسكها ألعب بيها شويه , أصلى بحب العصافير أوىىىىىى
senyum , المهم بعد ما فطرت ولبست وخلاص خارجه لقيت العصفوره فى الصاله عماله تطير بسرعه جدا بدور على مخرج هههه , المهم وهى فى عز سرعتها دى قامت خابطه فى الشباك الألوميتال واقعه على الأرضsedih .
رحت أبص عليها خفت لاتكون ماتت ,, شفت مراحل وقوعها من الشباك على الكوسى على الأرض وأستلقت على ظهرها .. قومى الله يخليكى ماتموتيش أنا مش ناقصه وخصوصا ان كان بعد موت جدتى الله يرحمها
nangih,شلتها على ايدى كده وقلت لنفسى بقى أنا اللى طول عمرى نفسى أمسك عصفوره يوم ممسكها تبقى بتطلع فى الروحputuscinte .
خدتها وروحت على البلكونه ووقفتها على الصور .. وهى لسه دايخه خالص .. ياستى فوقى الله يخليكى .. المهم بدأت تفوق على بسيط كده .. حيت أقربلها تانى قامت ماشيه خطوتين كده .. سبتها وبعدت حاجه بسيطه وبعدين جيت عشان أمسكها تانى قامت ماشيه خطوتين تانيين .. قولتلها خلاص وبعدت خالص عند باب البلكونه ودخلت وقفلته ولسه ببص عليها من السلك .. لقيها ريحت شويه .. لسه بفتح باب البلكونه ... طــــــــــاااارت هييييييييييييييييييييييييييييييييييييييييييييييييييييه
sengihnampakgigi .

-------------------------------------------------------------------------------------------------

الأسبوع اللى فات كان عندى مشكله كده مديقانى شويه .. وفى يوم خارجه مش طايقه حد يكلمنى وعندى استعداد كامل للخناق ههههههه
وكان بابا عطيلى جنيهات فضه أصلها عادوا بيخدوها اجبارى
gigil . وأنا عارفه ان السواقين مش بيردوا ياخدوهم .. السواق فعلا مرداش ياخده بس كان فى واحد هو اللى بيلم الأجره, هو مش التباع بس يعرف السواق ... قلتله لو مختوش هبلغ عنك وأنا متنرفزه بقى evil.
قالى بلغى هههههه .. أخدت الجنيه وعنته ومطلعتش فلوس تانيه .. بعد شويه الواد اللى بيلم الأجره ده طلب منى الفلوس .. قلتله مش معايا ألا أربع جنيه فضه .. هتاخده وتجيب الباقى تاخده متخدزوش انت حر ..... شويه وفقانم قيلى طيب هاتيه قام واخده وعاطى للتباع حنيه ورق من معاه ههههه .
امبارح حصل تقريبا فس الموقف بس مكنش ليا مزاج أتخانق .. عنت الفضه وطلعت الورق عادى
biggrin.

-------------------------------------------------------------------------------------------------

النهارده وانا جايه من الجامعه .. ركبت معنا ست عجوزه .. بس بسم الله ماشاء الله زى العسل وواعيه بشكل ... ممكن تلففنى مصر كلها وكلامها عسل أوى , كل الناس فى الميكروباص حبوها أوى وقعدوا يقولولها والله انتى عسل يا حاجه ... حتى مش عارف كان حصل ايه كده لاقيتها بتقول والله كل الستات الكبار دول يستاهلوا يرحوا فى ستين داهيه .. كلنا بصينالها .. قامت قايله ما عدا أنا طبعا هههههههههههههههه

-----------------------------

يالا كفايه عليكوا كده
mrgreenء


Nature

Posted by Marwa Fahmy | 7:59 PM | | 15 comments »



السلام عليكم ورحمة الله وبركاته

ازيكم كلكم عاملين ايه ؟
أنا عارفه انا بقالى فترة مش كتبت حاجه جديده بس غصب عنى وخصوصا بسبب النكسه اللى حصلتلى دى
:konslet:ء


وكمان عشان مش عارفه أكتب ايه بصراحه
senyum
المهم انا المرادى مش هكتب حاجه انا هحط شويه صور كنت صورتها من فترة مش طويله اوى يعنى
اسيبكم مع الصور وأتمنى انها تعجبكوا
kenyitء







:bye:


-:التعريف
الاكتئاب هو شعور الإنسان بالحزن والكدر واليأس وفقدان الاهتمام وعدم القدرة على الاستمتاع بأي شيء سار أو ممتع، فمريض الاكتئاب يفقد الرغبة فى الشهية والإحساس لكل ما كان يشتهيه من قبل بل لا يجد طعم أو لذة لأي شيء فى الدنيا

كما يوجد عدة أنواع من الاكتئاب تنتج عن اضطرابات الهرمونات مثل اكتئاب سن اليأس، أو نتيجة بعض الإمراض العضوية أو نتيجة تناول أدوية معينة مثل دواء الريزربين ومشتقاته.. أو فى حالات الإصابة بمرض عصبي مثل الشلل الرعاش , أو تصلب شرايين الدماغ

ونسبة مرض الاكتئاب هي 5% من تعداد السكان أو تزيد عن ذلك قليلاً
أعراض الاكتئاب وعلاماته عديدة منها

*الشعور بالحزن الاكتئاب والضيق واليأس وهو ما يطلق عليه المزاج الاكتئابي.

* فقدان الاهتمام والقدرة على الاستمتاع بمباهج الحياة


  • * اضطراب الشهية وفقد الإحساس بطعم ونكهة الطعام فهو يأكل فقط لأنه اعتاد على ذلك

  • * ويصاحب فقدان الشهية فقدان الوزن.. مع ملاحظة أن بعض مرضى الاكتئاب يزداد إقبالهم على تناول الطعام ويزداد وزنهم بالتالي ولكن أيضا دون الشعور بلذة الطعام كما كانوا من قبل .

* اضطراب النوم بالزيادة أو النقصان ولكن الأغلب خاصة فى كبار السن هو الأرق ونقص نوعى وكمي لعدد ساعات النوم مع المعاناة من الأحلام المزعجة والنوم القلق .

  • * تناقص النشاط الحركي والطاقة وشعور المريض بالكسل وسرعة التعب ولكن أحياناً أيضاً يحدث العكس ولكن لا يكون فى صورة نشاط منظم مفيد وإنما فى صورة إفراط حركي وهياج بلا هدف

  • * صعوبة التركيز ونقص القدرة على التفكير المنظم مما يتسبب فى كثرة السرحان ورسوب بعض الطلاب أو فشل بعض الموظفين فى أداء أعمالهم

  • * الشعور بالذنب والإثم وعدم قيمة الذات , رغم عدم اقتراف المريض لأي أعمال تدعو لمشاعر الذنب هذه.. ولكنه يرى أنه المسئول عن كل ما يحدث حوله من مصائب وآثام .

  • * كثرة الأفكار عن الموت، وعدم قيمة الحياة، وعبثية الوجود، وتمنى الموت.. بل أحياناً الإقدام على الانتحار فى حالات الاكتئاب الشديدة .

وموضوع الانتحار يجب أن يؤخذ مأخذ الجد عند وجود أى دلالات أو أعراض اكتئاب لأن الثابت أن 15% من مرضى الاكتئاب ينتحرون، وان مريض الاكتئاب إذا صرح أو ألمح بالرغبة فى الموت فانه ينفذها وينتحر بالفعل .

وهناك بعض الحقائق عن مرض الاكتئاب

*إن الاكتشاف المبكر لمرض الاكتئاب شيء هام لأنه يسهل مهمةعلاجه ويزيد كثيراً من فرص الشفاء.
  • *إن الأعراض المبكرة للمرض تبدأ غالبا بفقدان الحماس والاهتمام بالعمل وبالعلاقات الاجتماعية المختلفة.. ويبدو المريض مهموماً أغلب الوقت شارد الذهن ويفقد نشاطه ومرحه ويبدو كما لو كان قد شاخ وأصابه العجز قبل الأوان

  • * إذا كانت أعراض الاكتئاب فى الحالة الوجدانية والمزاجية غير واضحة نجد الاكتئاب وقد أعلن عن نفسه فى صورة أعراض جسمانية عضوية مثل آلام متعددة ومتنوعة فى أجزاء مختلفة من الجسم, أو فقد القدرة الجنسية , أو وجود أعراض و أمراض عضوية رغم أن الفحوصات تثبت عدم وجودها

  • * تظهر فى بعض الحالات الشديدة من الاكتئاب أعراض ذهنية مثل الهلاوس (مثل سماع أصوات تشبه أو تحقر من شأنه أو تحثه على التخلص من حياته) أو ضلالات (أفكار ثابتة خاطئة لا يمكن تصحيحها بالمناقشة أو الحجة) مثل ضلالات الإحساس بالذنب (بدون اقتراف شيء يستحق هذا الإحساس المؤلم) أو ضلالات العدمية أو اعتلال الصحة .

وتؤكد أغلب المدارس الحديثة فى العلاج النفسي وعلى رأسها العلاج المعرفي والمعرفي السلوكى والعلاج العقلاني على أن الاكتئاب ينشأ نتيجة الأفكار الخاطئة المشوهة التى يتبناها المريض عن نفسه وعن الواقع المحيط به وأيضاً التوقعات والتصورات المحبطة اليائسة عن المستقبل. ولذلك يلجأ المعالجين النفسيين الذين يتبعون أساليب هذه المدارس إلى اكتشاف هذه الأفكار السلبية النشطة فى ذهن المريض والتصورات والتوقعات التشاؤمية التى تنشط طوال الوقت فى تفكيره وخياله بحيث تدفعه باستمرار إلى اليأس والحزن والتشاؤم .

ولقد عالجت العديد من الحالات بالاستعانة بأساليب العلاج الذاتي بالقرآن التى ساعدت العديد منهم فى السيطرة على الأفكار السلبية الانهزامية والتخلص منها ونبذ الشعور باليأس .

ومن تلك الحالات أذكر حالة السيدة التى كانت تعتقد أنها منبوذة وغير مقبولة من زوجها وصديقاتها.. وأنها ذات حظ سيء وأن الفشل هو مصير كل مشروع وكل خطوة تخطوها, وكان انشغالها الدائم بهذه الأفكار السلبية يجعلها فى حالة مزاجية ووجدانية كئيبة يائسة ,ونتيجة تشبعها بهذه المعتقدات والأفكار كانت دائمة التشاؤم كسولة يائسة مقطبه الوجه باستمرار.. وكانت كلما تقدمت للحصول على وظيفة تفشل خاصة فى مقابلات التقييم الشخصي , وزاد فشلها من تثبيت الاعتقاد لديها بأنها فاشلة غير مقبولة كئيبة مما انعكس على حالتها الانفعالية وأدى إلى زيادة الاكتئاب وأعراضه .

وباستخدام أسلوب الاستبصار بالملاحظة تمكنت بعد حوالي شهرين من التأكد تماماً بأن أسلوب تفكيرها الخاطىء والمفاهيم السوداوية والانهزامية التى تدور فى ذهنها طوال الوقت ,هي السبب الرئيسي فى حالة الاكتئاب واليأس التى تعيشها , وبالاستعانة بالأسلوب الثاني والثالث تمكنت من التخلص من كل تلك الأفكار والمفاهيم الانهزامية السلبية .

العلاج....
أ - العلاج النفسي :
ويختلف من حالة إلى أخرى.

ب - العلاج الدوائي :

تتنوع مضادات الاكتئاب ( والتي لا يجب أن تستخدم إلا تحت إشراف طبيب متخصص ) وتشمل عدة مجموعات منها :

  • مضادات الاكتئاب ثلاثية الحلقات Tricyclic antidepressants ومنها دواء التوفرانيل Tofranil وتربتيزول Tryptizol وآنافرانيل Anafranil وأدوية أخرى .

  • وجرعات بداية العلاج بهذه الأدوية تكون مابين 10-50 مجم وتصل إلى 150-300مجم يومياً. ويختار الطبيب الدواء حسب نوع الاكتئاب ودرجة شدته وسن المريض وعوامل أخرى تتعلق بالصحة العامة للمريض ونتائج فحوصاته .

  • المجموعة رباعية الحلقا ت Tetracyelic antidepressants وتضم دواء ليدوميل Ludiomil وهى ذات فائدة فى علاج الاكتئاب فى كبار السن ومرضى القلب والجلوكوما .

  • المجموعة المضادة لأكسدة الأمينات الأحادية ويرمز لها بالرمز MAOI's ومنها دواء البارنيت Parnate ودواء نارديل Nardil .

  • مجموعة العقاقير الحديثة المثبطة لاسترجاع السيروتونين .. ويرمز لها بـ S.S.R.I's وهى ذات تأثير فعال فى علاج أنواع الاكتئاب المختلفة.. كما أنها تتميز عن مضادات الاكتئاب الأخرى بقلة الأعراض الجانبية التى كانت تسبب العديد من المشاكل خاصة لكبار السن ، وتشمل هذه المجموعة أدوية : بروزاك Prozac ، فافرين Faverin ، سيبرام Cipram ، سيروكسات Seroxat ، ودواء زولوفت Zoloft .

وبالطبع فإن جميع هذه الأدوية يجب أن لا تستخدم إلا تحت إشراف الطبيب .

و تستخدم جلسات العلاج بالكهرباء فى حالات الاكتئاب الشديدة وعند وجود ميول انتحارية، أو موانع تعيق العلاج الدوائي وهى آمنه وسريعة التأثير كما تستخدم أيضا مع العلاج الدوائي .


دكتور / رامز طه






من حوالى شهر أو أكتر جالى خبر وفاة جدتى هى عمة بابا بس تعتبر أمه من الرضاعه ولأنى كنت قبلها باسبوعين على الأكثر عندها بالمستشفى فمازلت متذكره هذا المشهد بكل تفاصيله .. ولأنها لم تكن مريضة بالمعنى سوى أنها كانت وقعت على رجلها وكانت ستجرى عمليه لتركيب مفصل .. وبارغم من حزنى لكن لم تنزل دمعة من عينى ..! ولم أذهب الى العزاء وعندما سألنى أبى قلت ماليش فى الجو ده !!!

امبارح وللتحديد ولتذكر هذا التاريخ دائما يوم لم أكن أتخيل فى بيوم انى سأقف هذا الموقف فقد استيقظت على تليفون بنت بنت خالتى تسأل عن أمى لأنهم أخبروها من بيت - تيته - أنها مريضه جدا وكانت أمى لسه داخله فأخبرتها فقالتلى أنا كنت لسه عندها امبارح كانت كويسه ..
فطرت أمى ونزلت وكنت قد قررت أنا وأبى انى مش هروح الجامعه ولا هو هيروح المدرسه لأن شكل الموضوع ميطمنش ..
ولأننا دائما نقول هذا الكلام فليس فى خيالى شئ .. مجرد هزار ...
فى وقت لم يتعدى ساعه من خروج أمى وعرفنا أن - تيته - قد أانتقلت الى الرفيق الأعلى .. لم أستوعب هذه الكلمه وذهبت مره أخرى الى المطبخ لأكمل ما أفعله ...!
لبس أبى وهو خارج جه يسألنى اذا كنت عاوزه حاجه قلت شكرا كأنه رايح مشوار عادى .. ولكن عندما طبطب عليا بدأت أشعر بما حدث وبعد أن خرج انهمرت الدموع من عينى لم أعرف من اين جاءت ...!
فى خاطرى - يعنى خلاص معتش هشوفها دى هى اللى مربيانى - كنت لما بناديلها بدلعها وأقولها ازيك يا تاتو خلاص معتش هقولها
cry

انهيت ما أفعله ولبست عبائتى السوداء - أنا طبيعى بلبس أسود - وخرجت .. طول مانا ماشيه فى حاجه جوايه مش مصدقه ...
وعندما وصلت الى الشارع قبله بخطوه قلت لأ أنا هروح مش هلاقى حاجه وهتكون قاعده عادى كانت فى غيبوبه وفاقت ومفيش حاجه حصلت ..!
دخلت الشارع ورأيت أبى وخالى ومجموعة من القرايب واقفين أمام البيت .. وسمعت صوت امرأه لم أفهم ما تقول ولكنى لا أريد أن أسمع هذه الأصوات ... عندما اقتربت من أبى قلت مين اللى بتزعق دى قالى أختها .. ذهبت عندها وقلت أقعدى ساكته بطلى صويت ولكنها لا تستجيب لأحد .. وهى أيضا امرأه عجوز
لا أود أن أرفع صوتى عليها ...!
دخلت واذا بوجوه دامعه على الباب وبعدها عندما دخلت البيت وأنا فقمة قواى وكأن شئ لم يكن .. لم أتوجه الى أمى التى كانت منهارة من البكاء ولكنى توجهت الى خالتى لصوتها العالى وكلامها .. واذ بى اهديها وكل ما تتكلم أقولها بس اهدى تسكت شويه وتعود مرة أخرى فتركتها وتوجت الى أمى وأخذتها فى حضنى وأنا متماسكه تماما وجلست بجانبها فاذا بها تقول لى قومى شوفى نينتك
sad قلت بلاش عشان المنظر ده هيفضل معلق معايا ولكن كان باب الغرفه مفتوح ورأيت رجليها وهى نائمه تحت البطانيه ...
بدأ يزيد قدوم الستات فقالوا لى قومى من هنا اللى يقولى روحى عند خالك واللى يقولى روحى واللى يقولى قومى هاتى مصحف وادخلى اقرئى عندها جوه لأن الكه
رباء قاطعه xpastiء
قمت وماما بتقولى هتعملى ايه قولتلها مش عارفه ..! فإذ بى أذهب الى شقة خالى وأطلب المصحف وابنه خالى تسألنى انتى اللى هتقرى ؟!! لم أنطق بل قمت بارد عن طريق الاشاره .. هتقدرى ؟!! أذخته وذهبت الى الغرفه من دون أن أنظر لأحد وافتح الباب والمفاجأه لى اننى لم أشعر بشئ وكأن عينى متعوده على هذا المشهد فقط شعرت براحه !!!
بحثت عن سورة يس ووقفت بجانب رأسها وبدأت فى القراءه .. قد توقفت أكثر من مره عندما كان يخنق صوتى وتنهمر الدموع من عينى وأسرع فى مسحها كى لا يراها أحد وأستعيد قواى مره تلو مره وص
وتى يرتفع فى القراءه ... وها قد جاءت المغسله ودخل خالى الأصغر لكى يبوسها للمرة الأخيره .. لم أرد أن أركز فى وجهها فكنت أنظر فى أى اتجاه أخر .. وانهيت القراءه ثم أخرجونى لكى يبدئوا عمليه الغسل .
قد كنت تركت الشقة وذهبت الى شقة خالى الأكبر لكى أعطى لهم المصحف وجلست هناك ... وبعدها بفتره قليله جاء ابن خالى وهو ماذال فى تانيه ابتدائى .. عندما دخل قال هو ميتم مين ده ؟
xpasti
قلتله روح عند نينتك اجرى العب هناك ولم أره بعدها ... جاءت بنت خالتى من المدرسه وهى فى سته ابتدائى وعيناها حمراء قد كانت عرفت من مدرسه فى المدرسه ... جاءت بنت خالى من المعهد - أزهر - بع
د أن جاءت الكهرباء وزاعوا وقد كانت سمعت عندما دخلت رمت بشنطتها وبدأت فى البكاء cry وكن قد اكتشفنا ان ابن خالى لم يخرج ولكنه دخل الغرفه وفى زاوية السرير ويبكى شديدا ..!
ولم يكن على الا أن أكون بجانب هؤلاء الأطفال وبدأت أن أهزر وأضحك معهم والحمد لله قد أخرجتهم من هذه الحاله ..!
قبل العصر وقد انتهى الغسل ظهرت أصوات وعرفنا أنها ستخرج .. بنت خالتى وبنت خالى الكبيرة هما فقط اللى مازالتا موجودتين والباقى تم ابعادهم عن البيت ... بنت خالى " مش عاوزه أشوفها وهى خارجه " .. بنت خالتى " عاوزه أشوفها وهى خارجه " وكلتاهن منهارتين من البكاء ...! تشوفى مين أقعدى لا مينفعش .. ولم أرها أنا .
خرجت وقد كانت ذهبت أمى الى المسجد مع بعض النساء ... فذهبت بعدها بقترة قصيرة . وصلينا وانتهى ..
ولكننى لم أرجع البيت الا مع أمى . ولم أفعل أى شئ فقد ذهبنا للنوم ... ولكن من ينام فلم أنم وظللت أبكى وحيده و لم أرد أن أحد يرى دموعى..!

لقد كان يوم ملئ بالأحداث التى تحدث
لى لأول مرة ولكنه مر سريعا .
فلأول مرة أرى ميتا على الطبيعة بل وأجلس بجانبه ...!
لأول مرة أصلى صلاة الأموات بالرغم انها كانت تحدث كثيرا فى الحرمين ولكنى لم أكن أعرف كيف تصلى ...!
لأول مرة أرى خالى يبكى .. وخالتى أيضا ..!
لأول مرة أعيش مثل هذه اللحظات فى حياتى
يااااااااارب متكتبهاليش أعيشها لحد
عزيز عليا تانى .. الفراق صعب cry .


يارب انها امتك فاغفر لها وأرحمها وثبتها ... لقد رأت ظلما وعذابا شديدا .. وصبرت .
اللهم أغفر لها أخطائها وسهوها فإنها لا تعلم .
اللهم أدخلها فسيح جناتك
angel

اللهم آمين
doa


مواجهة

Posted by Marwa Fahmy | 10:35 PM | | 17 comments »





الحقيقه أنا مش عارفه ابدأ كلامى ازاى وخصوصا ان حالتى النفسيه ليست على ما يرام وحاسه انى مخنوقه ومش قادره اتنفس بقالى كام يوم
فسمحونى معلش كلامى مش هيبقى مترتب لأنى مش مركزه أصلاsigh.
بقالى فتره مش قليله بحلم بواحده صاحبتى من ابتدائى وللأسف علاقتنا اتقطعت .. بس مش من فترة طويله أوى بس تقريبا سنه ونص ..!
وللأسف أكتر أنا كنت السبب فى الانقطاع اللى حصل ده وكنت بتلكك زى مابيقولوا ..
بس انا حاسه انها وحشانى اوى ونفسى أكلمها وفكرت فعلا بس رجعت فى كلامى تانى .. لأسباب كتير منها هكلمها أقولها ايه
على الرغم من انها بعتالى السلام مع بنت خالتى قريب فى رمضان ..
بس كمان قلت لنفسى لو هى عاوزه تكلمنى كانت كلمتنى .. مش عارفه أعمل ايهsedih .

صاحبتى اللى كنت كتبت عنها موضوع قبل كده اللى اتخدعت فيها برده وحشتنى أوى ووحشنى أيامنا سوا ومشينا مع بعض والأكل بره وكل حاجه ونفسى أكلمها .. بس أنا مازلت زعلانه منها .. وكمان عاوزه أوصلها ان نظام المواد اتغير ولازم تروح تسأل fikir .

مش عارفه مؤخرا اكتشفت انى بقيت عصبيه أوى وباخد كل حاجه على أعصابى بس بيبقى عندى حق برده .. بس تعبت .
مش عارفه ليه دايما بفارق كل اللى بحبهم وبالرغم من شوقى ليهم باعمل أقصى ماعندى عشان نفترقgarupale

rindu

Get widget