الغاية تبرر الوسيلة ... الجملة دى كنت بسمعها كتير أوى وخصوصا فى التليفزيون
بس مكنتش فهمه معناها ايه..يعنى ايه غاية ..ممكن أكون فهمت وسيلة !
ومع مرور الوقت ولما كبرت شويه بدأت أفهما ولما فهمتها مقتنعتش بيها خاااااااالص !!!
يعنى ايه غاية تبرر وسيلة ؟!!!
حصل من فتره مناقشه سريعه بينى وبين عمتى .. كانت على الأسعار اللى غلت والناس اللى مش لاقيه تاكل والموظفيين الغلابه اللى مرتبهى بيقضيهم بالعافيه ..!!
ف كان من ضمن الكلام انها بتقول عنده حق الموظف اللى بيرتشى ولا بيسرق !!
أنا الكلمه دى دايقتنى جدا ...يعنى ايه موظف مرتبه قليل يروح يسرق ولا يرتشى ولا يبيع بنته لواحد أكبر منها عشان غنى ومعاه فلوس ؟؟!!!
رديت عليها بسرعه فظيعه "الغاية لا تبرر الوسيلة ".
قليتلى لأ تبرر !!!!! :@

طبعا أنا مقتنعتش :)

فى حاجه تانيه ..ممكن مكنش ليا حق فيها أوى بس برده مش مقتنعه بيها ..!
وهى الراجل اللى بيتجوز على مراته بسبب انها مش بتخلف أو لأى سبب تانى..!
هو يضمن منين انه لو اتجوز واحده تانيه هيخلف منها .. حتى لو مش مرتاح مع مراته..يضمن منين ان التانيه دى هتريحه ..!!!
وحاجات تانيه كتييييييييييييييييييييير

الغاية لا تبرر الوسيلة

النهارده كان عندى امتحان جافا تبعا عارفين مين الدكتور :@
المهم المفروض ان الامتحان 3 ساعات وكان فى 6 أسئله
كل سؤال محتاجله 3 ساعات لوحده
1:30 تفكير و1:30 كتابه الكود :)
ايه اللى حصل بقى :x
أنا كنت لسه بفكر السؤال الأول يتحل ازاى وبفك شفراته , لقيتهم بيقولوا فات ساعه من الوقت :#
وكمان المفروض ان الدكتور مش بيحب حد يكتب بالرصاص فا المفروض ان احنا بنفكر وبنكتب المسوده بالرصاص وبعدين نرجع نبيض بالجاف تانى . :f
حد يقولى لو فى مكانى هيعمل ايه :d
والله حاولت على قد ماقدر أنقذ ما يمكن انقاذه :y
دعواتكم بقى :)

Exams

Posted by Marwa Fahmy | 7:42 PM | | 8 comments »

السلام عليكم
أنا والله مش عارفه أقول ايه على اللى الدكاتره بيعملوه فينا ده
مش هنزحمهم ولا حاجه :@
دلوقتى خلصنا 3 مواد ولسه 3 يارب عديهم على خير واسترها معانا فى المواد اللى احنا امتحناها :c
والله أنا عندى برد ودرجه حرارتى مرتفعه ومش طايقه أذاكر ولا أعمل أى حاجه, ربنا يستر.
ادعولى أنجح السنه دى ومن غير مواد .
سلام

وداعا" للدموع

Posted by Marwa Fahmy | 12:28 AM | | 5 comments »

للأسف أصبحت الدموع دليل على ضعف الانسان ,مش من حقه يحس ومش من حقه يتألم لما يتجرح
لأ المفروض دايما يبقى قوى .. يضحك مهما كان جواه من ألم .. ليه ؟
عشان ميتألش عليه خايب أم حساس زياده عن اللزوم !!! :?
للأسف لسه متعرضه امبارح لموقف خلانى طول اليوم مزاجى وحش ولحد دلوقتى وهو انى للأسف أتصدمت فى واحده للأسف كنت افتكرت خلاص ان احنا بقينا أصحاب لأ وأصدقاء كمان .
هو الموضوع بقالوا فتره ومكناش بنتكلم .. متتصوروش أنا كنت متضايقه قد ايه .. بس برده قررت أحط على قلبى حجر وقلت زى ماهى مش فاكرانى وأنا مش فى دماغها ولا فارقه معاها .. هى كمان معدتش تفرق معايا .
لحد امبارح أكتشفت ان أنا كنت معيشه نفسى فى وهم كبير أوى .. وطلعت زى أى حد تانى ميعرفنيش خالص بس أكيد صدمتى فيها كانت أكبر من لو كانت جات من حد فعلا ميعرفنيش.
لأنى ببساطه كنت بالنسبه لها زى كتاب مفتوح وياريته كان اتقفل أقبل ما يتفتح .
بجد أنا مش قادره أوصف احساسى
cry
للأسف أنا طول حياتى بدور على صداقه حقيقيه بس واضح ان هطلع من النوع التانى اللى أشرف عبد الباقى قال عليهم
"فى الدنيا دى الناس بتدور عن الحب, فى منهم اللى محظوظ وبيلاقيه , وفى اللى بيعيشوا ويموتوا وهم بيدوروا عليه "
واضح ان هطلع من النوع التانى فى الحاجتين .!!
واضح ان أنا محتاجه انى اتخذ قرار بوقف سيل الدموع .. وبانى ابقى انسانه عمليه ومفكرش غير بعقلى وبس .
أدعولى أقدر أعمل ده .

ليه

Posted by Marwa Fahmy | 11:33 PM | | 6 comments »

ليه ؟؟ سؤال بسألوا كتير أوى وكتير مننا بيسألوه فى حاجات كتير وفى حاجات مختلفه.
ليه حد بيدى الحق لنفسه انه يحكم على حد لمجرد انوا بيتعامل معاه على الماشى زى مابيقولوا ؟
هتقولولى ازاى .... هقولكوا مثلا , فى ناس بتقول عليا انى زعلانه على طول !!!
ازاى تدى الحق ده لنفسك أصلا وانت متعرفش عنى حاجه .. مش علشان كذا مره تشوف حد زعلان يبقى زعلان على طول .!
تعرف ايه عنه ؟ تعرف ايه عن الظروف اللى هو بيمر بيها ؟!!
مش زنبى انى بنت وحيده .. فدرجه خوف ماما وبابا عايا كبير ف ده بيدايقنى ...!
مش ذنبى ان عمى وعماتى عاوزين يورثوا بابا بالحيه لمجرد انه معندوش غير بنت واحده ...!
مش ذنبى ان الناس بتبوصلنا فى عيشيتنا وبيقولوا هم ليه عايشين كده ولا بنوا بيت ليه مادام معندهمش غير بنت واحده ...!
مش ذنبى ان جيرانا مش بيحبوا لينا الخير وكل يوم والتانى يعملولنا مشاكل ...!
مش ذنبى انى حساسه وأى حاجه مهما كانت صغيره بتأثر فيا وممكن تخلينى أعيط .. ومبقاش فى المود زى مابيقولوا :)
مش ذنبى انى مش بعرف اعبر عن مشاعرى كويس فا غالبا بحبسها جوايا ...!
مش ذنبى ..!
rolleyes
دى ليه من 1000 ليه !!!
neutral

الحياه

Posted by Marwa Fahmy | 2:31 AM | | 0 comments »


الخاطره دى قرأتها فى مجله وكلماتها عجبتنى قلت احطها هنا يمكن تعجبكوا انتوا كمان



الحياه أفراح وأحزان .. حقيقه وخيال ..

الحياه مصائب وأقدار

الحياه ثوان أشهر وربما أعوام ..

الحياه سفينه وربان وقارب انقاذ

الحياه أنشوة غواص وشاطئ الماس ..

الحياه معان وكلمات قصائد وأشعار

الحياه دمعة وابتسامة وبكاء ناى

الحياه خيال وابداع لوحة فنان





I Love This Song

Posted by Marwa Fahmy | 12:42 PM | | 7 comments »

I Want To Spend My Lifetime Loving You
Moon so bright, night so fine Keep your heart here with mine
Life's a dream we are dreaming
Race the moon, catch the wind Ride the night to the end
Seize the day, stand up for the light
I want to spend my lifetime loving you
If that is all in life I ever do
Heroes rise, heroes fall Rise again, win it all
In your heart, can't you feel the glory?
Through our joy, through our pain We can move worlds again
Take my hand, dance with me
I want to spend my lifetime loving you
If that is all in life I ever do
I will want nothing else to see me through
If I could spend my lifetime loving you
Though we know we will never come again
When there is love, life begins
Over and over again
Save the night, save the day
Save your love, come what may
Love is worth everything we pay
I want to spend my lifetime loving you
If that is all in life I ever do
I want to spend my lifetime loving you
If that is all in life I ever do
I will want nothing else to see me through
If I can spend my life time loving you

أولا : التساوى :
1. تم ذكر كلمة دنيا 115 مرة وتم ذكر كلمة أخرة 115 مرة .
2. تم ذكر كلمة ملائكة 88 مرة وتم ذكر كلمة شياطين 88 مرة .
3. تم ذكر كلمة الناس 50 مرة وتم ذكر كلمة الأنبياء 50 مرة .
4 . تم ذكر كلمة صلاح 50 مرة وتم ذكر كلمة فساد 50 مرة .
5. تم ذكر كلمة ابليس 11 مرة وتم ذكر الاستعاذة من ابليس 11 مرة .
6. تم ذكر كلمة مسلمين 41 مرة وتم ذكر كلمة جهاد 41 مرة .
7. تم ذكر كلمة ذكاة 32 مرة وتم ذكر كلمة بركة 32 مرة .
8. تم ذكر كلمة محمد 4 مرات وتم ذكر كلمة شريعة 4 مرات .
9. تم ذكر كلمة رجل 24 مرة وتم ذكر كلمة امرأه 24 مرة .

ثانيا : الاعجاز
1. ذكرت الصلاة 5 مرات فى القرآن والفروض اليومية خمس فروض .
2. ذكرت الشهور 12 مرة فى القرآن والسنة 12 شهر .
3. ذكر اليوم 365 مرة والسنة 365 يوم .
ثالثا : العلاقات الرقمية
* ذكرت كلمة بحر فى القرآن 32 مرة .
* ذكرت كلمة أرض فى القرآن 13 مرة .
# النسبة المئوية لعدد ذكر كلمة بحر بالنسبة الى مجموع ذكرعدد كلمتى بحر وأرض = 32 / ( 32 + 13 ) *100 = 71.111
$ هذه هى النسب الفعلية لنسبة مسطح البحر واليابسة للمسطح الاجمالى لمسطح كوكب الأرض .
# النسبة المئوية لعدد ذكر كلمة أرض بالنسبة الى مجموع عدد ذكر كلمتى بحر وأرض = 13 / (32 +13 ) *100 = 28.888

Get widget