وداعا" للدموع

Posted by Marwa Fahmy | 12:28 AM | | 5 comments »

للأسف أصبحت الدموع دليل على ضعف الانسان ,مش من حقه يحس ومش من حقه يتألم لما يتجرح
لأ المفروض دايما يبقى قوى .. يضحك مهما كان جواه من ألم .. ليه ؟
عشان ميتألش عليه خايب أم حساس زياده عن اللزوم !!! :?
للأسف لسه متعرضه امبارح لموقف خلانى طول اليوم مزاجى وحش ولحد دلوقتى وهو انى للأسف أتصدمت فى واحده للأسف كنت افتكرت خلاص ان احنا بقينا أصحاب لأ وأصدقاء كمان .
هو الموضوع بقالوا فتره ومكناش بنتكلم .. متتصوروش أنا كنت متضايقه قد ايه .. بس برده قررت أحط على قلبى حجر وقلت زى ماهى مش فاكرانى وأنا مش فى دماغها ولا فارقه معاها .. هى كمان معدتش تفرق معايا .
لحد امبارح أكتشفت ان أنا كنت معيشه نفسى فى وهم كبير أوى .. وطلعت زى أى حد تانى ميعرفنيش خالص بس أكيد صدمتى فيها كانت أكبر من لو كانت جات من حد فعلا ميعرفنيش.
لأنى ببساطه كنت بالنسبه لها زى كتاب مفتوح وياريته كان اتقفل أقبل ما يتفتح .
بجد أنا مش قادره أوصف احساسى
cry
للأسف أنا طول حياتى بدور على صداقه حقيقيه بس واضح ان هطلع من النوع التانى اللى أشرف عبد الباقى قال عليهم
"فى الدنيا دى الناس بتدور عن الحب, فى منهم اللى محظوظ وبيلاقيه , وفى اللى بيعيشوا ويموتوا وهم بيدوروا عليه "
واضح ان هطلع من النوع التانى فى الحاجتين .!!
واضح ان أنا محتاجه انى اتخذ قرار بوقف سيل الدموع .. وبانى ابقى انسانه عمليه ومفكرش غير بعقلى وبس .
أدعولى أقدر أعمل ده .

5 comments

  1. eng_romisaa // May 19, 2008 at 11:23 PM  

    لسلام عليكم
    ازيك يا مروة

    الدموع بتخرج الواحد من حاجات كتير جدا فى الدنيا
    الواحد و هو زعلان بيعيط ولو هو فرحان بردو بيعيط

    ساعات الواحد بيبقى مخنوق جدا جدا جدا و مش قادر مثلا يتكلم وكل اللى بيقدر يعمله انه يعيط علشان يرتاح و فعلا بيرتاح جدا جداجدا
    فا مافيش حاجة ابدأ اسمها ما فيش دموع
    والله مهما كنتى بتفكرى بعقلك و اصبحتى انسانة عمليه و كل اهتمامك فى الحياة هو المجال العملى
    فو مواقف كتير هتلاقى نفسك بتعيطى فيها
    دا علشان الانسان كده
    دى طبيعته
    و ده مش ضعف ولا يأس
    لا بس بيفك عن نفسه
    و هيرجع احسن من الاول

    اما بالنسبة لصاحبتك اللى انتى اتصدمتى فيها
    فلا يهمك كلنا لها
    و بتحصل كتيييييييييييييييييييييييير
    و حصلتلى اول السنة فى ناس انا بردو كنت حاسة انهم اقرب الناس ليا و انهم دول اصحابى و اللى بثق فيهم
    واللى دايقنى منهم انه اول اما لاقونى لاقيت الطريق الصح اللى المفروض امشى عليه وانى بدأت اتعلم واعرف ان الحياة مش دراسة و بس
    بالمعنى الاصح من اول ما دخلت الكات
    ادايقوا جدا جدا و حاولوا يدايقونى بكل الطرق و يضغطوا عليا نفسيا لحد بجد ما كنت و صلت لدرجة انى هقرب ايأس من حياتى و مش اثق فى حد تانى ابدا

    بس الحمد لله اصحاب تانيين هم اللى وقفوا جمبى
    هم دول الاصحاب الحققيين ( ربنا يخليهوملى يا رب )
    زى عبدو قطان بجد انا بهدلته فى الايام دى كنت بطلع خنقتى عليه :)
    بجد هو كان اكتر حد واقف جنبى و بينصحنى
    وخلانى اخرج من اللى انا فيه
    لانهم ما يستاهلوش كل الزعل اللى انا زعلته عليهم ده
    اما الشخص التانى فا هو رامى مولتو
    هو كمان وقف جنبى و وخفف عنى
    وقالى انتى مشيتى فى الطريق الصح و هم اللى بعدوا عنك و بيحاولوا يضروكى لانهم حاسيين ان انتى بقيتى احسن منه
    و قالى كلمة مش هنساها ابدا ( اللى يبيعك بعيه) وبجد الجملة دى صح
    وانتى و مريم كمان انا كنت بحكيلكم وبتقفوا جنبى

    الاصحاب الحقيقيين عمرهم ما يفكروا يضروكى و بيعرفوا يقفوا جنبك وقت الشدة
    و دول اللى يتزعل منهم لو عملوا حاجة تدايقك و يتعاتبوا لانهم هيفهموكى

    غير كده ولا يهموكى اصلا و لاحتى تزعلى نفسك علشانهم

    شوفى مستقبلك و مصلحتك و عيشى حياتى وميهمكيش اى حد الا اللى يستاهل بس
    و دايما ترضى ربنا علشان تحسى انك راضية عن كل حياتك
    وان شاء الله ربنا يوفقك لكل اللى انتى عاوزاه

    و شيدى حيلك فى الامتحانات
    ربنا معاكى و معايا

    معلش بقى طولت عليكى :)

  2. سفينة // May 20, 2008 at 7:35 PM  

    السلام عليكم،ازيك يامروه
    تعرفي انا عندي راي في موضوع البكاء والدموع
    ان اللي مش عنده دموع وبيبكي فهو اقرب مايكون الي الجماد
    ممكن تقولي عليه عديم الاحساس
    دموعك دي بتقول ببساطه ان انتي انسانه

    مروه انتي عمرك ماهتعرفي قيمة الاصدقاء الحقيقيين الا لما تقابلي اصدقاء مايستحقوش صداقتك دي وتتصدمي فيهم

    مش هتعرفي قيمة النجاح الا لما تجربي ولو مره واحده طعم الفشل
    مش عايز اطول عليكي بس اتمني تكوني بخير دلوقت وبتذاكري كويس وربنا يوفقك

    خالص تحياتي ، تقبلي مروريويارب تكون زيارتي خفيفه عليكي

    وعشان مطولش كتير فيه تعليق قولتهولك في موضوع (ليه)اتمني تفرق معاكي ولو بشكل بسيط حتي
    سلااااااااااااااااااام

  3. Butterfly // May 20, 2008 at 7:50 PM  

    @eng_romisaa

    شكرا جدا على كلامك طبعا
    وأنا عارفه الكلام ده بس بجد حاجه صعبه أوى والاحساس اللى جوايه مش هقدر أوصفه
    يالا ربنا يهون :)

    @سفينه

    أنا مقتنعه جدا بكلامك
    وشكرا على اهتمامك وردك :)

  4. رئيس جمهوريه نفسى // May 22, 2008 at 10:26 PM  

    اولا لما تجيكى فرصه تبكى ابكى وافرغى كل الشحنه الى جواكى فى الدموع سواء كانت فرح او لاقدر الله حزن
    ثانيا: مش معنى انك اتصدمتى فى حد انك تفقدى الثقه فى العالم وكل الى حواليكى ممكن تكونى اسائتى الاختيار مره بس اكيد الى بعدها حتختارى صح

  5. Butterfly // May 22, 2008 at 11:37 PM  

    @ رئيس جمهوريه نفسى

    شكرا جدا على تشريفك واهتمامك وردك
    أنا مقتنعه بكلامك وكل حاجه بس المشكله ان دى مش أول مره اتصدم فى حد
    أنا اتصدمت فى ناس كتير أوى قبل كده
    بس الحمد لله عمرى ما فقدت الأمل دايما بقدر أكمل الحمد لله ومافيش حاجه بتوقفنى

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget