الغاية تبرر الوسيلة ... الجملة دى كنت بسمعها كتير أوى وخصوصا فى التليفزيون
بس مكنتش فهمه معناها ايه..يعنى ايه غاية ..ممكن أكون فهمت وسيلة !
ومع مرور الوقت ولما كبرت شويه بدأت أفهما ولما فهمتها مقتنعتش بيها خاااااااالص !!!
يعنى ايه غاية تبرر وسيلة ؟!!!
حصل من فتره مناقشه سريعه بينى وبين عمتى .. كانت على الأسعار اللى غلت والناس اللى مش لاقيه تاكل والموظفيين الغلابه اللى مرتبهى بيقضيهم بالعافيه ..!!
ف كان من ضمن الكلام انها بتقول عنده حق الموظف اللى بيرتشى ولا بيسرق !!
أنا الكلمه دى دايقتنى جدا ...يعنى ايه موظف مرتبه قليل يروح يسرق ولا يرتشى ولا يبيع بنته لواحد أكبر منها عشان غنى ومعاه فلوس ؟؟!!!
رديت عليها بسرعه فظيعه "الغاية لا تبرر الوسيلة ".
قليتلى لأ تبرر !!!!! :@

طبعا أنا مقتنعتش :)

فى حاجه تانيه ..ممكن مكنش ليا حق فيها أوى بس برده مش مقتنعه بيها ..!
وهى الراجل اللى بيتجوز على مراته بسبب انها مش بتخلف أو لأى سبب تانى..!
هو يضمن منين انه لو اتجوز واحده تانيه هيخلف منها .. حتى لو مش مرتاح مع مراته..يضمن منين ان التانيه دى هتريحه ..!!!
وحاجات تانيه كتييييييييييييييييييييير

الغاية لا تبرر الوسيلة

11 comments

  1. هوندا // June 1, 2008 at 6:19 AM  

    انتى صح يامارو
    ده مبدأ ميكافلى الغايه تبررالوسيله
    وهو طبعا غلط

  2. بنت مصريه // June 2, 2008 at 2:00 AM  

    عندك حق والله
    احييكى عالبوست الجميل ده

  3. Butterfly // June 2, 2008 at 11:44 AM  

    هوندا@

    ميكافلى ده حتى باين على اسمه
    هههههههههههههه :D

    بنت مصريه@

    شكرا جدا على رأيك :)

  4. MrXprt // June 3, 2008 at 8:11 PM  

    بس للأسف مع الايام الناس أو

    بتتناسي

    ودا في ظل الحال اللي عايشينه

    فبلادنا

    بوست جميلة
    تحياتي

  5. Butterfly // June 3, 2008 at 9:23 PM  

    ThanQ mrxprt :)

  6. سفينة // June 3, 2008 at 11:06 PM  

    علي فكره انتي عندك حق جدا

    الغاية لاتبرر الوسيله

    بس الحوار اللي دار بينك وبين عمتك السبب فيه وضع البلد الصعب قوي ده

    وضع صعب لدرجة ان احنا زي مانكون حاسين ان فيه غمامه علي عنينا مخليانا مش شايفين الصوره كويس

    .............
    تقبلي مروري واتمني تنوريني

  7. Butterfly // June 4, 2008 at 1:32 AM  

    @سفينه

    انا عارفه ان وضع البلد صعب
    بس مش معنى كده ان احنا ننسا دينا قبل ما أقول عاداتنا ةتقاليدنا وأخلاقنا
    وشكرا جدا على تشريفك ليا :)

  8. eng_romisaa // June 4, 2008 at 1:59 AM  

    ازيك يا مروة

    بصى يا سيتى
    انا شايفة ان لما حد بيعمل حاجة غلط و هو عارف انها غلط بيستخدم المثل ده علشان يبرر لنفسه غلطه و يقدر يتقبله و يحاول يقنع نفسه ان هو مش غلط دا مجرد وسيلة بيوصل بيها للى هو عاوزة
    انما لو بيعمل حاجة صح عمره ما هيستخدم المثل ده

  9. Butterfly // June 4, 2008 at 2:01 PM  

    فعلا يا رميساء
    كلامك صح
    وياريت كل الناس تبطل تستخدم الأمثال والأقوال الغلط دى
    ساعتها حال بلدنا هيتغير أكيد

  10. بنت مصريه // June 4, 2008 at 7:20 PM  

    انتى فين يا بنتى
    وحشتنا بوستاتك الجميله
    تقبلى مرورى
    اتمنى تنورينى

  11. Butterfly // June 5, 2008 at 1:17 AM  

    موجوده اهه لسه مخلصه امتحانات امبارح
    دعواتكم بقى انا عاوزه الناس كلها تدعيلى عشان انا ملبخه تلبيخ ربنا يستر
    وشكرا على المجامله دى :)

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget