ليه

Posted by Marwa Fahmy | 11:33 PM | | 6 comments »

ليه ؟؟ سؤال بسألوا كتير أوى وكتير مننا بيسألوه فى حاجات كتير وفى حاجات مختلفه.
ليه حد بيدى الحق لنفسه انه يحكم على حد لمجرد انوا بيتعامل معاه على الماشى زى مابيقولوا ؟
هتقولولى ازاى .... هقولكوا مثلا , فى ناس بتقول عليا انى زعلانه على طول !!!
ازاى تدى الحق ده لنفسك أصلا وانت متعرفش عنى حاجه .. مش علشان كذا مره تشوف حد زعلان يبقى زعلان على طول .!
تعرف ايه عنه ؟ تعرف ايه عن الظروف اللى هو بيمر بيها ؟!!
مش زنبى انى بنت وحيده .. فدرجه خوف ماما وبابا عايا كبير ف ده بيدايقنى ...!
مش ذنبى ان عمى وعماتى عاوزين يورثوا بابا بالحيه لمجرد انه معندوش غير بنت واحده ...!
مش ذنبى ان الناس بتبوصلنا فى عيشيتنا وبيقولوا هم ليه عايشين كده ولا بنوا بيت ليه مادام معندهمش غير بنت واحده ...!
مش ذنبى ان جيرانا مش بيحبوا لينا الخير وكل يوم والتانى يعملولنا مشاكل ...!
مش ذنبى انى حساسه وأى حاجه مهما كانت صغيره بتأثر فيا وممكن تخلينى أعيط .. ومبقاش فى المود زى مابيقولوا :)
مش ذنبى انى مش بعرف اعبر عن مشاعرى كويس فا غالبا بحبسها جوايا ...!
مش ذنبى ..!
rolleyes
دى ليه من 1000 ليه !!!
neutral

6 comments

  1. بنت مصريه // May 15, 2008 at 1:43 PM  

    مش عارفه اقولك ايه فعلا
    محدش بيعرف حد الا لما يعاشره
    بس اسمحيلى الطريقه اللى بيفكروا بيها عماتك والجيران
    طريقه قديمه قوى وهى تفضيل الولاد
    على فكره البنات احسن بكتيير م الولاد
    وعلى فكره بباكى له الجنه لانه علمك واحسن تربيتك

  2. Butterfly // May 15, 2008 at 2:09 PM  

    ربنا يخليكى
    الموضوع مش موضوع تفضيل بس هو موضوع ان أنا بنت ف هما كده كده هيورثوا بعد عمر طويا ان شاء الله .
    وبالنسبه للجيران ف دايما كلامهم كمان على أساس انى بنت وان شاء الله بردوا بعد عمر طويل هتجوز ف طبيعى هروح بيت جوزى يعنى مافيش ولد هو اللى هيجيب مراته يعنى .
    بس أحسن حاجه ان أنا اللى أروح أتقدم وتبقى الشقه عليا هههههههههههه

  3. Baker // May 15, 2008 at 4:23 PM  

    و انتى ليه تحطى فى بالك
    ليه مطنشيش الناس و تعيشى حياتك
    على العموم لو فكرتى فى موضوع انك تتقدمى ده و تبقى الشقه عليكى متنسيش تدينى خبر
    تحياتى

  4. Butterfly // May 16, 2008 at 12:16 AM  

    هههههههههههههههههههههههههههههههههههه
    أكيد مش هديك خبر :P

    أما موضوع ان أنا أطنش ف أنا كتير بعمل كده ..بس غصب عنى مش بقدر أعمل ده فى كل الأوقات
    وشكرااااااا

  5. سفينة // May 20, 2008 at 7:05 PM  

    اولا احب اقول لك ان انا شخصيا سعيد جدا بمعرفتك
    ثانيا احب اقول لك انه واضح في كلامك قوي صدق غريب
    حاسس ان انتي بتقولي وبتوصفي اللي جواكي بمنتهي البراعه وبمنتهي الاحساس بالمراره في نفس ذات الوقت
    علعموم احب اقول لك انه مفيش انسان في الدنيا دي عايش من غير مشاكل
    كل واحد مننا عنده هموم ومشاكل بيفكر فيها وشاغلاه والفرق بين واحد والتاني مش ان فيه حد عنده مشاكل وحد تاني معندوش

    لا

    الفرق الحقيقي بين واحد وواحد هو طريقة تعامل كل واحد مننا مع المشاكل دي
    هقولك حاجه هي مقوله عجبتني قوي بتقول

    ليس السعداء في هذا العالم من ليس لديهم مشكلات..ولكن السعداء حقيقة هم أولئك الذين تعلّموا كيف يحلون مشكلاتهم ويقتنعون بتلك الأشياء البسيطة التي لديهم ،لذا فنصيحة مني: احتفظ بابتسامتك دائماً مهما كانت الظروف والأحوال

    ها هتبتسمي علطول ولا ناويه تكسفيني؟؟؟

    خالص تحياتي،ويارب تكون زيارتي خفيفه عليكي

  6. Butterfly // May 20, 2008 at 7:43 PM  

    @سفينه
    أنا بجد متشكره جدا على الكلام الجميل ده
    وأكيد هاخد بيه على قد ما أقدر :)
    المقوله دى أنا حاسه انى قرأتها قبل كده وأكيد أنا مقتنعه بيها جدا
    بس أكيد بيبقى غصب عن الانسان ان بيبين زعله
    مافيش حد عاوز يبقى زعلان ومكشر على طول
    وعلى فكره أنا أوقات كتير أوى بيبقى جوايه حزن كبير بس بضحك وبهزر بس متتصورش دى حاجه بتبقى مؤلمه قى ايه

    وشكرا جدا طبعا على كلامك
    وان شاء الله مش هكسفك :)

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget