فى أقوال شهيره أوى بنسمعها خصوصا عن الحب
الحب يصنع المعجزات
الحب أعمى

اه فعلا الحب يصنع المعجزات لكن ايه اللى عماااااااااااه :#
الحب عمره ماكان أعمى ولو كان أعمى يبقى مش حب.
يعنى ايه أصلا انك بتحب حد ... محدش هيعرف يوصل لاجابه لأكن كل واحد عنده وجهة نظر.
لكن لو بتحب حد تبقى عارفه كويس عارف بيحب ايه , بيكره ايه , مميزاته وعيوبه .
هتقولوى مهو عشان كده الحب أعمى عشان لو بحب حد مش هشوف عيوبه .!
لأ طبعا الحب الحقيقى انك تبقى عارف الشخص ده كويس أوى عيوبه قبل مميزاته ومتقبله زى ماهوا كده .
المقوله دى فعلا مش صح خااااااالص .
لو بتحب شخص واكتشفت بعد كده عيب فيه أو بمعنى أصح سلبيات
فعملت نفسك مش واخد بالك أو اترددت بعدها انك تكلمه يبقى محبتووووووووووووووووش. :)

9 comments

  1. هوندا // June 5, 2008 at 8:41 PM  

    هو المقصود انك لو بتحبى حد بتتغاضى عن عيوب موجوده فيه ممكن لو موجودة فى شخص تانى متتقبليهاش وده بتتاكدى منه لم تبعدى عن الشخص ده لاى سبب م الاسباب تبدأى تشوف حاجات انتى كنتى بتعديها وتتقبليها وتستغربى جدا انك مخدتيش بالك منها قبل كده

  2. Butterfly // June 6, 2008 at 11:16 PM  

    ايوه يا هنادى تتغاضى عنها علشان بتحبيه لكن عارفاهه كويس مش مش واخده بالك منها :)

  3. eng_romisaa // June 7, 2008 at 4:18 AM  

    بيقولوا الحب اعمى لان الانسان اول ما بيطب بيطب من غير ما بيفكر ولا يستخدم عقله و بيبقى شايف ان حبيبه ده احسن حد فى الدنيا و مش بيقدر يشوف عيوبه فعلا
    هو بيبقى عارف انها عيوب فيه بس بتبقى على قلبه زى العسل
    علشان هو بيحبه
    الحب بهدلة :))

  4. سفينة // June 7, 2008 at 6:09 PM  

    الله عليكي وعلي كلامك

    بحييكي علي كلامك دا والله وعلي عقلك الراجح ده

    فعلا لايستقيم الحب ولا ينجح إلا اذا كان القلب واقع تحت سيطرة وسلطان العقل

    ..............
    خالص تحياتي ،واتمني تنوريني

    قبطان

  5. Butterfly // June 7, 2008 at 6:14 PM  

    @Romisaa
    بس الكلام اللى انتى بتقوليه ده مش صح خالص
    والحب بيبقى أنجح بكتير لى حكمنا العقل
    وشكرا على ردك.

    @سفينة
    شكرا جدا على كلامك ده
    وشكرا على تشريفك ليا دايما
    :)

  6. safa7_karmooz // June 8, 2008 at 4:41 AM  

    بس انا برضه مقتنع انه اعمى فى حاجات معينة ....

    بس ياترى لو اتغاضينا عن اخطاء او عيوب كده بنظلم نفسنا؟؟؟؟

    او بنظلمه ؟؟؟

  7. Butterfly // June 8, 2008 at 4:16 PM  

    @ safa7_karmooz

    أهلا بيك
    وطبعا كل واحد حر فى رأيه

    بالنسبه لسؤالك
    فااحنا كدا بنظلم نفسنا لأن ممكن أخطائه أو عيوبه دى تتضايقنا أو تحرجنا فى مواقف .
    وكمان بنظلمه لأن المفرود انه ليه علينا حق النصيحه عشان يحاول يصلح من نفسه .

  8. eng_romisaa // June 8, 2008 at 6:28 PM  

    انا معاكى يا مروة
    وانا اكتر حد مقتنعه ان الواحد لازم يفكر بعقله فى كل حاجة
    حتى فى الحب
    لازم يعرف يسيطر عليه
    ولازم يبقى عارف يودى مشاعره دى فين
    انا فى الرد الاولانى كنت برد على كلامك ان الحب اعمى ليه

  9. Nasr Naser // August 28, 2013 at 11:35 AM  

    عمر الحب ما كان اعمى لان انت بتشوف الدنيا بشكل تانى يبقى ازى بتشوف الدنيا بشكل جميل وازاى اعمى وانت بتشوف كل شىء جميل الحب الحقيقى نعمة من نعم ربنا ولولا الحب ما كنت الحياة ما اجمل الحب وما اجمل الحياة للحباب

    nasr2010400@yahoo.com

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget