من حوالى شهر أو أكتر جالى خبر وفاة جدتى هى عمة بابا بس تعتبر أمه من الرضاعه ولأنى كنت قبلها باسبوعين على الأكثر عندها بالمستشفى فمازلت متذكره هذا المشهد بكل تفاصيله .. ولأنها لم تكن مريضة بالمعنى سوى أنها كانت وقعت على رجلها وكانت ستجرى عمليه لتركيب مفصل .. وبارغم من حزنى لكن لم تنزل دمعة من عينى ..! ولم أذهب الى العزاء وعندما سألنى أبى قلت ماليش فى الجو ده !!!

امبارح وللتحديد ولتذكر هذا التاريخ دائما يوم لم أكن أتخيل فى بيوم انى سأقف هذا الموقف فقد استيقظت على تليفون بنت بنت خالتى تسأل عن أمى لأنهم أخبروها من بيت - تيته - أنها مريضه جدا وكانت أمى لسه داخله فأخبرتها فقالتلى أنا كنت لسه عندها امبارح كانت كويسه ..
فطرت أمى ونزلت وكنت قد قررت أنا وأبى انى مش هروح الجامعه ولا هو هيروح المدرسه لأن شكل الموضوع ميطمنش ..
ولأننا دائما نقول هذا الكلام فليس فى خيالى شئ .. مجرد هزار ...
فى وقت لم يتعدى ساعه من خروج أمى وعرفنا أن - تيته - قد أانتقلت الى الرفيق الأعلى .. لم أستوعب هذه الكلمه وذهبت مره أخرى الى المطبخ لأكمل ما أفعله ...!
لبس أبى وهو خارج جه يسألنى اذا كنت عاوزه حاجه قلت شكرا كأنه رايح مشوار عادى .. ولكن عندما طبطب عليا بدأت أشعر بما حدث وبعد أن خرج انهمرت الدموع من عينى لم أعرف من اين جاءت ...!
فى خاطرى - يعنى خلاص معتش هشوفها دى هى اللى مربيانى - كنت لما بناديلها بدلعها وأقولها ازيك يا تاتو خلاص معتش هقولها
cry

انهيت ما أفعله ولبست عبائتى السوداء - أنا طبيعى بلبس أسود - وخرجت .. طول مانا ماشيه فى حاجه جوايه مش مصدقه ...
وعندما وصلت الى الشارع قبله بخطوه قلت لأ أنا هروح مش هلاقى حاجه وهتكون قاعده عادى كانت فى غيبوبه وفاقت ومفيش حاجه حصلت ..!
دخلت الشارع ورأيت أبى وخالى ومجموعة من القرايب واقفين أمام البيت .. وسمعت صوت امرأه لم أفهم ما تقول ولكنى لا أريد أن أسمع هذه الأصوات ... عندما اقتربت من أبى قلت مين اللى بتزعق دى قالى أختها .. ذهبت عندها وقلت أقعدى ساكته بطلى صويت ولكنها لا تستجيب لأحد .. وهى أيضا امرأه عجوز
لا أود أن أرفع صوتى عليها ...!
دخلت واذا بوجوه دامعه على الباب وبعدها عندما دخلت البيت وأنا فقمة قواى وكأن شئ لم يكن .. لم أتوجه الى أمى التى كانت منهارة من البكاء ولكنى توجهت الى خالتى لصوتها العالى وكلامها .. واذ بى اهديها وكل ما تتكلم أقولها بس اهدى تسكت شويه وتعود مرة أخرى فتركتها وتوجت الى أمى وأخذتها فى حضنى وأنا متماسكه تماما وجلست بجانبها فاذا بها تقول لى قومى شوفى نينتك
sad قلت بلاش عشان المنظر ده هيفضل معلق معايا ولكن كان باب الغرفه مفتوح ورأيت رجليها وهى نائمه تحت البطانيه ...
بدأ يزيد قدوم الستات فقالوا لى قومى من هنا اللى يقولى روحى عند خالك واللى يقولى روحى واللى يقولى قومى هاتى مصحف وادخلى اقرئى عندها جوه لأن الكه
رباء قاطعه xpastiء
قمت وماما بتقولى هتعملى ايه قولتلها مش عارفه ..! فإذ بى أذهب الى شقة خالى وأطلب المصحف وابنه خالى تسألنى انتى اللى هتقرى ؟!! لم أنطق بل قمت بارد عن طريق الاشاره .. هتقدرى ؟!! أذخته وذهبت الى الغرفه من دون أن أنظر لأحد وافتح الباب والمفاجأه لى اننى لم أشعر بشئ وكأن عينى متعوده على هذا المشهد فقط شعرت براحه !!!
بحثت عن سورة يس ووقفت بجانب رأسها وبدأت فى القراءه .. قد توقفت أكثر من مره عندما كان يخنق صوتى وتنهمر الدموع من عينى وأسرع فى مسحها كى لا يراها أحد وأستعيد قواى مره تلو مره وص
وتى يرتفع فى القراءه ... وها قد جاءت المغسله ودخل خالى الأصغر لكى يبوسها للمرة الأخيره .. لم أرد أن أركز فى وجهها فكنت أنظر فى أى اتجاه أخر .. وانهيت القراءه ثم أخرجونى لكى يبدئوا عمليه الغسل .
قد كنت تركت الشقة وذهبت الى شقة خالى الأكبر لكى أعطى لهم المصحف وجلست هناك ... وبعدها بفتره قليله جاء ابن خالى وهو ماذال فى تانيه ابتدائى .. عندما دخل قال هو ميتم مين ده ؟
xpasti
قلتله روح عند نينتك اجرى العب هناك ولم أره بعدها ... جاءت بنت خالتى من المدرسه وهى فى سته ابتدائى وعيناها حمراء قد كانت عرفت من مدرسه فى المدرسه ... جاءت بنت خالى من المعهد - أزهر - بع
د أن جاءت الكهرباء وزاعوا وقد كانت سمعت عندما دخلت رمت بشنطتها وبدأت فى البكاء cry وكن قد اكتشفنا ان ابن خالى لم يخرج ولكنه دخل الغرفه وفى زاوية السرير ويبكى شديدا ..!
ولم يكن على الا أن أكون بجانب هؤلاء الأطفال وبدأت أن أهزر وأضحك معهم والحمد لله قد أخرجتهم من هذه الحاله ..!
قبل العصر وقد انتهى الغسل ظهرت أصوات وعرفنا أنها ستخرج .. بنت خالتى وبنت خالى الكبيرة هما فقط اللى مازالتا موجودتين والباقى تم ابعادهم عن البيت ... بنت خالى " مش عاوزه أشوفها وهى خارجه " .. بنت خالتى " عاوزه أشوفها وهى خارجه " وكلتاهن منهارتين من البكاء ...! تشوفى مين أقعدى لا مينفعش .. ولم أرها أنا .
خرجت وقد كانت ذهبت أمى الى المسجد مع بعض النساء ... فذهبت بعدها بقترة قصيرة . وصلينا وانتهى ..
ولكننى لم أرجع البيت الا مع أمى . ولم أفعل أى شئ فقد ذهبنا للنوم ... ولكن من ينام فلم أنم وظللت أبكى وحيده و لم أرد أن أحد يرى دموعى..!

لقد كان يوم ملئ بالأحداث التى تحدث
لى لأول مرة ولكنه مر سريعا .
فلأول مرة أرى ميتا على الطبيعة بل وأجلس بجانبه ...!
لأول مرة أصلى صلاة الأموات بالرغم انها كانت تحدث كثيرا فى الحرمين ولكنى لم أكن أعرف كيف تصلى ...!
لأول مرة أرى خالى يبكى .. وخالتى أيضا ..!
لأول مرة أعيش مثل هذه اللحظات فى حياتى
يااااااااارب متكتبهاليش أعيشها لحد
عزيز عليا تانى .. الفراق صعب cry .


يارب انها امتك فاغفر لها وأرحمها وثبتها ... لقد رأت ظلما وعذابا شديدا .. وصبرت .
اللهم أغفر لها أخطائها وسهوها فإنها لا تعلم .
اللهم أدخلها فسيح جناتك
angel

اللهم آمين
doa


مواجهة

Posted by Marwa Fahmy | 10:35 PM | | 17 comments »





الحقيقه أنا مش عارفه ابدأ كلامى ازاى وخصوصا ان حالتى النفسيه ليست على ما يرام وحاسه انى مخنوقه ومش قادره اتنفس بقالى كام يوم
فسمحونى معلش كلامى مش هيبقى مترتب لأنى مش مركزه أصلاsigh.
بقالى فتره مش قليله بحلم بواحده صاحبتى من ابتدائى وللأسف علاقتنا اتقطعت .. بس مش من فترة طويله أوى بس تقريبا سنه ونص ..!
وللأسف أكتر أنا كنت السبب فى الانقطاع اللى حصل ده وكنت بتلكك زى مابيقولوا ..
بس انا حاسه انها وحشانى اوى ونفسى أكلمها وفكرت فعلا بس رجعت فى كلامى تانى .. لأسباب كتير منها هكلمها أقولها ايه
على الرغم من انها بعتالى السلام مع بنت خالتى قريب فى رمضان ..
بس كمان قلت لنفسى لو هى عاوزه تكلمنى كانت كلمتنى .. مش عارفه أعمل ايهsedih .

صاحبتى اللى كنت كتبت عنها موضوع قبل كده اللى اتخدعت فيها برده وحشتنى أوى ووحشنى أيامنا سوا ومشينا مع بعض والأكل بره وكل حاجه ونفسى أكلمها .. بس أنا مازلت زعلانه منها .. وكمان عاوزه أوصلها ان نظام المواد اتغير ولازم تروح تسأل fikir .

مش عارفه مؤخرا اكتشفت انى بقيت عصبيه أوى وباخد كل حاجه على أعصابى بس بيبقى عندى حق برده .. بس تعبت .
مش عارفه ليه دايما بفارق كل اللى بحبهم وبالرغم من شوقى ليهم باعمل أقصى ماعندى عشان نفترقgarupale

rindu






Really I want to do alot of things in coming days sigh
But I'm not sure that I will do it sedih
Really I need help from all people arround me, especially my family - But I'm not sure gile-
But I wish doa
And I need your prayers sembah


1-Sincerest education
2-Work hard.

3-Write my CV and I make my real .

4-Get Training.
5-
Be stronger.



what else soal ?!



.senyum السلام عليكم

sengihnampakgigi ده أول تاج يتوجهلى هو صحيح مش مباشرة بس زى بعضوا

والتاج ده مر عليا من
marmar wink .
malu شكرا طبعا يا مروه
نبتدى بقى



1- عيب فيك ومش نفسك تتخلص منه ع الاطلاق؟؟
الصراحه ( هى مش عيب بس فى ناس كتير مش بتحب الصراحه ) !

2-
اقرب خمس اصدقاء ليك في حياتك الواقعية ( بتتقابلوا دايما يعني ) واوصف كل واحد فيهم بجمله ؟؟
مليش أصدقاء
sigh

3- أقرب خمس اصدقاء ليك من حياتك الافتراضية ع النت ( وجودكوا الاكبر ع الشبكة العنكبوتية ) وبردو جملة لكل واحد فيهم ؟؟
أقدر أقول برده مليش .. بس للتجاوز ممكن أقول زمايلى اللى هما مش قدى واتعرفت عليهم من الشغل بس طبعا مش كلهم .. أنا هخص 2 بس مريم عصفور و إيمان الجيار

4-
العشرة اللى فوق ... ابعت لكل واحد فيهم رسالة !
عشره !!!
دول 2 بس انتوا مبتعرفوش تعدوا ولا ايه

مريم عصفور : طبعا أنتى عارفه انى مش بعرف أتكلمkenyit بس كل اللى هقولهولك ربنا يوفقك وتحققى كل اللى اللى
تتمنيه , وتبقى أجمد وأجمد فى الماكس والفوتوشوب كمان .. بس أنا زعلانه منك برده ..عشان مش بتسألى عليه
sad .

إيمان الجيار: أنا بجد مش عارفه أقولك ايه .. انتى استحملتينى اليومين اللى فاتوا دول كتير أوى ..
وبشكرك جدا على اهتمامك وسؤالك عليا
redface .


5-
العشرة اللى فوق دول اكتب لكل واحد كتاب او اغنية بتعبر عنه فى رأيك ؟

برده .. قولنا 2
همممممم : مش عارفه
sedih

بس مريم مسمعتهاش مره اتكلمت عن أغنيه .
أما ايمان فهى بتحب أغانى كتير أوى
بس هقول اغنيه ليها وليا
أغنيه ( غيرتنى ) لأنغام .

6-
حاجة وحشة جدا عملتها ف حق حد وما ندمتش عليهاوهتكررها لو حصلت ؟؟

انى زعقت لواحده مش بستريحلها خالص ومبحبش حتى اسمع اسمها .

7-
كتب رسالة لأي حد او حاجة او شيء او كيان او اياً كان فى الكون بدون اي قيد؟؟

رساله لشباب المسلمين اللى مش حاسين بالدنيا .. اللى مسميين نفسهم روشين .. وعاجبهم نفسهم كدا .
صدقونى مفيش حد هيندم ولا هيضر من اللى بتعملوه غير نفسكم .. لأن فى ناس كويسه كتير ونفسها تعمل حاجه .. بس مش هيقدروا يعملوا حاجه لوحدهم لأن الاتحاد قوه .. لازم كلنا نتحد عشان نقدر نصلح من نفسنا ومن مجتمعنا وبلدنا وكل شئ حوالينا .. ياريت تفوقوا قبل فوات الأوان .. وتندموا على كل لحظه ضيعتوها من غير متعملوا حاجه .وربنا يهديكم ويهدينا جميعا
doa .


وفى النهايه أحب أشكر مروه مره تانيه
وياريت اجاباتى متزعلش حد
senyum . ء

babai

صرخه بسبب صخره

Posted by Marwa Fahmy | 10:18 PM | | 8 comments »



طبعا المفرض ان النهارده العيد والناس كلها مبسوطه , بس أنا متأكده ان مش ده اللى حاصل .
وده لأن كل واحد عنده مشاكله وعنده مشاغله اللى بيفكر فيها على طووول .!
وأنا من الناس دى , بس مش بسبب مشاكلى الشخصيه وبس ..!
ولكن كان بسبب حوار حصل بينى وبين خالى وخالى
redface .
وللأسف كان حوار سياسى , وبالصدفه عرفت معلومه لأول مرة فى حياتى أسمع عنها ..!
بس أنا هبتدى من بداية الحوار تقريبا .

الحـوار الأول
خالى التانى ده بيشتغل فى السكه الحديد والمفروض ان كان عندهم اجتماع لتطوير النظام فيها
rindu
بس الاجتماع كان مع متخصص أجنبى
gigil , لأ وايه كانت معاه واحده للأسف مصريه وكط وجينز ضيق ونظامexclaim
وكل شغلتها انها كل ما يتكلم شويه يعينى تصبلوا المايه فى الكوبايه عشان يشرب - يا فقعتى - ده غير الترجمه طبعا ههه
وكان اقتراح خالى كالآتى , انهم بدل ما الأجرة زيادى فى المسافات القريبه - تقريبا 75 قرش - وفى العربيات ب 25 قرش يقللوها شويه عشان الاقبال , والمسافات البعيده مش مشكله تفضل زى ماهيا , وكده يعنى .
قام الخبير ده قالوا .. بعدين بعد 10 سنين كده نبقى نفكر فى الموضوع ده
marah .
الشرح للوضع بما انى واحده مليش فى السياسه ايه بقى !!!
انهم عاوزين يكرهوا الناس فى السكه الحديد وفى الأخر تتخصخص وطبعا الناس ساعتها هتبقى كرهاها فتقول أحسن
takbole .


الحـوار الثانى

خلانى الأثنين كانوا فى العريش , شافوا ايه ؟؟؟!!!!!!!
هناك صخرة كبيرة , طبعا هتقولولى ايه صخره يعنى دى حاجه هيفاء هههه ,
لأ مانا جايلكوا فى الكلام أهه دى صخرة تاريخية .
الصخرة دى موجوده من أيام اسرائيل ما - كانت - محتله مصر ,
وأيام معاهدة كامب ديفيد , طبعا كلكوا عارفينها
confused , لما الاسرائليين كانوا بيلموا عزالهم هههههههه

طلبوا من السيد الرئيس - وقتها - ان يتركوا هذه الصخرة , طبعا السيد الرئيس وبحسن نيه قال ايه يعنى صخره يعنى !!!
ووافق , وتم الاحاطه على الصخرة بسلك شائك , ومازالت موجوده حتى الأن ..
لسه لسه مقلتش اللى سبب الألم جوايه , واللى انتوا لسه بتسألوا عليه , مالها الصخره دى ؟

الصخرة دى الاسرائيليين كاتبين عليها بالعبرى - يوما ما سنعوووود -
متخيلين المشهد ؟!!!
لأ واللى ضايقنى كمان , ان خلانى دوول أعدوا يعيبوا فى الجيل الحالى..
ده جيل بايظ , ميقدرش يتحمل مسؤؤوليه ولا حتى مسؤليه نفسه لأنه اتعود ان كل حاجه متاحه له ومبيتعبش فى حاجه ,
وماوراهمش غير شرب البانجو , ده مبيصوموش !!!
طبعا أنا مسكتش وقولتهم بيتهيألكوا وحاجات كده , بس برده هما كانوا مصممين .
بجد أنا من ساعتها وأنا عماله أفكر فى الموضوع ده ومضايقنى جدا.
هل احنا فعلا كده - معظمنا يعنى- ؟
وايه اللى ممكن نعمله فى حاجه زى دى ؟
أنا بجد بحب مصر أوى , ونفسى فعلا ان ينصلح حال البلد دى ,
ويبقى العالم الاسلامى هو الرائد فى العالم فعلا ..!!!
يعنى انا لسه برده عارفه النهارده ان باكستان هى أكثر بلد اسلاميه فى العالم
بقى دى مش حاجه تكسف ان مش العرب !!!


مصر لسه محطوط عليها العين وهتفضل كده على مر العصور , بس احنا لازم نعمل حاجه ,
لو مكنتش سياسيه وحرب وكده , يبقى على الأقل نصلح من نفسنا وأى حد بيعمل حاجه غلط يبطلها ويحاول يصلح من نفسه ويتعلم حاجه تفيد مجتمعه وبلده والعالم أجمع , لأن لازم نبقى احنا الرواد مش الغرب ولا الصين ولا أى دوله مش اسلاميه .
بجد كفايه ضياع كده , يريت نفوووووووووووووووووووووووق
tension ء.

malu


Get widget