صرخه بسبب صخره

Posted by Marwa Fahmy | 10:18 PM | | 8 comments »



طبعا المفرض ان النهارده العيد والناس كلها مبسوطه , بس أنا متأكده ان مش ده اللى حاصل .
وده لأن كل واحد عنده مشاكله وعنده مشاغله اللى بيفكر فيها على طووول .!
وأنا من الناس دى , بس مش بسبب مشاكلى الشخصيه وبس ..!
ولكن كان بسبب حوار حصل بينى وبين خالى وخالى
redface .
وللأسف كان حوار سياسى , وبالصدفه عرفت معلومه لأول مرة فى حياتى أسمع عنها ..!
بس أنا هبتدى من بداية الحوار تقريبا .

الحـوار الأول
خالى التانى ده بيشتغل فى السكه الحديد والمفروض ان كان عندهم اجتماع لتطوير النظام فيها
rindu
بس الاجتماع كان مع متخصص أجنبى
gigil , لأ وايه كانت معاه واحده للأسف مصريه وكط وجينز ضيق ونظامexclaim
وكل شغلتها انها كل ما يتكلم شويه يعينى تصبلوا المايه فى الكوبايه عشان يشرب - يا فقعتى - ده غير الترجمه طبعا ههه
وكان اقتراح خالى كالآتى , انهم بدل ما الأجرة زيادى فى المسافات القريبه - تقريبا 75 قرش - وفى العربيات ب 25 قرش يقللوها شويه عشان الاقبال , والمسافات البعيده مش مشكله تفضل زى ماهيا , وكده يعنى .
قام الخبير ده قالوا .. بعدين بعد 10 سنين كده نبقى نفكر فى الموضوع ده
marah .
الشرح للوضع بما انى واحده مليش فى السياسه ايه بقى !!!
انهم عاوزين يكرهوا الناس فى السكه الحديد وفى الأخر تتخصخص وطبعا الناس ساعتها هتبقى كرهاها فتقول أحسن
takbole .


الحـوار الثانى

خلانى الأثنين كانوا فى العريش , شافوا ايه ؟؟؟!!!!!!!
هناك صخرة كبيرة , طبعا هتقولولى ايه صخره يعنى دى حاجه هيفاء هههه ,
لأ مانا جايلكوا فى الكلام أهه دى صخرة تاريخية .
الصخرة دى موجوده من أيام اسرائيل ما - كانت - محتله مصر ,
وأيام معاهدة كامب ديفيد , طبعا كلكوا عارفينها
confused , لما الاسرائليين كانوا بيلموا عزالهم هههههههه

طلبوا من السيد الرئيس - وقتها - ان يتركوا هذه الصخرة , طبعا السيد الرئيس وبحسن نيه قال ايه يعنى صخره يعنى !!!
ووافق , وتم الاحاطه على الصخرة بسلك شائك , ومازالت موجوده حتى الأن ..
لسه لسه مقلتش اللى سبب الألم جوايه , واللى انتوا لسه بتسألوا عليه , مالها الصخره دى ؟

الصخرة دى الاسرائيليين كاتبين عليها بالعبرى - يوما ما سنعوووود -
متخيلين المشهد ؟!!!
لأ واللى ضايقنى كمان , ان خلانى دوول أعدوا يعيبوا فى الجيل الحالى..
ده جيل بايظ , ميقدرش يتحمل مسؤؤوليه ولا حتى مسؤليه نفسه لأنه اتعود ان كل حاجه متاحه له ومبيتعبش فى حاجه ,
وماوراهمش غير شرب البانجو , ده مبيصوموش !!!
طبعا أنا مسكتش وقولتهم بيتهيألكوا وحاجات كده , بس برده هما كانوا مصممين .
بجد أنا من ساعتها وأنا عماله أفكر فى الموضوع ده ومضايقنى جدا.
هل احنا فعلا كده - معظمنا يعنى- ؟
وايه اللى ممكن نعمله فى حاجه زى دى ؟
أنا بجد بحب مصر أوى , ونفسى فعلا ان ينصلح حال البلد دى ,
ويبقى العالم الاسلامى هو الرائد فى العالم فعلا ..!!!
يعنى انا لسه برده عارفه النهارده ان باكستان هى أكثر بلد اسلاميه فى العالم
بقى دى مش حاجه تكسف ان مش العرب !!!


مصر لسه محطوط عليها العين وهتفضل كده على مر العصور , بس احنا لازم نعمل حاجه ,
لو مكنتش سياسيه وحرب وكده , يبقى على الأقل نصلح من نفسنا وأى حد بيعمل حاجه غلط يبطلها ويحاول يصلح من نفسه ويتعلم حاجه تفيد مجتمعه وبلده والعالم أجمع , لأن لازم نبقى احنا الرواد مش الغرب ولا الصين ولا أى دوله مش اسلاميه .
بجد كفايه ضياع كده , يريت نفوووووووووووووووووووووووق
tension ء.

malu


8 comments

  1. كيارا // October 2, 2008 at 12:35 AM  

    اول تعليق هقرا وارجع

    كيكيكييكيك

  2. M.K // October 2, 2008 at 2:04 AM  

    السلام عليكم...
    اول مره اسمع عن الصخره..
    امرها غريب حقا..
    ولاكن طالما علمتم سرها لما لم تزال حتى الآن...

    وبالنسبه للشباب وحالهم الآن
    فالخير باقي في أمة محمد صلى الله عليه وسلم الى يوم الدين..
    ولاكن علينا بأكثار الدعاء لهم...
    اللهم اصلح شباب وبنات المسلمن..


    .....
    دمتي بخير

  3. romansy // October 2, 2008 at 3:00 PM  

    انا فعلا اول مره اسمع عن الصخره ديه
    شكرا الاول عن المعلومه
    وفعلا احنا محتاجين تغيير فى البلد دى
    كل سنه وانتى طيبه
    والعيد الجاى يكون انصلح الحال يارب

  4. Butterfly // October 2, 2008 at 3:34 PM  

    أنا برده أول مرة أسمع عنها .
    وانا عن نفسى لو بايدى هاروح اشيلها .
    وربنا يهدينا جميعا .. وكل سنه وانتوا طيبين :)

  5. A7MeD F@hMy // October 3, 2008 at 10:55 PM  

    انتي اتكلمتي في حاجات كتير مع بعض
    بصي بقي
    انا كنت هكتب بوست ف العيد بيقول هما مش بيقولوا ا ن العيد فرحة؟
    طيب ليه احنا مش فرحانين
    بس قلت بلاش نكد و كدة و اهو اكيد في ناس فرحانة
    هي الناس مش لي هتكرهها و الخططة ماشية من زمان
    هما فعلا كرهوها
    دة بالنسبة للي فوق
    اللي تحت بقي
    هو لما باشوف علمنا و الرئيس بيرفقعه علي طابا انا ممكن اعيط و تاخدني المشاعر بقي و مصر و سينا و يااااه ولا لما اشوف الضربة الجوية الاولي
    ما هي مصر مية مية اهي
    هو المفروض ان العالم بيعترف ان سينا بتاعتنا
    بس ف الواقع لأ
    لما يبقي لهم (مستعمرات)و شواطء و فنادق عندنا مش بنعرفوا ندخلوها تبقي مش بتاعتنا
    لما التطبيع يزيد يوم بعد يوم و كل حاجة تداري وراه تبقي مش بتاعتنا
    لما اراضي كل يوم تتباع لمستثمرين يهود تبقي مش بتاعتنا

    لما يدخلوا بعربياتهم عندنا عادي و لما الاسرائيليات يتجوزوا من بدو و لما و لما و لما
    بتستغربي من حكاية الصخرة؟
    هههههههههههه
    و الله احنا غلابة

    شبابنا دلوقتي بقي كله شباب هيكي ميكي
    يعني نايتي
    يعني مفيش منه امل
    يعني عايز يهرب
    او بيبقي عنده امل شوية و عايز يتجوز و يشتغل
    احلام بقي
    بصي حواليكي كدة للشباب دول و انتي هتعرفي اجابة السؤال؟
    يا تري هما دول اللي هيحرروا الاقصي ولا حتي اللي هيعملوا نهضة؟
    اقول لك؟
    بلاش تبصي احسن
    اسف ع الاطالة
    رومانسي

  6. Butterfly // October 3, 2008 at 11:31 PM  

    @ A7MeD F@hMy

    ياااااااااه ايه الاحباط ده هو أنا ناقصه :(
    أنا عارفه كل الحاجات دى وحاسه بيها أوىىىىىىىىىى ,
    بس برده عندى أمل :)
    وأكيد بكره هيبقى أحسن :)
    أنا بس مش عايزه أحبط نفسى أكتر من كده
    عشان أنا على أخرى :(

  7. كريم عبد المجيد // November 28, 2008 at 12:43 AM  

    خليها ونشوف هييرجعولها تاني ازاي,
    احنا عاييزين طفره عشان الحال يتعدل , بس ايه مش عارف

  8. Butterfly // November 28, 2008 at 12:53 AM  

    @ كريم عبد المجيد
    أنا بينهيألى كده برده :(

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget