مواجهة

Posted by Marwa Fahmy | 10:35 PM | | 17 comments »





الحقيقه أنا مش عارفه ابدأ كلامى ازاى وخصوصا ان حالتى النفسيه ليست على ما يرام وحاسه انى مخنوقه ومش قادره اتنفس بقالى كام يوم
فسمحونى معلش كلامى مش هيبقى مترتب لأنى مش مركزه أصلاsigh.
بقالى فتره مش قليله بحلم بواحده صاحبتى من ابتدائى وللأسف علاقتنا اتقطعت .. بس مش من فترة طويله أوى بس تقريبا سنه ونص ..!
وللأسف أكتر أنا كنت السبب فى الانقطاع اللى حصل ده وكنت بتلكك زى مابيقولوا ..
بس انا حاسه انها وحشانى اوى ونفسى أكلمها وفكرت فعلا بس رجعت فى كلامى تانى .. لأسباب كتير منها هكلمها أقولها ايه
على الرغم من انها بعتالى السلام مع بنت خالتى قريب فى رمضان ..
بس كمان قلت لنفسى لو هى عاوزه تكلمنى كانت كلمتنى .. مش عارفه أعمل ايهsedih .

صاحبتى اللى كنت كتبت عنها موضوع قبل كده اللى اتخدعت فيها برده وحشتنى أوى ووحشنى أيامنا سوا ومشينا مع بعض والأكل بره وكل حاجه ونفسى أكلمها .. بس أنا مازلت زعلانه منها .. وكمان عاوزه أوصلها ان نظام المواد اتغير ولازم تروح تسأل fikir .

مش عارفه مؤخرا اكتشفت انى بقيت عصبيه أوى وباخد كل حاجه على أعصابى بس بيبقى عندى حق برده .. بس تعبت .
مش عارفه ليه دايما بفارق كل اللى بحبهم وبالرغم من شوقى ليهم باعمل أقصى ماعندى عشان نفترقgarupale

rindu

17 comments

  1. كـــيــــــــارا // October 25, 2008 at 11:02 PM  

    اول تعليق
    :)

  2. كـــيــــــــارا // October 25, 2008 at 11:03 PM  

    بصي بتاعت المدرسه روحي وكلميها مش عيب

    اما التانيه انا مش عارفه مدي اللي حصل بس لو ينفع تسامحي وغلطها مش كبير سامحي

    اما العصبيه

    اكيد بتمري بظروف صعبه زادت من حده عصبيتك زي نماااام

    ربنا معكي وسعيه انك بتواجهي نفسك

  3. Butterfly // October 25, 2008 at 11:24 PM  

    شكرا كيارا
    هحاول انفذ الحاجات دى
    بس أنا فعلا محتاجه أهدى وأخد فترة نقاهه
    ربنا يسهل ان شاء الله

  4. romansy // October 25, 2008 at 11:29 PM  

    اقولك
    جميل قوى الصداقه
    وجميل قوى انك حسه انك مقصره مع اصدقائك
    بس انا ممكن اقولك حاجه
    طالما انتى حسه بالذنب
    يبقى صالحيها وابدى انتنى بالسلام
    دا هيكون احسن طبعا

  5. أختكم فى الله // October 25, 2008 at 11:58 PM  

    حبيبتى انا كمان كنت بمر بنفس الظروف بتاعتك دى من فترة

    بس انا كنت بقى مصدومة فى ناس صحابى

    المهم

    اقولك نصيحة

    اللى حاسة انك بتحبيها وحتنبسطى لما ترجعيلها تانى اتصلى بيها وكلميها

    واللى حاسة انها حتبقى حمل ومشاكل ليكى كبرى دماغك منها

  6. ضد التيار // October 26, 2008 at 12:38 AM  

    حكمى عقلك اولا ثم قلبك

    صدقينى وقتها هاتعرفى تتصرفى و تقربى من الانسانه الصح

    ربنا معكى و تخرجى من الحيره دى قريباَ

  7. محمود حسن العدل // October 26, 2008 at 7:05 AM  

    السلام عليكم
    بصراحة انا من رائ انتى تصالحية مش عيب
    الرسول (ص) بيقول خيركم من بدأ بالسلام
    وكمان انتى الغلطانة
    صدقينى هاتكسبى كتير اوى لو انتى اللى بدئتى .
    جمعى افكارك وروحى ليها يلا وبلاش تدخلى الشيطان جوة دماغك
    مين فينا احسن من الرسول
    طبعا اكيد انتى عارفة قصه السيدة اللى كانت تضع قذورات امام بيت النبى كل يوم ولم غابت عنة لمرضها ذهب ليسال عنها
    تعالى نتحلى بصفات النبى على شان يوم القيامة يكون لينا حجة نستند اليها
    تحيااااااااااااااااااااااااااااااتى

  8. هوندا // October 26, 2008 at 10:56 AM  

    فكرى امارو ان البنت دى ممكن تموت فجأة من غر ماتروحيلها ضميرك هيأنبك اكتر

    المسامح كريم وربنا بيغفر لنا بقا احنا مش هنغفر لعباده؟

  9. Butterfly // October 26, 2008 at 5:00 PM  

    شكرا ليكم كلكم بجد
    ان شاء الله ربنا يهدينى ويخرجنى من الحاله اللى أنا فيها وصلح كا ده ان شاء الله .

  10. M.K // October 26, 2008 at 10:58 PM  

    السلام عليكم.....
    أنا مع كيارا بكلامها...
    صاحبت المدرسه مش عيب تصالحيها ..
    بل بالعكس كان المفروض بدخول رمضان تكلميها...

    تذكري قول الرسول صلى الله عليه وسلم (لا يحق للمسلم ان يهجر اخاه المسلم فوق ثلاث ليالي, يلتقيان يعرض هذا ويعرض هذا وخيرهم من يبدأ بالسلام).
    ...................
    أما لصاحبتك الي معاها مشكله
    ده يرجعلك وعقلك وقلبك وكرم أخلاقك...
    .................
    اما العصبيه
    إلزمي الاستغفار
    ...........
    في أمان الله..

  11. Butterfly // October 26, 2008 at 11:06 PM  

    @ M.K

    شكرا على كلامك
    بس عاوزه أوضح حاجه احنا مش بنتقابل أصلا عشان نعرض
    أنا بسأل عليها من بعيد وهى كذلك .
    أما التانيه ف المشكله مكنتش مباشره
    بس هى مكنتش مهمتمه انها تبقى قريبه منى أو لأ
    وأنا دايما اللى كنت بتصل بيها وبسأل عليها !!!

  12. Meme // October 26, 2008 at 11:44 PM  

    يا اموره مو من السهل انك تلاقي اصدقاء بهالوقت يعني لو بتقدري تسامحي فسامحي لانه و الله الحياة صعبه بدون اصدقاء و معليشي طالما بتبعتلك السلام يعني هي كمان عايزه تكلمك فجربي تحكي معها يمكن تتصلح الامور
    قولي امين

  13. Butterfly // October 26, 2008 at 11:55 PM  

    @ Meme

    آآآميييين :)
    شكرا على ردك وكلامك الجميل ده
    وان شاء الله هعمل ده فى أقرب وقت .

  14. Butterfly // October 27, 2008 at 10:12 PM  

    السلام عليكم :)
    بجد أنا عاوزه أشكركم كلكم معلش أنا مش رديت على كل الناس بعينها بس هو تقريبا الرد واحد .
    أحب أعرفكم انى فعلا كلمت صاحبتى اللى من ابتدائى والحمد لله المكالمه كانت كويسه ومكنتش صاعبه عليا زى ماكنت متخيله وده اللى كان مخلينى متردده .
    أما صاحبتى من الجامعه واللى احنا أصلا متفقيت ان احنا مش صحاب يعنى زملاء وكل حاجه بتيجى واحده واحده
    ف أنا بعتلها أوفلاين على الإيميل عشان أقولها على موضوع المواد ده .. ف ردت عليا ب أوف لاين برده انها عارفه وأنا عارفه انها دايما بتبقى عامله نفسها أوف لاين ومش بتكلمنى هو أنا مش عازراها أوى ممكن تكون بتقول لنفسها انها لو كلمتنى مش هرد عليها وممكن تكون مش عاوزه تكلمنى أصلا والله أعلم .

    شكرااااااا
    سلاااااااام

  15. M.K // October 27, 2008 at 10:55 PM  

    السلام عليكم...
    الحمدلله على كل حال ..
    سبحان الله عند صفاء النيه
    يسهل الله الأمور...
    ...
    دمتي بخير

  16. Butterfly // October 28, 2008 at 12:25 AM  

    @ M.K

    شكرا ليكى
    والحمد لله على كل حال .

  17. الازهرى // October 29, 2008 at 5:10 PM  

    عزيزتى الفراشة

    كل بنى ادم خطاء
    وخير الخطائين التوابون


    وبداية التوبة هو الاعتراف بالخطأ وقد بدأته فلتكلملى المشوار الى نهايته
    كما انها بدات بالسلام وكان واجبا عليك لاتك المتسببة فى الخصام فلا تكونى السبب فيه للمرة الثانية

    تحياتى

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget