الضمير

Posted by Marwa Fahmy | 9:50 PM | | 18 comments »



السلام عليكم ورحمة الله وبركاته

الحقيقه موضوع الضمير ده طويل أوى وفى نفس الوقت معقد برغم انه بسيـــــــط جدا
sengihnampakgigi
طبعا مش فاهمين حاجه smile
أقولكم أنا قصدى ايه
انا مش قصدى ان كل واحد يبقى عنده ضمير يعنى ميتكلمش على حد ولا للولاد مثلا يبطلوا يضحكوا على البنات ولا الحاجات اللى مفروغ منها دى ...!
أنا قصدى كمان ليه كل واحد ميبقاش عنده ضمير جواه يعنى لو عمل حاجه غلط هيحس ان فى حاجه واجعاه ... أيوه كأن الضمير ده عضو من أعضاء الجسم ...!

يعنى أى حد يبقى وراه شغل ميعرفش يستريح الا لما يخلصها .. أو يبقى من جواه إحساس لأى شئ زى مثلا ميبقاش عاوز حد يزعل منه حتى لو كان الـ حد ده ميبحبوش وميهمش فى حاجه ..!
أنا عن نفسى بزعل من أقل حاجه وفى نفس الوقت لو اتصرفت مع أى حد أى تصرف ممكن يكن بالنسباله عادى بس بالنسبالى انا حاسه انه متضايق ولا حاجه , لدرجه ان فى ناس كتير بتستغربنى .. وفى الفتره الأخيره سمعت جمله انت انسانه حساسه أوى
كتـــيـــر جداااااااا ...!

لما حد بيطلب منى حاجه أنا اللى بجرى وراه عشان اديهالوا بالرغم من ان المفروض هو/ هى اللى تضور عليا .. والعكس ليس صحيح طبعا يعنى فى حاله انى طلبت حاجه من حد ممكن يزلنى لما يجبهالى ده ان جابها أصلا .. وده اذا انا طلبت حاجه من حد أساسا
senyum

لما بحس ان فى حد زعلان منى .. ببقى متضايقه جدا وممكن ده يسببلى حاله نفسيه ومش بستريح الا لما بحس انه مش زعلان .. وطبعا برده العكس ليس صحيح أحيانا كتيره عشان بس مظلمش حد
senyumkenyitء

لما بحس ان ورايا حاجه شغل أو كده - بعيدا عن الدراسه طبعا sengihnampakgigi - مش بستريح الا لما بخلصها وطبعا ساعتها ممكن أبقى تعبانه جدا بس فى نفس الوقت سعيده .
حاجه تانيه ساعات بحس ان فى ناس غاويه تعترض وبس وتقول على الناس مش بتشتغل فى حين انها هى كمان مش بتشتغل ...!

فى حاجه تانيه بضايقنى من نفسى أوى عشان مبقاش منحازه لنفسى أوى ...
انى مش بقدر أنسى الاهانه .. مش عارفه اذا كنت بسامح ولا لأ .. بس أنا اللى بيهنى بزعل شويه وبعد لما أهدى أرجع أكلمه تانى عادى وساعات بيبقى أكتر من الأول كمان !.. بس أنا برده لسه فكره اللى عمله / عملته فيا .. ودى كمان بتخلينى حاسه بألم كبير أوى جوايه ...!

مش عارفه كل الكلام اللى أنا قلته ده صح ولا أنا مبالغه ولا ايه بالظبط ؟!

الحقيقه كان فيه فى دماغى حاجات كتير بس نسيتها .. لو استحضرتها هبقى أزودها ان شاء الله .



سلام

18 comments

  1. مولان // December 18, 2008 at 11:52 PM  

    والله معاكي حق

    مش بقي في ضمير اصلا

    بس عارفه انا لما بغلط ضميري ده مش بيسكت اوقات بتمني اختفي من الدنيا من كتر العذاب اللي بيعذبهولي

  2. Butterfly // December 18, 2008 at 11:58 PM  

    فعلا أنا الموضوع ده بيحصل معايا كتير جدا .
    وببقى حاسه انى مش قادره اتنفس ...!

    شكرا على التواصل الدائم :)

  3. ضد التيار // December 20, 2008 at 7:04 PM  

    اولا بعتذر عن التأخير بسبب ضعف النت

    نيجى بقى للبوست

    الضمير ... كل انسان جواه ضمير بيحاسب و بيوجع برضه

    لكن فى الزمن دا اصبح الضمير شبه مغيب دا ان ماكنش مات عند البعض

    تعرفى انا زيك فى موضوع الاهانه ..مابعرفش انسى ابدا الاهانه

    حتى لو فعلا رجعت للشخص اللى كان سببها

    و دا عيب نفسى اتخلص منه بجد

    لانه مؤلم جدا..اكتر من ألم الضمير لوحده

  4. الازهرى // December 20, 2008 at 8:13 PM  

    فراشتنا العزيزة

    الضمير موجود
    ولكن الظروف السيئة التى يعيشها الناس جعلتهم يتجاهلون صوته وينشغلون عنه بامور الحياة


    تحياتى دوما

  5. Butterfly // December 20, 2008 at 11:28 PM  

    @ ضد التيار

    مش متأخر ولا حاجه
    أنا لسه داخله من شويه
    وانا كمان نفسى أتخلص من الحكايه دى أوى وأعرفلها حل .

    @ الازهرى

    أنا عارفه ان لسه فى ناس كتير عندها ضمير
    أنا يمكن قصدى أكتر موضوع الاحساس
    بس يمكن أنا اللى حساسه زياده عن اللزوم .

  6. Meme // December 21, 2008 at 5:33 PM  

    اعتقد ان الموضوع نفسيات و كمان شخصيات يعني في اللي مايقدرش يساوي حاجه غلط حتى لو كانت صغيره جدا و في اللي ما بيهموش حتى لو وصلت معاه للقتل
    في ناس زيك كدا بيوجعها ضميرها لو زعلت اي حد و في ناس مابيهمهاش حد الا نفسها و دي انانيه طبعا
    الكلام الله قلتيه صح ميه في الميه وياريت الناس كلهم يبقو كده بس احنا للاسف مش عايشين في العالم الفاضل يعني زي ما يكون في صح لازم يكون في غلط
    والله اعلم

  7. Meme // December 21, 2008 at 5:42 PM  
    This comment has been removed by the author.
  8. Butterfly // December 21, 2008 at 8:24 PM  

    @ Meme

    طبعا الموضوع بيعتمد على الشخص ونفسيته وطباعه وكمان الظروف اللى اتربى وعاش فيها .
    وأكيد مهما حاويلنا مش كل حاجه هتبقى صح ...!

  9. M.K // December 21, 2008 at 10:25 PM  

    السلام عليكم ..
    ...
    إزيك يا فراشتي ياجميله
    .....
    الضمير
    حاجه بقت نادره
    ولاكن الندره تعني أنها موجوده ولو بقله فالحمدلله
    أنا زيك كده بآخذ الحاجات الموكله إلي بشكل هستيري بالكمال يعني كل حاجه لازم تبقى بيرفكت
    والأصعب لما بكون مسؤله عن فلوس..
    يعني ممكن أرجع لشخص فئات صغيره من فلوسه تكون زادت معايا يقوم هابب فوشي بيقولي إيه هو أنا حاخذ منك الفئه دي بقوله حقك...ولازم تأخذه كاملا وإلا مش حرتاح..
    طبعا دا جزء من الضمير
    إلي بيتخمد في بعض الأحيان وبيحول عن المناظر إلي تدمي القلب وبتحصل في بلاد المسلمين..
    في بعض الأحيان....
    ..........
    دمتي بخير..

  10. Butterfly // December 21, 2008 at 10:28 PM  

    @ M.K
    دائما بحس بفرحه لما بشوفلك تعليق :)

    وطبعا انتى معاكى حق ... انا برده زيك كده والناس بتستغربنى أوى .

    تحياتى

  11. المستنصر بالله // December 23, 2008 at 5:53 PM  

    طبعا انت عندك حق فى كل كلمه
    الضمير دة لولاه لخربت الدنيا
    واصبحت الدنيا غابه
    ادام الله عليكى نعمه الضمير

    تحياتى لحضرتك

  12. Butterfly // December 23, 2008 at 7:46 PM  

    @ المستنصر بالله
    أكيد الضمير ده حاجه مهمه جدا

    تحياتى

  13. بنت مصريه // December 26, 2008 at 1:52 AM  

    لا والله انتى مش مبالغه خالص
    هو دا اللى لازم يحصل لان هو دا الدين
    بس للاسف
    ناس كتير دلوقتى بقو فاهمين الدين غلط
    او مش عارفين يعنى ايه دين بمعنى اصح

    وبما انى عندى ضمير مش عايزاكى تزعللى منى انى مقله ف الزياره بس فيه ظروف عندى كده اليومين دول

    وبعدها هتلاقينى عندك على طول
    ان شاء الله
    بوست جميل احييكى يا قمر

  14. Butterfly // December 26, 2008 at 6:14 PM  

    @ بنت مصريه

    يا أهلا يا أهلا
    منوره وشكرا على ردك
    والحمد لله انى مش مبالغه
    وان شاء الله الظروف تعدى على خير :)

  15. موناليزا // December 26, 2008 at 8:28 PM  

    تعرفى لما بشوف ظالم بدعى ان ربنا يسلط ضميره عليه
    هنيئا لكى بنشاط ضميرك الدائم

  16. Butterfly // December 26, 2008 at 8:33 PM  

    @ موناليزا

    فعلا الضمير ده لما بيبقى صاحى
    الانسان لما بيغلط بيحسسوا بعذاب كبير أوى .

    شكرا على الزياره :)

  17. الازهرى // January 1, 2009 at 2:40 PM  

    كل سنة وانتى اجمل فراشة فى عالم التدوين

  18. Butterfly // January 1, 2009 at 7:30 PM  

    وانت طيب :)

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget