من 3 أسابيع كده كنت عاوزه أشترى ملابس جديده تفاريح شويه مهو أصل انا بقالى ييجى 8 سنين من ساعة ما رجعت من السعوديه مشترتش حاجه من هنا كل لبسى من هناك kenyit

المهم قعدت ألف كتير وخصوصا ان كان معايا بابا وماما كانت ساعتها تعبانه ومجدش وانا مش متعوده انى أشترى حاجه لوحدى malu

فين وفين على ما لقيت بلوزه الى حد ما كويسه جبتها بينى وبينكم بدل ما أرجع وايدى فاضيه sengihnampakgigi
وكان فى حاجات عاجبتنى بس الراجل مرضاش يشيلها من البترينه مش عارفه هى الناس مش عايزه تبيع ولا ايه حتى انا قلت للراجل كده المهم قال تعالوا اخر الأسبوع على ماييجى زى اللى انا عاوزاها ووروحنا وكان لسه ماجاش حاجه gigil

فدورت تانى انا وبابا المهم اشتريت طقم جديد وبارغم من ان الحاجه كانت مش اللى هيا يعنى والتأفيل مش قد كده
على قد ما أنا كنت فرحانه جدا انى أخيرا شفت حاجه مكتوب عليها صنع فى مصر doa

قلت لنفسى أدينا بنشجعهم ووحده وحده المنتجات هتبقى أحسن ان شاء الله
doa


الكلمه دى بتتقالى كتير اليومين دول
طب هكتئب ليه !!!

تقريبا معظم الناس اللى كنت بعرفهم وبحبهم واتعلقت بيهم طلعوا ما يستهلوش ومبيهمهش غير مصلحتهم
ومش عايزه أقول مكنوش بيكلمونى الا لما يكونوا عايزين حاجه !!
يبقى هكتئب ليه !!!

معظم الناس اللى كنت بتعامل معاهم بتوع كلام ومبيهمهمش غير المظاهر وبيحبوا اللى بيتكلموا أكتر وياكلوهم فى الكلام
واللى فعلا عاوزين الخير ليهم وللمكان عموما لأ !!
يبقى هكتئب ليه !!!

ناس بحبهم ونفسى علاقتى بيهم تبقى أحسن وتطور بس مش حساهم عايزين ده أو مش قابلينى !!
يبقى هكتئب ليه !!!

ناس بيستغلوا وحدتى وعدم خبرتى للحياة أسوأ استغلال وجرحوا مشاعرى على قد ما يقدروا
ومقدروش حبى ليهم !!
يبقى هكتئب ليه !!!


وأخيرا أحب أقول أنا مش مكتئبه
كل الحكايه ان ساعات مواقف وذكريات تختر على بالى فبزعل شويه
وبعدين بنسى وبعدين أفتكر حاجه تانيه وأزعل شويه
وأرجع أنسى أو أتناسى أو أطنش أو أكبر
sengihnampakgigi




طبعا طبعا واضح من العنوان أنا هتكلم عن ايه

بجد والله حرام اللى بيحصل ده يعنى عملوا ضرائب على المحلات والمشاريع اللى الناس بتاكل منها عيش
والناس سكتت وهو ده مربط الفرس
اه طبعا مهو سكوت الناس هو اللى مخلى اللى بيحصلنا ده يحصل ولسه ياما هنشوف

دلوقتى بقى قال ايه عايزين ضرائب على البيوت اللى آويه الناس بالذمه ده كلام

لا هما سعدوا الناس اللى البناء اللى دفعوا فيه دم قلبهم نتيجه عرق وغربة سنين
ولا هما كانوا موفرين الأراضى للشعب ببلاش

جايين دلوقتى يطالبوا فلوس ليه ان شاء الله ؟؟!!! :sobrakana:

معلش محدش يقولى ده هيرجع لنا تانى على هيئة خدمات وكلام التليفزيون ده والدوله فقيره وعلينا فلوس
ليه خير ان شاء الله !

أمال الفلوس اللى عمالين يصرفوها عمال على بطال على المهرجانات السينيمائيه والأفلام ووو
ولا الكوره دى لواحدها كوم تانى
مش عارفه لو الفريق كسب هيدوا لكل لاعب كام ألف جنيه !!
ويشتروا الاعب الفلانى بكام مليون :sakit:

فلوس مين دى مش الناس التعبانه الشقيانه اللى مصين دمهم كل يوم والتانى لتخليص اجراءات مش عارفه ايه !!gile

وأخرتها ايه يعنى
على رأى بابا
بكره هيعملوا ضرايب على الناس اللى لسه عايشه gigilء


وأخيرا
حسبى الله ونعم الوكيل


doa

عيد سعيد

Posted by Marwa Fahmy | 2:39 PM | | 11 comments »


السلام عليكم
عارفه انى اتأخرت بس كنت محتاجه راحه شويه

المهم كل سنه وانتم طيبين ويارب يكون كان عيد سعيد عليكم جميعا
وتكونوا استمتعتوا فيه

انا عن نفسى الا حد ما حسيت باختلاف شويه لأننا دبحنا السنه دى
وأخيرا الحمد لله ربنا نولنى أمنيتى واشتغلت جزاره ء


:wave:



السلام عليكم


لو تفتكروا كنا أخدنا الموضوع ده فى الاعداديه , أى نعم انا مش فاكره فى اى سنه بالظبط بس مش مهم 
:D

المهم بجد عجبتنى أوى ومقتنعه تماما بكل كلمه فيها
افتكرتها لأنها كانت جايلنا على دعوة فرح فقلت أفكرككوا بيها , 
أو أعرف اللى مش عارفينها ..!


الى بنيتى ...

انك فارقتى بيتك الذى منه خرجتى وعشك الذى فيه درجتى إلى قرين لم تعريفيه وبيتا لم تألفيه .. فكونى له أمة .. يكن لك عبدا
واحفظى له عشر خصال يكن لك زخرا

فأما الأولى والثانية : فالصحبة بالقناعة والمعاشرة بحسن السمع والطاعة
وأما الثالثة والرابعة : فالتعهد لموقع عينا و التفقد لموقع أنفه .. 
فلا تقع عيناه منك على قبيح ولا يشم منك إلا أطيب ريح .. والكحل أحسن الحسن والماء والصابون أطيب الطيب المفقود

وأما الخامسة والسادسة : فالتفقد لوقت طعامه والهدوء عند منامه فإن حرارة الجوع ملهبة وتنغيص النوم مغضبه

وأما السابعة والثامنة : فالعناية ببيته وماله .. والرعاية لنفسه وعياله فملاك المر فى المال حسن التدبير
وأما التاسعة والعاشرة : فلا تفشى له سرا ولا تعصى له أمرا .. فإنك إن إفشيتى سره لم تأمنى غدره .. وأن عيتى أمره أوغرتى صدره ثم إتقى بعد ذلك الفرح عنده إن كان حزينا عنده إن كان فرحا .. فإن الخصلة الولى من التقصير والثانية من التكدير وكونى أشد ما تكونين له إعظاما يكن أشد ما يكون لك إكراما وأشد ما تكونين له موافقة يكن أطول ما يكون لك مرافقة واعملى أنك لا تصلين إلى ما تحبين حتى تؤثرى رضاه على رضاكى وهواه على هواكى فيما أحببتى وكرهتى








اللهم ارزقنا أزواج صالحين

 

دموع القلبدموع القلب by عبد الوهاب مطاوع


My rating: 4 of 5 stars

الكتاب عبارة عن قصص ورسائل من القراء ,
انها قصص فعلا مؤلمه , ولكن الشئ المشترك الذى خرجت به من جميع القصص هو
ان الدنيا لا تستمر على حال ولا يأمن مكرها أحد ولابد أن نرضى بقضاء الله وقدره .

وأخر قصه والتى يحمل الكتاب اسمها فيها مقوله أعجبتنى حقا
وهى ان دموع القلب لا ترى بالعين المجرده وهى أشد ألما من دموع العين .!

View all my reviews >>


بجد النهارده يوم ما يعلم بيه الا ربنا
ومن امبارح اساسا
والجو الغريب اللى كنا فيه

بس برده بحب الشتا
sengihnampakgigi

المهم أنا قايمه النهارده مزاجى وحش أصلا , ومش طايقه كلمه من حد !

أروح الكليه كان عندى سكشنين ,
أول واحد شبكات ولا بقبلها
أعتبر مفهمتش حاجه , حاولت أركز والله بس الدنيا لما بتقفل بقى !
وخلصنا السيكشن .!
بعدها سيكشن ايه بقى كونترول ...
ولا نعرف الماده بتتكلم عن ايه
والدكتور أساسا أسلوبه غريب وملهاش كتاب ,
والمعيد طريقته زى طريقة الدكتور , مش عارفه والله الواحد يعمل ايه .
البت اللى انا كنت ماشيه معاها قالتلى تعالى نمشى ,
قولتلها لأ تعالى نحضر ,
والمعيد اشتغل مع نفسه وانا نمت أساسا
بس للصراحه أنا اكتشفت ان الكلام اللى هو بيقوله ده احنا أخناه قبل كده .
البت قعدت تستحلفلى عشان خلتها تحضر
sengihnampakgigi
قولتلها قومى نمشى وقمنا نفدنا بجلدنا ههههههههههههه

أقوم ايه بقى وانا واقفه استنى الميكروباص ,
جات واحده كده بيتهيألى أول مره أشوفها , المهم طلعنا فى الأخر من بلد واحده وكمان عارفه بابا وماما
senyum
وأنا طبعا زى مانتوا عارفين معرفش حد sengihnampakgigi

المهم واحنا واقفين جه ميكروباص ولقيت التباع عمال يبصلى بطريقه غريبه ويضحك ,
أيوه جه لقدره مانا نفسى أزعق لحد وادهمله بقى
اظاهر كان معجب بالنظاره cool

جه الميكروباص اللى هنركبه خليت البت طلعت جمب السواق وقعدنا قدام ,
وكان سواق عجييييييييييييييييب
واحده المفروض هتنزل العباسى واظاهر مخدتش بالها ولا التباع نسى ولا ايه
والمحطه عدت
السواق بقى اشتغلها ,
قعد يقولها قال ايه بطلى حب , المهم ان الست كبيره يعنى غالبا متجوزه ومخلفه كمان ,
وبعد مانزلت قعد يقول مهم وراهمش غير الأكل والشرب والحب
وأنا ماسكه نفسى من الضحك أنا والبت ,

المهم واحنا نازلين قام قايل
انتوا نازلين , البت قالتله اه
قال طيب
حبوا انتوا براحتكوا انتوا لسه صغيرين
ههههههههههههههههههههههههههههههههههههههههههههههههههههههههههههههه
اتفحنا احنا الاتنين بقى
وهى تقول هو فى حد فى كليه علوم يبقى فى مخ يحب ولا يفكر فى الحاجات دى ,
وانا قولتلها , هو احنا بقى عندنا مخ أصلا ههههههههههههههههههههههههه


مغركمش قلت أهيس شويه
ههههههههههههه




بنات كتير كده من سنى
بيغيروا منى وبيحسدونى مع انى
مش أحلى منهم بصراحه

لا عندى لبس أخر موضه
ولا فى الأوضه
صوره لنجم عنيه سوده
ورموشه ساحره وجلاحه

ولا ف كلامى بتصنع ولا بدلع
ولا عمرى أوعد وأطمع
ولا أدى أدم تفاحه

أصل الحقيقه من صغرى
جد ودغرى
لو حد قالى كلام مغرى
أطير بقلبى سواحه

وأهرب من النظره ان طالت
وان عينى مالت
ببص م البعد التالت
ألاقى فيه كل الراحه

مش معنى كده مش طبيعيه
أو رجعيه
بصراحه أوى متوعيه
م أنا أمى أصلها فلاحه



فرقة المصريين



لحبى للقصص أحببت الكتاب
بالرغم من أن معظمها قصص مؤلمه

النقاط التى أستخلصتها من الكتاب :

1- على الانسان ان يعيش حياته كما يحب ولا يستسلم لأى ضغوط حوله.
2- لا يجب ان نأخد برأى الناس فى أشياء محدده على انها حقيقه مؤكده ,
لأنك لست مثل غيرك والذى يفرحك غير الذى يفرح غيرك والذى يغضبك غير الذى يغضب غيرك .
3- من حق أى انسان أن يبحث عن سعادته ويفعل كل ما بوسعه للوصول اليها ما دام لا يضر الأخرين ولا يؤثر على سعادتهم عمدا .
4- من اسباب انهاء الحب بين الطرفين الملل .
5- الحب وحش مستبد مجنون .

View all my reviews >>





Really I'm not sure about what happen to me nowadays, I'm not sure about my feeling to alot of people around - hate or love - me.:puppyeyes:

In addittion to my feeling to myself , or what I feel - happy or sad - "i think the last one putuscinte ".

I'm not sure I'm true or false , and what I want exactly sedih, what must i do and what not !!!
OHHH , I'm going to crazy tension

I'll not say anything except YARAB يارب doa




أنا من أكتر الناس اللى بتكره التدخين بكل أنواعه ,
وبابا مدخن sedih ,
طب أعمل ايه مبطلش خناق معاه بسبب الموضوع ده.
وتعب منها كذا مره فى حاجات مختلفه والدكاتره قالوله بطل شرب سجاير.
وأنا أقفله بالمرصاد بقى تلاكيك ,
ويبطلها فتره ويرجعلها تانى
marah

حتى كان بيبطلها فى رمضان , رمضان اللى فات ده مبطلهاش cry

أعمل ايه بقى , لأ وكمان مش عارفه ضيوفه اللى بيجولنا معرفش يعنى المزاج مش بيحلالهم غير لما بيوصلوا عندنا

ف ايه بقى انا زهقت ,
عملت ايه بقى , جبت اللوجو بتاع ممنوع التدخين وطبعته وعلقته فى الصاله sengihnampakgigi
وكمان شيلت كل الطفايات senyum
من ساعتها بابا لو دخن فى البيت يقوم رايح البلكونه ,
وكمان لما جالنا ضيف بابا معملش زى عوايده وقام جاب السجاير يعزم والكلام ده
والضيف مشى من غير ما يدخنوا سجاره واحده kenyitء

ايه رأيكوا بقى فى الفكره دى ؟

أنا بقترح ان اللوجو ده يتعلق فى كل مكان







بجد استمتعت بالكتاب من أول كلمه واستفدت منه كتير ,
يمكن انا كنت أعرف ان فى أنواع مختلفه للحب بس مكنتش أعرف انهم كتير أوى كده يعنى النوع الواحد اللى كنت أعرفه طلع بيتفرع منع عشرة أنواع تانيه مثلا .
غير من تفكيرى فى حاجات وزود معلوماتى فى حاجات تانيه وخلانى أتمسك بأشياء كنت أنا أصلا مقرراها بينى وبين نفسى .
ومن الحاجات اللى خرجت بيها من الكتاب - فى منها كنت
عارفاه أو بمعنى أصح فاهماه من حاجات تانيه -

* ان التعليم العالى مش كافى , يعنى مش المفروض الواحد يبهره واحد دكتور مثلا أو مهندس لمجرد الشهاده ممكن يطلع انسان جاهل بكل معنى الكلمه التعليم اللى اتعلمه ده مجرد شهاده معلقها او بيباها بيها .

* انى مبقاش آسيه على نفسى , يعنى لو غلطت اه هزعل وضميرى هيعذبنى , بس مش معنى كده انى أفضل كده على طول لأ ممكن أصلح ده بأنى أبقى أحسن وأستفيد من التجارب اللى قبل كده .

* الحياه مش كلها سعاده ومش كلها كئآبه , فلما ابقى سعيده متوقعش انى هفضل كده على طول ولما أزعل برده يبقى عندى أمل ان بكره اكيد هيبقى أحسن .

* ان كيدهن عظيم , فعلا المرأه لما بتكره وتفقد السيطره على نفسها ومشاعرها ممكن تعمل أى حاجه والساطور والأكياس يشهدوا :) .

* كلام الناس لا بيقدم ولا بيأخر , لأ ممكن يأخر وممكن لو أهتمينا بيه نعمل فى الأخر زى جحا ونشيل الحمار :S .

* أنت المتحكم الوحيد فى حياتك , يعنى انا اللى أقدر أقرر أزعل ولا أفرح , أنا عارفه ان ده صعب وان أكيد فى حاجات بتأثر فينا غصب عننا , بس كمان اراده الانسان لازم تبقى قويه ومش المفروض نخلى أى حد مهما كان انه يتحكم فى حالتها سواء نفرح أو نزعل , ونزعل بالذات .

* ضروره الصراحه مع شريك الحياه مع اختلاف الحالات والمواضيع , يعنى بلاش المظاهر الكدابه اللى بتبقى فى الأول دى , وفى الأخر هما الاثنين بيطدموا ..!

* المرأه طبيعتها النفسيه متقلبه دائما ورغم ذلك فهى أكثر نضجا من الرجل .

* الحب هو الحل الوحيد لأى مشكله .





دى حاجه سريعه كده عملتها على ال
illustrator :)
يارب تعجبكوا

وكل سنه وانتم طيبين

الاعتكاف

Posted by Marwa Fahmy | 11:44 PM | | 4 comments »



الحقيقه الموضوع ده بقالوا فتره شاغل تفكيرى ...
معظم الناس سمعت منهم انهم عايزين يخلصوا كل اللى وراهم قبل 20 رمضان
وكمان ممكن يلغوا اى حاجه وراهم عشان يعتكفوا.
بصراحه انا كنت فكرت فى الموضوع لوحدى كده , فقلت معقول يعنى المفروض ان الناس كلها تعتكف وكل حاجه تقف !!!
أكيد مش معقول طبعا !!!
لحد النهارده وأنا بتفرج على برنامج الأستاذ عمرو خالد
وقال الحديث ده

قال رسول الله صلي الله عليه وسلم
"لان يمشي احدكم في حاجة اخيه خير له من الاعتكاف في مسجدي هذا اربعين يوما"

بصراحه أنا مقتنعه جدا ان الشغل والعمل وخصوصا اذا كان العمل تعليم الناس أو مساعدتهم فى حاجه أهم







بزمتكوا مش الأيام بتعدى بسرعه أوى
لسه كنا بنقول كل سنه وانتم طيبين
بسرعه كده الشهر خلص

ودى أصلا علامه من علامات الساعه
ان الأوقات والسنين بتعدى بسرعه

يارب كلنا نكون فرحنا واستغلينا الشهر أحسن استغلال
وعيشنا أيام سعيده .

يمكن أكتر حاجه مزعلانى
انى كان نفسى أحس بجو العيله واللمه أوى
وده محصلش خالص للأسف


يالا الحمد لله على كل شئ

وعيد سعيد ان شاء الله .




Happy BirthDay To Me ...celebrate
Happy BirthDay To Me ...celebrate
Happy BirthDay To Me ...celebrate


:eheh:

ازيكوا عاملين ايه فى رمضان وفى الصيام .
النهارده قصدى امبارح كان عيد ميلادى ال ...
ماعلينا senyum

المهم لو تفتكروا بتاع السنه اللى فاتت كان عامل ازاى
قلبوا كده لو نسيتوا
وهو كان يوه الرؤيه
المرادى بقى كان مختلف الا حد ما سادس يوم رمضان
وأنا اللى عملت التورته الجميله اللى فوق دى sengihnampakgigi
بلا فخر ولله الحمد .

ودى تانى تورته أعملها الشهر ده عشان عيد ميلاد بابا كان الاسبوع اللى فات senyum
بس مجاش فى بالى أصورها
يالا بقى ملكوش نصيب تشوفوها
أيوه المفروض كنت أصورها عشان دى كانت أول تجربه ليه والحمد لله كانت ناجحه ,
لكن هعتبر بتاعتى هى البدايه وأهو لو الواحد اتخرج وملقاش حاجه يعملها يضمنله الشغلانه دى sengihnampakgigi

يلا بقى اسيبكوا تحتفلوا بيا
ومتنسوش الهدايا
أنا بقولكوا أهه


:lamagawa:


kenyitده بقى بعد شوية تعديلات ونصائح من سينار



السلام عليكم
بقالى فتره وانا عاوزه أكتب الموضوع ده
بس كنت مأجله الموضوع
وقلت أبتدى أستفيد من كورس الفوتوشوب وأعمل حاجه بالمناسبه دى .

أنا عارفه ان التصميم مش قد كده
بس على قدى بقى
sengihnampakgigiء

كل سنه وانتم طيبيبن
والأمه الاسلاميه كلها بألف خير يارب
doa
ء



Get widget