حاجه غريبه

Posted by Marwa Fahmy | 10:57 PM | | 13 comments »




بجد الناس بقت غريبه بشكل فظيــــــــــــــــــــــــــــــع
marahأكتر مما تتخيلوا ...
تعاملهم بحب وتتعامل معاهم عادى جدا ومن غير حواجز .. مش عاجبهم ويعملوك فى الشغل وبس وان حصل مره وهزروا زى ما بتهزر بيبقى هزار دمه تقيل بشكل
sigh!!!!!
تبتدى تتعامل معاهم كشغل بس ... برده مش عاجب .. ويدايقوك !!! ويقولوا عليك عصبى ومش بتعرف تتعامل ولا تتكلم !
ترد على حاجه عادى جدا ... يقولولك مش عايزين الطريق دى فى شغلنا وانت أصلا مقولتش حاجه !!! , وغيرك لسه يادوب قايل كلام زى الدبش عليك ميتقلوش نص كلمه ولا كأن حاجه حصلت .. أصحاب بقى
gigil .

ناس تعاملهم كويس وتخاف على مصلحتهم ولا كأنك بتعمل حاجه وفجأه تلاقى الأسلوب المستخبى بان على حاجه برده فى مصلحتهم ..!

ناس كانوا بيعملوك كويس وكل شويه يكلموك .. وفجأه تلاقيهم بطلوا .. طب ليه أنا زعلتك فى حاجه ؟! لأ .. أمال فى ايه ؟! عادى والله ههههههه !
وبعدين تكتشف السبب لوحدك بعد فتره من الزمن ..!
مانا مش عاوزه منك حاجه هكلمك ليه ؟
garupale!!!
مبدأ مصلحتك أولا ... بكرهه بشكل
evil وبكره اللى بيعمل بيه كمان :sobrakana: ولو كان مين !!!

ناس غريبه ومجتمع أغرب ومبادئ أغرب و أغرب .. أنا بجد زهقت nangih

معلش بقى يا جماعه شويه تفييص .. مانا شايله من زماااااااااااااان وساكته
putuscinteء


13 comments

  1. mohamed ghalia // February 20, 2009 at 11:28 PM  

    بصراحة ولا تهتمى بكلام الناس
    لإنك مهما عملتى مش هتقدرى ترضى الناس
    أقلك سيبك من النكد ده انا لسه كاتب موضوع عن التفاؤل تعالى شوفيه يمكن تنسى شوية
    دمتى بكل الود أختى

  2. الازهرى // February 20, 2009 at 11:31 PM  

    بسيطة جدا
    كل ما تقابلى حد من دول

    افتكرى انك بتعملى كل ده لوجه الله
    وانك مش مستنية الجزاء من اى حد منهم
    هتلاقى نفسك بقت صافيه والدنيا كلها حواليكى مليانه هدوووء

    تحياتى دوما

  3. Butterfly // February 21, 2009 at 12:39 AM  

    والله يا جماعه أنا عارفه كل ده
    بس كنت لسه متنرفزه بقى :(
    بس كمان لما بقول معتش هعمل وكده بيبقى عشان أحافظ على كرامتى وكمان عشان كل واحد يعرف غلطته !!!

  4. Sweet Violet // February 21, 2009 at 12:44 AM  

    للأسف الشديد اصبحنا فى زمن مصلحتى ثم مصلحتى ثم مصلحتى بردو

    و انا مع ازاهرى فى رأيه

    و بلاش تتعلقى بحد او تنتظرى الاعتراف بالجميل من حد

    تحياتى ياقمر

    و بلا نرفزة

    (:

  5. M4Gr4B1 // February 21, 2009 at 1:09 AM  

    متديقيش يا آنسه مروه ,
    في انواع كتير من الناس علي نفس الشاكله , وكله بتاع مصلحته
    واكيد موجود بردوا كويسيين حتي لو قلو ,
    بس الصح ان انتي تعرفي تعامل كل واحد بطريقه صح .

  6. Meme // February 21, 2009 at 6:52 AM  

    يا بنتي الدنيا فيها الكويس و اكيد فيها الوحش مش تقدري ترضي الناس كلهم....ارضاء الناس غايه لا تدرك....يبقى ماتحرقيش دمك و طنشي

  7. هوندا // February 21, 2009 at 8:17 PM  

    مش عارفه لسه يامروة بقيت بحس انك بتاخدى الامرو بحساسية شوية حاولى متخديش كل حاجة بالمعنى ده ويكون عندك حسن ظن باصحابك وبعدين انتى ديما قولى محدش بيكلمك طب ماتجربى انتى تكلميهم

    صدقينى انا متأكده ان كل المواضعي دى مش مقصوده وانتى الى بتفمى غلط

  8. romansy // February 21, 2009 at 10:35 PM  

    كل حاجه بقت فى الدنيا دى غريبه
    او احنا شايفنها غريبه
    بس لازم نصبر شويه جايز تتحل

  9. كيــــــــــــارا // February 21, 2009 at 10:50 PM  

    عادى يابنتي هتلاقى من دا كتير

  10. حبيبة الروح // February 24, 2009 at 10:05 PM  

    معلش يا حبيبتي ده حال الناس وده حال الدنيا المهم اننا نتعلم ومش ندي ثقتنا واخلاصنا لاي حد الا لما نتاكد منه والحمد لله علي كل شئ
    الحمد لله الذي لا يحمد علي مركوه سواه
    متزعليش نفسك يا قمر انتي حد طيب ونضيف اوي من جواه يبقي انسي الناس كلها

  11. نهــــــــــار // February 25, 2009 at 12:35 AM  

    السلام عليكم يا فراشتي الجميله...
    هو العالم مش كله فراشات ولا كله ذيابه ولا غزال ولا ضفادع.....
    لسه ياما حتشوفي وبالتعود حتعرفي تفرقي بين الكويس والوحش وحتتوصل للأسلوب المناسب بالمكان المناسب
    ....
    ما تزعليش روحك..
    والله ييسر أمرك..
    ..
    دمتي بخير

  12. PrInCeSS BeRy // February 25, 2009 at 12:39 AM  

    هاى يا قمر يارب تكونى بخير هقلك حاجة انت حر ما لم تضر لان الناس مفيش حاجة تسكتها ايا كانت ولا بيعجبهم الكويس ولا الوحش فا خلى العداد بتاع السيئات يزيد عندهم وانتى فى حياتك ربنا يهديهم

  13. مذكرات مشاغب // February 25, 2009 at 10:53 PM  

    الدنيا مليانه نماذج من كل شكل ولون
    بتاع مصلحته والوفي والطيب والشرير وكل انواع البشر
    ولازم الواحد يصطدم بكل الانواع دي
    لكن اللي بيفرق واحد عن التاني قدرته على التكيف والتعامل مع مختلف انواع البشر

    اول زياره وان شاء الله مش الاخيره

    تحياتي

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget