تفرق كتير

Posted by Marwa Fahmy | 9:23 PM | | 12 comments »





حملة شبابية لنشر القيم

دى حمله عملاها أسره 90 درجه عندنا فى الكليه
وده اللى مكتوب على الورقه اللى بيوزعوها

أخلاقنا هى حياتنا
هى ميراثنا الأول
وصانا بيها كل نبى وكل رسول

شاركونا فى حملتنا "تفرق كتير"
نرجع سوا أخلاقنا اللى ورثناها
نرجع قيمنا ومبادئنا

شاركونا نعيش الدنيا أحلى
وتبقى الدنيا ساعتها جنة

حياتنا على الطريق الصح
شعار رفعناه
هنعيش بيه
وهنبنى كل أحلامنا عليه
بنحلم بدنيا حلوة
بنحلم ببكره أجمل
مد إيدك فة إيدينا
طريقنا هو طريقك
طريق الأخلاق
مستنيينك ومش هنمشى من غيرك
ومتنساش ...
بايدينا هنخلى حياتنا تفرق كتييييير


واضح من الكلام ان المطلوب مننا اننا نشر أخلاق وقيم مجتمعنا فى أى موقف يحصل لينا أو قدامنا
smileء

http://www.facebook.com/profile.php?id=1101818198#/event.php?eid=174878070401&ref=mf

12 comments

  1. الازهرى // April 6, 2009 at 2:34 AM  

    بعض الناس لا يفهمون كثيرا فى الفيس بوك وانا على رأسهم
    اتمنى تنقلى الموضوع مع الاشارة للمصدر طبعا
    لعل الفائدة تنتشر اكثر

    تحياتى دوما

  2. Butterfly // April 6, 2009 at 12:11 PM  

    وأنا منهم على فكره ههههههه
    على العموم هحاول أكتب الموضوع بالتفصيل ان شاء الله أول ملاقى وقت :)

    شكرا ...

  3. Rania // April 7, 2009 at 2:21 PM  

    فكرة رائعه جزاكى الله خيرا يا عزيزتى

    تحياتى

  4. نهــــــــــار // April 7, 2009 at 9:18 PM  

    السلام عليكم...
    إزيك يا فراشتي ...
    طيب ممكن تدينا نبذه عن الموضوع ...
    لأني ماليش في الفيس بوك..
    ...
    دمتِ بخير

  5. Butterfly // April 7, 2009 at 9:59 PM  

    حاضر :)

  6. مذكرات مشاغب // April 9, 2009 at 12:13 PM  

    موضوع في منتهي الروعه بجد
    ومع اني مش متفائل بنجاح الحامله
    لكن مع استمرار المحاولات هيكون النجاح اكيد
    وهشترك فيها اكيد

    تحياتي

  7. Butterfly // April 9, 2009 at 5:35 PM  

    ليه بس مش متفائل
    اينعم الموضوع مش سهل
    بس اهو الواحد يعمل اللى عليه وخلاص :)

  8. نـــــــــــــور // April 12, 2009 at 3:45 PM  

    ازيك ياجميل
    انا بحب الحملات دى اوى
    عندنا فى الجامعه اسمها راقى بأخلاقى وانا محترماها جدا جدا
    بس يارب حد يعمل بيها
    ربنا يجعلها فى ميزان حسناتكوا

    صحيح
    انا مقدرش ماعبركيش ياجميل وانتى عارفه بس والله انا اصلا مش بدخل مدونات كتير ومش فاضيه خالص الكليه مطلعه روحى
    ولما بدخل بيكون فى دماغى حاجه عايزة انزلها بنزلها واخرج
    ماتزعليش منى :)

  9. نـــــــــــــور // April 12, 2009 at 3:46 PM  

    نسيت اقولك اعذرينى انا مليش فى الفيس بوك ولا بحبه
    مش هقدر اشترك :(

  10. Butterfly // April 12, 2009 at 4:52 PM  

    لأ أنا مش زعلانع ولا حاجه
    عذرك معاكى

    ومش لازم تشتركى فى الجروب
    المهم ان احنا ننفذ الفكره :)

  11. eng_fm // April 22, 2009 at 9:15 PM  

    المهم ان احنا ننفذ الفكره

    هو ده الكلام

    ربنا يبارك فيكم

    والواجب العملي كالآتي :

    1- اسأل نفسك وأصحابك وقرايبك -ناس عارفينك كويس وبيحبوك -

    إيه أسوء خلق فيا ؟

    2- إيه أجمل خلق فيا ؟ ... طبعا هيقولوا مفيش :)

    3- تابع كل فترة مع نفسك مع حد قريب منك .. أنا وصلت لفين في الحلو .. والوحش ؟؟

    4- نشر الحملة و
    CD
    اللي كان بيتوزع النهاردة في الكلية
    في كل مكاااااااان
    أو على الأقل 5

  12. eng_fm // April 22, 2009 at 9:23 PM  

    * وعلي فكرة "تفرق كتير " ولا راقي بأخلاقي " مع اختلاف مصادر الحملتين

    إلا إن الكل بيصب في هدف وااااااحد

    وربنا يجمعنا دايما على الخير

    عارفين
    بتخيل كده بعد عشرييييييييين سنة
    أقعد وافتكر وأقول
    ياااااااه ده من يوم حملة تفرق كتير
    حملة عملوها لما كنت في الكلية
    وأنا بطلت العيب الفلاني
    وبقيت عايشة بالخلق الفلاني

    ويا مين يعيش :)

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget