لو لم أكن مصريه لوددت أن أكون ..

فعلا أنا فخوره جدا بكونى مصريه .. بحب بلدى وبعشق ترابها ..
اه بتمنى ألف العالم بس أرجع تانى ..

بعشق موقعها



بعشق ليلها وبعشق نيلها


بعشق أثارها




بستغرب أوى من كميه الناس اللى بيقولوا انهم بيكرهوها أو متضايقين ,
الحقيقه هما مش بيكرهوا مصر هما بيكرهوا الظروف ...
بس مش عارفه ليه مش مستوعبين ان الظروف دى موجوده فى العالم كله ,
متخليلين ان ده عندنا بس ..
لأ كل بلد فيها مشاكل ..!
والكل عاوز يهج ويسيبها
افتكروا وفكروا كويس

الرسول (عليه الصلاة والسلام) حصله ايه فى مكه والمشركين كانوا بيعملوا فيه ايه
وفى الأخر طردوه افتكروا كان زعلان انه سايب مكه قد ايه , ملعنهاش وقال أحسن دا أنا مفتش فيها غير البهدله .!

وكمان عاوزه أقول للى من بلاد تانيه حبوا بلادكم
وكونكوا شايفين السلبيات اللى موجوده وحسين بيها , فدى بداية الطريق ,
ابدأوا انكوا تصلحوا نفسكوا , أكيد ده هيأثر على أسرتكو وبعدين التأثير هيبقى على المجتمع اللى حواليكم ,
مش معنى اننا شايفين حاجه غلط نقعد نحط ايدنا على خدنا ونندب حظنا ..!
بكده نبقى معملناش حاجه .. بل بالعكس نبقى بوظنا الوضع أكتر كمان !

اتعلموا مش هنرتقى غير بالعلم ..
بطلوا كلام كتير على الفاضيه والمليانه .. لأ اشتغلوا أحسن ..!
حبوا نفسكم عشان تقدروا تعيشوا وتعرفوا تتعاملوا مع اللى حواليكم ..!

وأخيرا

لو لم تكن مصريا ... فحاول أن تكون
:eheh:ء



11 comments

  1. موناليزا // April 25, 2009 at 5:10 PM  

    متفقة معاكِ قلبا وقالبا واحييكِ يشدة على هذا الموضوع

  2. Sweet Violet // April 25, 2009 at 11:35 PM  

    طيب الشكل ده اييييه بقى علشان اعرف هيحاول يكون ايه

    ^_^

    طبعا معاكى ياقمر و ياريت فعلا كل اللى مضايق من الظروف يعرف يفرق هو بيكره ايه بالظبط

    لان البلد مش ليها ذنب .. و بجد مهما الواحد لف و دار بردو مش هيلاقى زى الشعب المصرى فى الطيبه و الجمال

    ولا هيلاقى زى تراب البلد دى و مكانها و نيلها و جوها .. بجد انا بعشق البلد دى بحلوها و مرها

    و بجد بزعل قوووى لما الاقى حد فعلا بيقعد يغلط فيها او يقول انه عايز يهج منها و بيكرها

    )):

  3. mohamed ghalia // April 26, 2009 at 6:53 PM  

    معاكى حق طبعا
    إحنا بنعشق البلد دى
    بس يمكن الظروف الى بتخلى ناس تضايق مش أكتر
    ربنا يعنا ونقدر نعمل حاجة

  4. مذكرات مشاغب // April 26, 2009 at 7:21 PM  

    واللهي انتي اتكلمتي صح جدا جدا
    وجبتي يعني من الاخر
    اهم حاجه انننا منرضاش بالعيوب ديه
    لازم نبدا نصلح
    من نفسنا ومن بلدنا

    تحياتي

  5. نهــــــــــار // April 29, 2009 at 4:52 PM  

    السلام عليكم ...
    فراشتي الجميله
    كنت لتو أوضح للمعلقين عندي
    حين يقولون
    أنتي تحبين بلدك
    أو يا سلام على حب الوطن
    نعم أحب وطني والكل يحب وطنه
    ولكن بنسب متفاوته
    حين يقول أكره بلدي يكون غير مدرك أنه يكره شيئ محدد ظروف عمل أيا كان ولكن لا يقصد الوطن
    ..........
    إفتخري عزيزتي بمصراويتك
    وأنا أفتخر بإماراتيتي...
    ولنفخر سويا
    بعروبتنا والأهم بأننا والحمدلله مسلمين...
    ......
    طرح مميز
    دمتِ بخير

  6. سمكه واحده // May 1, 2009 at 4:44 PM  

    بصي انا زمان اقلك بكل صراحه مكنتش فاهمه وديما اقول انا مش بحب مصر انا بكره مصر عملتلنا ايه مصر متبهدلين اقل شعب مفيش ادميه انا بكرها نفسي اهج انا قرفانه
    عارفه والله وبدون مبلغه قعدت مع نفسي مره وبصيت وتخيلت نفسي في مكان تاني مقدرتش
    انا بحب مصر بجوها برحتها وحالتها باسلوبها وبشورعها بزحمتها بناسها بحبها بجد والله معتقدش اني اكون جنسيهتانيه غير ان مصريه بخفه الدم المصريه بالجدعنه بكل حاجه حلوه في بلدنا بغض النظر عن الحجات اللي ظهرت جديده ربنا يحميها مصر والله شافت كتير ولازم نصبر
    العيب مش في البلد والله العيب في قله نهبت البلد وخدت خيرها وبهدلت اهلها كرهت عيالها فيها
    عارفه
    العيب في قله الضمير عدم الخوف علي بعض عدم الحب والشعور بالوحده وكله مصلحته الاول مش ان تكون المصلحه واحده وعدم الخوف علي البلد بجد كل اللي يلاقي حاجه يخطفها ويجري هي دي المشكله
    احنا بندعيب انها تتغير واهلها تتغير والبلد ترجع عروسه تاني اولادها يخافوا عليها
    يابنتي مصر مليانه علماء وشباب زي الفل مفيش فرصه مش بيظهروا غير في بلد غير بلدهم ويتشهروا!!!
    المصريين
    اسكتي ونبي متفكرنيش
    ربنا يحميها ونحبها بجد ونعمل عشنها كتير
    منكرش اني بنتقض حجات كتير فيها واتمني اسافر اي بلد تانيه
    بس بحبها واتمني تبقي احلي بلد في الدنيا وترجع زي زمان مناره العلم وكل البلاد تيجي تدرس فيها وتصحي بقي يارب يحفظها وترجع تاني وافضل

  7. Meme // May 1, 2009 at 5:02 PM  

    طبعا انا حاسه بكل كلمه انتي كتبتيها لاني كنت مسافره و لسا عندي كم يوم بس راجعه و بقولك بجد بجد مهما بعدت بتحس روحك متعلقه و مش بترتاح الا في بلدك

  8. عُـــقـــد لُــــــــولِــــى // May 8, 2009 at 11:49 PM  

    اولا السلام عليكم

    ثانيا

    انا مش متفقه معاكى اوى

    اى نعم انا بحب بلدى

    بس برده الناس اللى بتسافر دى معاها عذرها
    ضيق فى العيش
    مشاكل

    ديون

    مفيش مشكله لو تسعى وراء الرزق

    ودى ملهاش دعوة بدرجه حبهم لبلدهم

    اصل مفيش حد مش بيحب بلده

    كل واحد بيموت فى البلد اللى راعته وكبر عليها وفيها اهله واحبابه واحلى ذكرياته

    كده برده ولا ايه ؟

    معلش بقى دى اول زيارة انا قلت ارمى السلام ^_^

  9. مييم // July 14, 2009 at 12:51 AM  

    بصي انا لقيت مدونتك بالصدفة لاني كنت بدور على خريطة لمصر احطها في موضوع نفس فكرة موضوعك على مدونتي!!!!!!
    بس عايز اقولك كلامك جامد جدا, و نفسي يكون كل المصريين بيفكروا كدة, و لو مبيفكروش كدة يقروا الكلام ده و يفكروا كدة
    ربنا يوفقك
    :D

  10. Ahmed // April 13, 2010 at 10:23 AM  

    الخريطة اللي في الموضوع دي مش خريطة مصر لأن الحدود مع السودان مرسومة بشكل غلط ومخلية جزء من مصر جوة السودان فياريت لو يتم تغيير الصورة وتحذير المصريين من
    الوقوع في الخطأ ده

    دي الخريطة الحقيقية لمصر
    http://www.el-wasat.com/images/55552408egypt.gif

  11. Butterfly // April 13, 2010 at 11:37 AM  

    شكرا على التوضيح وانا غيرت الخريطه فعلا :)

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget