من اسبوع عرفت ان صحبتى غادة تعبانه وفى المستشفى وحالتها صعبه
بس مكنتش عارفه عندها ايه , قلت لبابا لانها قريبتنا كمان وقالى هسأل عنها
من كام يوم جه قالى انه قابل باباها وقاله ان الموضوع بقالوا شهر
وان حالتها صعبه وادعيلها
وهو انها كانت عمله عمليه ومنجحتش !!!
من ساعتها وانا زعلانه جدا وكنت عاوزه أروح أزورها لسه عارفه اول امبارح هى فى أى مستشفى
بس قالوا انها فى العنايه المركزه ومفيش زياره !

ومن امبارح وشريط ذكريات كل المواقف بينا عمال يعدى قدامى
وشكلها أخر مره شوفتها فيها وكان بعد فرحها بحاجه بسيطه
وعلى فكره مكملتش سنه متجوزه .!

وكان عندى امتحان النهارده
بعد ماجيت بشويه ماما قالتلى انها ماتت
وقالتلى انهم عارفين من امبارح بس مردوش يقولولى !
مش قادره أوصف احساسى وحالتى لحد دلوقتى عامله ازاى!!!

بس اللى مستغرباله أوى
أول حاجه فكرت فيها بعد ماعرفت
قلت لنفسى انا مش عايزه أموت غير لما أعمل حاجه كويسه لمجتمعى وبلدى
مبقاش زى ماجيت زى مارحت .
مش عارفه مخى بقى عملى أوى كده ليه !!!

الله يرحمها ويرحم أمواتنا جميعا

10 comments

  1. موناليزا // May 24, 2009 at 6:47 PM  

    لا اله الا الله
    البقاء لله
    ربنا يرحمها ويصبر اهلها

  2. romansy // May 24, 2009 at 7:14 PM  

    انا لله وانا اليه راجعون

    البقاء لله

    اللهم ارحمنا وارحم امواتنا واموات المسلمين

  3. Sweet Violet // May 25, 2009 at 10:07 PM  

    لا حول ولا قوة الا بالله

    انا لله و انا اليه راجعون

    ربنا يرحمها و يصبر اهلها و يصبرك على الفراق

  4. arabicubuntusupport // May 26, 2009 at 1:05 AM  

    البقاء لله

  5. سمكه واحده // May 26, 2009 at 1:17 AM  

    البقاء الله وحده
    ان اله وان اليه راجعون
    عارفه موضوع الموت ده في الشباب بقي منتشر اوي اوي
    بجدكلنا بقينا نفكر فيه
    وده مش بعيد علي اي حد
    من كتر الناس اللي بتموت الواحد كتير بيفكر ان مش بعيد في يوم من الايام القريبه اوي يبقي منهم
    ونفس سوالك وتفكيرك بيجي علي بالي وعلي بال كتير زينا
    اللي بتمناه بجد غير كده
    ان الواحد يموت علي طاعه وان ربنا يغفرله ما تقدم من زنب وما تأخر
    وفعلا يعمل حاجه للاسلام ومجتمعه
    ياريت نفوق كلنا ونبقي ايد وحده وان الموت قريب جدا
    ربنا يستر ويطلعنا منها علي خير

    ربنا يرحمها ويتغمدها برحمته هي وموتي المسلمين
    ويصبر اهلها

  6. مذكرات مشاغب // May 26, 2009 at 10:13 PM  

    انا لله وانا اليه راجعون
    ربنا يصبر اهلها
    شدي حيلك

  7. كيــــــــــــارا // May 27, 2009 at 5:51 PM  

    البقاء لله


    اللهم احسن ختامنا

    موش عارفه اقول ايه

    اللهم الهم اهلها الصبر والسلوان

  8. Mutati0N // May 28, 2009 at 12:21 PM  

    إنا لله وإنا اليه راجعون
    ربنا يصبرك ويصبر أهلها

  9. may // May 30, 2009 at 1:47 AM  

    السلام عليكم

    رحمها الله وجعل متوها الجنة

    ان لله وان اليه راجعون

    مى

  10. A7MeD F@hMy // May 30, 2009 at 7:14 AM  

    ربنا يرحمها يا رب و يصبر اهلها و زوجها
    إنا لله و إنا اليه راجعون

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget