السلام عليكم

بجد موضوع بقالوا فتره مضايقنى جدا من أول الجازه تقريبا ..
زى ماحضراتكوا عارفين انى باخد كورسات دلوقتى يعنى بنزل المنصوره يوميا
ولا حسيت بالأجازه نهائى !!!
:waaah:

المهم غالبا انا بمشى فى شارع جيهان والجلاء يوميا وطبعا عارفين مدى الزحمة اللى المناطق دى بتبقى فيها !
عشان المستشفيات والطوارئ وكده..!

يعنى كفايه أوى الناس اللى بتبقى موجوده ..
لأ تلاقى بقى كمان اصحاب العربيات بكل أنواعها نص نقل تلاقى ملاكى تلاقى بتوع المبيعات تلاقى
وياريت واقفين فى مكان كويس
لأ واقفين صفين على اليمين وصفين على الشمال والعربيات المتحركه فى النص
الناس تمشى فين بقى ان شاء الله ؟؟
حد يرد عليا .. يقنعنى باللى بيحصل ده .. الناس دى متفكرش خالص
يعنى لو الشوراع بتاعتنا واسعه كنا قلنا ماشى
لكن زى ما حضراتكوا عارفين شوارعنا بسم الله ما شاء الله لو واحد تخين شويه مش هيعرف يمشى فيها
بزمتكوا ده اسمه ايه ؟؟
soal!

لأ حتى الناس تبقى ماشى ولا واقف فى حالك تلاقيهم عمالين يدوسوا فوقك
:tendang:.

استنادا على هذا الكلام فمن موقعى هذا اقترح الآتى
يتم عمل جراجات فى كل العمارات سواء كان سكنيه أو تحتوى على شركات أو ما شابه ,
ويتم على جراجات خارجيه للمسافرين (اللى مش من البلد يعنى جايين يقضوا مصلحه وماشيين )
عمل غرامه لأى واحد واقف صف تانى ويستحسن ميكنش فيه صف أول أصلا !!

اه وكمان الناس المرضى والا اللى رايحين يزوروا حد مريض مينفعش يفضلوا واقفين سادين الشوارع كده
ياريت يتعملهم استراحات زى اللى فى الجامعه للطلبه كده يقعدوا عليها .
هتقولولى مهو فيه هقلكوا مش فى كل الأماكن وكمان معتش مكفى ..

ومحدش يقولوا مافيش ميزانيه

:nocomment:


6 comments

  1. Meme // August 7, 2009 at 8:19 AM  

    مممم نفس المشكله بنعاني منها في لبيبا خصوصا وقت الظهريه بس طبعا مع اختلاف العدد السكاني اللي عندكم اتخيل انها مأساه فعلا
    المشكله ان مافيش مواقف للسيارات
    في الدول الغربيه تلاقي بنايه 7 طوابق كلها موقف و كمان في الشارع في جديه من شرطه المرور يعني اللي بيوقف في مكان ممنوع بيتجازى و عشان كده مافيش زحمه و لا حاجه
    ياريت نوصل للمستوى ده في يوم

  2. الازهرى // August 7, 2009 at 5:37 PM  

    تعرفى ان فى فعلا قانونبينص على ان اسفل كل مبنى يبقى فى جراج مساحته تتناسب مع حجم المبنى
    لكن المشكلة فى تنفيذ للقانون

    تحياتى دوما

  3. sweet angel // August 8, 2009 at 4:41 PM  

    السلام عليكم
    -----------

    كلنا بنعاني نفس المعاناه

    وياسلام بقى لو أيام الدراسه وخارجه من الكليه الساعه 4 ولا 5 شوفي شارع الجلاء وجيهان والمشايه نفسها بيبقو ازاي
    والواحد بيبقى خارج من الكليه نفسو في سرير مش أكتر

    بس اقتراحك جميل
    وطبعا ابقى قابليني

    انا عندي اقتراح افضل
    الناس ممكن تستعمل بعد كده الباراشوتات

    تقبلي أول مرور لي بمدونتك الجميله
    تحياتي لكِ

  4. نهــــــــــار // August 9, 2009 at 12:41 AM  

    السلام عليكم....
    كان الله في عونك يا فراشتي ...
    دمتِ بحفظ الله

  5. طوبة ذهب وطوبة فضة // August 9, 2009 at 9:22 PM  

    rbna ysabrna wysabrk aktra7atk mntha el mantkya wl3akl lakn men ysm3 wmen ynfz awolk seby el kors ary7 hahaha

  6. كيــــــــــــارا // August 10, 2009 at 10:48 PM  

    ربنا يكون في عونك يابنتي بس مين هيسمع

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget