بنات كتير كده من سنى
بيغيروا منى وبيحسدونى مع انى
مش أحلى منهم بصراحه

لا عندى لبس أخر موضه
ولا فى الأوضه
صوره لنجم عنيه سوده
ورموشه ساحره وجلاحه

ولا ف كلامى بتصنع ولا بدلع
ولا عمرى أوعد وأطمع
ولا أدى أدم تفاحه

أصل الحقيقه من صغرى
جد ودغرى
لو حد قالى كلام مغرى
أطير بقلبى سواحه

وأهرب من النظره ان طالت
وان عينى مالت
ببص م البعد التالت
ألاقى فيه كل الراحه

مش معنى كده مش طبيعيه
أو رجعيه
بصراحه أوى متوعيه
م أنا أمى أصلها فلاحه



فرقة المصريين


3 comments

  1. نهــــــــــار // October 25, 2009 at 11:52 AM  

    السلام عليكم...
    إزيك يا فراشتي ..
    كلمات جميله ...
    ....
    عندنا في الإمارات بنقول
    والنعم فيج وبأمج...
    يعني مدح في الوالده وفيكي ...
    ...
    في امان الله

  2. Sweet Violet // October 25, 2009 at 1:22 PM  

    ماهو كده دلوقتى
    لو مش مشيتى على هواهم
    هيتقال راجعية
    v_v

  3. Meme // October 27, 2009 at 5:21 PM  

    حلو المعنى بس بقا فعلا دلوقتي لو مش عملتي كده زيهم هيتقال زي ماقالت سويت فايولت رجعيه و كمان معقده

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget