الكلمه دى بتتقالى كتير اليومين دول
طب هكتئب ليه !!!

تقريبا معظم الناس اللى كنت بعرفهم وبحبهم واتعلقت بيهم طلعوا ما يستهلوش ومبيهمهش غير مصلحتهم
ومش عايزه أقول مكنوش بيكلمونى الا لما يكونوا عايزين حاجه !!
يبقى هكتئب ليه !!!

معظم الناس اللى كنت بتعامل معاهم بتوع كلام ومبيهمهمش غير المظاهر وبيحبوا اللى بيتكلموا أكتر وياكلوهم فى الكلام
واللى فعلا عاوزين الخير ليهم وللمكان عموما لأ !!
يبقى هكتئب ليه !!!

ناس بحبهم ونفسى علاقتى بيهم تبقى أحسن وتطور بس مش حساهم عايزين ده أو مش قابلينى !!
يبقى هكتئب ليه !!!

ناس بيستغلوا وحدتى وعدم خبرتى للحياة أسوأ استغلال وجرحوا مشاعرى على قد ما يقدروا
ومقدروش حبى ليهم !!
يبقى هكتئب ليه !!!


وأخيرا أحب أقول أنا مش مكتئبه
كل الحكايه ان ساعات مواقف وذكريات تختر على بالى فبزعل شويه
وبعدين بنسى وبعدين أفتكر حاجه تانيه وأزعل شويه
وأرجع أنسى أو أتناسى أو أطنش أو أكبر
sengihnampakgigi



6 comments

  1. نـــــــــــــور // December 15, 2009 at 9:47 PM  

    ماتزعليش ياحبيبتى مش انتى لوحدك
    انتى بتحكى حكايه بتحصل مع ناس تانيه بس الفرق انك عرفتى تحكيها هما ماعرفوش

    ماتزعلش وخلى نفسك عندك اغلى من اى حاجه
    من حقك تزعلى وتحزنى عليها شويه بس مش لازم الزعل يطول

    ماتزعليش بقى الله
    طب والله انا بحبك :)

  2. Butterfly // December 15, 2009 at 10:06 PM  

    ههههههههههههه
    مش زعلانه والله
    عادى يعنى

    وأنا كمان بحبك :X

  3. لولا وزهراء // December 16, 2009 at 10:27 AM  

    وهى الحاجات تدى تدعو للاكتئاب ابدا مطلقا خالص مالص

    والله ده بيحصل مع كل الناس بس الجميل ان كل تجربه انتى بتمرى بها او كل شخص انتى بتعرفيه لازم عن طريقه بتتعلمى حاجه جديده فى حياتك

    ان شاء الله تقابلى ناس كويسه
    لو تقبلى نصيحه صغيوره اوى واسفه بجد عليها
    من الغباء انك تعيش زى الملاك بين البشر
    لازم وانتى بتتعاملى مع الناس تبقى متاكده ان فيهم الكويس وفيهم السيئ
    ربنا يكرمك ويبعد عنا وعنك الاكتئاب

  4. Butterfly // December 16, 2009 at 6:09 PM  

    هى فعلا متدعوش للاكتئاب :)
    عارفه ان فى ناس كتير بتتعرض لمواقف زى دى وأصعب منها كمان بس المشكله فيا انا انى حساسه زياده عن اللزوم
    ودى مش نصيحه دى أغنيه وبحبها جدا على فكره :)

    ربنا يهون علينا ان شاء الله
    شرفتى المدونه :)

  5. أبو كريم // December 19, 2009 at 12:30 PM  

    إذا كنت فى عالم النفاق
    فأعدل بساق ومل بساق
    ولا تشاحن ولا تغاضب
    وأقبل الكل بالعناق
    وقل كلاما بغير معنى
    وأحلف على الإفك بالطلاق
    فكل شىء ككل شىء
    بلا إختلاف ولا إتفاق
    وأى شىء كأى شىء
    مادمت فى علم النفاق


    أبو كريم

  6. Butterfly // December 19, 2009 at 9:45 PM  

    وأنا مبكرهش قد النفاق
    ربنا يحمينا منهم يارب ويبعدنا عنهم !

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget