السلام عليكم
الحمد لله أخيرا خلصت امتحانات النهارده
يارب استرها معانا فى النتيجه ويارب ننجح كلنا


المهم فى موضوع شاغل تفكيرى من فتره
وهو موضوع الصداقه ده هو فى الحقيقه شاغل تفكيرى من زمااااان وعلى طول

المهم المقوله اللى فوق دى المفروض تكملتها
الصديق وقت الضيق ... صح ؟؟

طبعا كلكوا قولتوا صح

فى ناس تانيه قالوا الصديق برده هو اللى بيفرح بفرحك وبيبقى عايز يساعدك مثلا لو عندك مناسبه ولا حاجه
طبعا برده كلكوا قولتوا صح !!!

الغريبه بقى انى ليا تفكير مع نفسى كده
اللى هو ايه بقى ؟؟؟

سواء الأولى ولا التانيه اللى خرجت منه ان الصديق ده مش بيظهر غيى فى الأوقات دى الحزن أو الفرح ..

طب والأوقاااااااااااااااااات الكتير التانيه بيبقى فين .
انا عن نفسى شايف ان اتنين صحاب أو أصدقاء بصرف النظر عن الفرق
المفروض يبقوا مع بعض على طوول ... يسألوا على بعض على طووول
فى ناس هتقول الدنيا مشاغل ,,, ماشى موافقه
بس هل مفيش فى كل يوم 5 دقايق فاضيه تتكلموا وتسألوا
مبتتفرجوش على تليفزيون ولا بتقعدوا على النت بالساعاااااااااااااااااات
ولا النووم اللى مبيخلصش !!!

الغريبه بقى انك لما تقعد فتره ومحدش يسأل عليك وتيجى تتكلم انت وتعاتب وتقول مبتسأليش ليه
يترد عليك رد فى منتهى الغباء
متسألى انتى ... يعنى هو انتى اللى بتسألى

سبحان الله بقى الموضوع واحده قصاد واحده ولا ايه !!!

بجد ناس غريبه طب انتى فضيتى شويه اسألى جايز التانيه دى عندها ظروف ولا حاجه
حتى ان عرفوا ان عندك حاجه وحتى لو حالة وفاه مبيهنش عليهم يتكلموا وبعدين يشوفوك زعلان يستغربوا انت زعلان ليه

وتقلهم انتوا معتوش بتسألوا ولا تتكلموا زى الأول يقولولك ان انت حساس زياده عن اللزوم وتفكيرك غريب
!!!
انا مبتكلمش عن كل العلاقات على فكره يعنى لو واحده بعيده اوى هقول ماشى لكن واحده انتى اللو قولتى ان انتوا صحاب
ومن المده أخدتوا على بعض واستريحتوا لبعض .. ليه الناس بقت كده ؟؟!!!!

مش عارفه بجد من اكتر المواضيع اللى لما بتخطر على بالى بتضايقنى جدا :(

يالا بجد مش عارفه اقول انا كمان هعامل بنفس المعامله ولا هعمل زى كل مره واقول خليكى انتى الكبيره والحسن

:S



3 comments

  1. موناليزا // February 3, 2010 at 8:07 AM  

    بالتوفيق ان شاء الله والنجاح الباهر
    اما عن موضوع الصداقة فهى بجد مش ببتتعرف غير وقت الضيق لان الانسان بطبعه مابيحبش يعكنن على نفسه لو فيه فرح يروح من غير تفكير لو هيروح عزا مثلا يقعد يفكر قبلها بكتير
    وهكذ
    تظل المقولة الصديق وقت الضيق

  2. نـــــــــــــور // February 3, 2010 at 5:36 PM  

    شوفى يامروه
    انا فى رأيى الصديق هو الحاجتين اللى قولتى عليهم اه بس لو مكنش يبقى موجود مش شرط كل وقت لكن لما التانى بس يغيب عنه يبقى مش صديق بحق

    عشان كده مفيش صداقه حقيقيه اليومين دول
    انا عندى اصحاب كتير جدا مابعتبرش فيهم صديقه بجد الا اتنين بس لسبب واحد هو انى تقريبا مش بسأل عنهم لظروف هما عارفينها واوقات من غير ظروف خالص وهما دايما اللى بيكلمونى مع انهم مشغوليبن اكتر منى وعمرهم ماقالولى مابتسأليش عليا ليه ولا مابتتصليش ليه غير عشان يطمنوا انى كويسه بس مش تأنيب ولا حاجه

    وهقولك برضه فى الاخر خليكى انتى الكبيره :)
    ومبروك انتهاء الامتحانات وان شاء الله النتيجه تيجى كويسه :)

  3. Meme // February 3, 2010 at 9:50 PM  

    المفروض يكون وقت الضيق بس الوضع اختلف مش عارفه ليه
    يلا سبيها على ربنا و الف بعد الشر عليكي

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget