منذ فتره وجدت صفحه على الفيس البوك بعنوان "يا عمى انا يسعدنى ويشرفنى أطلب ايد ابنك" طبعا ابتسمت واعجبت بهذه الصفحه وانا بضحك على العنوان بالرغم من ان هذه الجمله وهذا النوع من الكلام والتعليقات ليس بجديد وقمت بسماعه من قبل واحيانا التكلم فيه مع اصحابى والكل يأخد هذا الكلام بمحمل التريقه - ويمكن جد -!

منذ يومين شاهدت فيديو فيه فتاه وقد ارتدت فستان زفاف وفى الجامعه وذهبت الى من تحب وقامت بطلب الزواج منه وكانت المفاجأه انه رفض! ولكن ليس موضوعى الأن!
ولكن سؤالى هو هل تصرف هذه الفتاه معناه انها- قلعت برقع الحياء- زى ما بيقولوا ؟!


أحب أسأل سؤال للشباب: لو اتحطيت فى موقف زى ده وفى الحالتين ان يكون اصلا كان فى بينكم علاقه او هى عملت كده مع نفسها .. هيبقى ايه رد فعلك وايه رأيك أصلا فى الشخصيه دى بعد ما تعمل كده ؟
*كان نفسى أوجه سؤال للبنات كمان بس عارفه ان الأغلبيه مش هيجاوبوا بصراحه!

سأترك لكم الاجابه وسوف ابدى برأيى الشخصى لاحقا!

10 comments

  1. ENG./ELSAYED,PMP // November 15, 2011 at 2:56 AM  

    هيه الجامعة احلوت اووى كده ... مع انى فعلياً متخرجتش بدرى ... انما كان عندى احساس فظيع انى اتخرجت بدرى ... وان لسه اللى احلى ... على رأى مطرب الجير ... شعر الصدر حسين ...!

    بس البنوتة المكسور بخاطرها دى ... انا ممكن اجبر بخاطرها والله ...!

    لاء مقلعتش برقع الحياء ... ده لسه اللى جاااى احلى ...!

    الدنيا وجهات نظر ... وهيه دماغها شوية مختلفة ... مش اكتر ... وكانت محتاجة دماغ - طبعا لا ازكى نفسى عن الاخرين - تقدر هذا الاختلاف ..!

    قل :
    سأترك لكم

    ولا تقولى :
    سأترق لكم

    سيد

  2. Butterfly // November 15, 2011 at 3:35 PM  

    صح شكرا على التعديل غلطه مطبعيه دى! :)

  3. نهــــــــــار // November 16, 2011 at 12:12 AM  

    السلام عليكم ...
    برقع الحياء هو فيه حياء بالموضوع إلي عملته ده أساسا
    قبل كل شيى بالفعل أين الحياء بالنسبه للبنات وللشباب أصبح الحياء يترجم بغباء عباطه
    المشكله فعلا لما يبقى الوضع للبنت الحييه أنها لن تخطب ولن تتزوج
    الموضوع كبير جدا لأنه بيدخل فيه تطور المجتمع إلى أدى إلى تغير بعض الأساسيات عند قله من الناس مش نظلم الكل
    ...
    ونسأل الله أن يعف أبناء وبنات المسلمين ويغنهم بحلاله عن حرامه
    ..
    في حفظ الله

  4. شاب فقرى // November 18, 2011 at 1:19 AM  

    نقول الصراحة
    طيب
    بسم الله الرحمن الرحيم

    وجودى معاها فى حد ذاته
    معناه إنى أنا مستنى اليوم دا
    وإنها تعمل دا فدا جرأة منها
    وبرده طالما وجودى معاها
    فأكيد انا واثق من إختيارى وعارف إنها على قدر من الحياء
    ولا إيه ؟؟
    تحياتى الخالصة
    وربنا يحفظ ويعز بناتنا كلهم يارب
    شاب فقرى

  5. Butterfly // December 2, 2011 at 7:45 PM  

    انا مقتنعه تماما ان اللى البنت عملته ده زياده ومش حاجه محموده خصوصا فى مجتمعاتنا .. لكن زى ما الأخ سيد قال هى دماغها مختلفه شويه ويمكن مقدرتش تتحكم فى مشاعرها ومشيت وراء قلبها مع الغاء تام للعقل!

    كمان زى ما الأخت نهار قالت، المشكله أكبر من كده حتى البنت اللى بتبقى ملتزمه بتوصف بالمعقده والمقفله وهكذا ..

    شاب فقرى: فعلا قلت حاجه مهمه جدا المفروض الواحد اللى بيكلم واحده ده بيبقى عارفها كويس وعارف أخلاقها فبالتالى المفروض ان خطوه زى دى هتحصل أى كان مين اللى هيبدأ الا ان هرجع أقول تانى ان أغلب الشباب مش هيتقبلوا ان البنت هى اللى تعمل الخطوه دى!

    انا شايفه ان أغلب البنات اللى بيبقى على علاقه بواحد وبتمشى معاه بيبقى نفسها تقوله حتى البنات اللى مش بتمشى مع حد ومجرد انها بتعجب بواحد بينها وبين نفسها بيبقى نفسها تعمل ده .. الفاصل بقى فى الموضوع هى درجه تحكم البنت فى عواطفها ودى بتختلف من بيئه لبيئه!

    اللهم أرزق بنات المسلمين أزواج صالحين
    وأرزق شباب المسلمين زوجات صالحات
    وأرزقنا جميعا العفه
    آمين يارب العالمين

  6. لـــولا وزهـــراء // December 3, 2011 at 1:02 AM  

    الحب هو نضج عقلي بين طرفين

    الولد عموماً لا يحب البنت ان تصرح يكفي ان تلمح بدون فقد حياؤها

    لولا

  7. لـــولا وزهـــراء // December 3, 2011 at 1:04 AM  

    وحشتيني يا بندقاية

    لولا

  8. Butterfly // December 8, 2011 at 8:25 PM  

    وانتى كامن وحشتينى يا لولا :)

  9. أبو كريم // January 17, 2012 at 8:05 PM  

    أحب أقول أن الفيديو ده انا اول ما شفته شكيت ان البنت دى تكون مصريه أصلا .. بس قلت اللهجة وكمان صحباتها الى بيشجعوها ... قلت فنفسى الحمد لله الذى فضلا على كثيرا ممن خلق تفضيلا ... بالنسبه لنفسى قد لا أقبل تلك الطريقه بالذات ولكن لو كانت بطريقه أنثويه مصريه الطابع كرساله او ما شابه وكنا فعلا فى علاقه متبادله ممكن أن أقبل وصدقينى دة رأى معظم الشباب

    حياء المرأة نصف جمالها وفى بعض الأحيان تعففها قد يصير أكثر ما يغرى الأزواج فى الزوجات لكثرة النقيض فى شوارعنا

  10. Butterfly // February 4, 2012 at 10:16 PM  

    فعلا عندك حق ابو كريم

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget