لا يخفى عليكم ما يحدث فى مصر الأن، انه شئ يصعب استيعابه حقا!
من معه الحق ومن المخطئ؟!
من يدرى ويفهم كل ما يقوله ويؤمن به ومن هو الذى يريد ضرر هذا البلد؟؟
أليس من حق شباب مصر الذين هم مستقبلها ان يفهموا ما يحدث ومن على حق ومن يغريهم بكلامه وايمانه ودينه؟؟
لا اخفى عليكم ان الشك بدأ يتسرب الىّ !
أعترف انى دائما مع الثوار ومع من هم بالتحرير ولا أحب من يهاجمهم، ولكنى أعترف أيضا اننى لست خريجه سياسه واقتصاد ولا علوم سياسيه، وان كل علاقتى بالسياسه كانت تتمثل فى حبى الفطرى لبلدى ورغبتى الشديده فى ان اجد كل السلبيات التى أراها يوميا ايجابيات فى يوم من الأيام! وكان اول كتاب سياسى اقرأه هو لماذا لا يثور المصريون للدكتور علاء الأسوانى وبعض البرامج التى يمكن ان نقول عليها جريئه والتى تعرض من سرق كام مليون وهرب ومن استورد لحوم لا تصلح للاستخدام الأدمى تم رفض دخولها بلاد أخرى ثم قام احد باستيرادها لادخالها بلدنا ( المظلومه)!
نعم انها مظلومه خطر على بالى هذا التشبيه الأن.. ان مصر مثل العروس اللعبه الجميله والاخوات يستمرون فى شدها من كل طرف ولا يدرون - فى حاله مصر يدرون - ان بداخلها انسان يتعذب من الألم الناتج على الشد وكاد ان يتمزق الى اربعه اجزاء - وربما أكثر- ، بقيت حاسه ان مصر عايزه تصرخ وتقول حرام عليكم كفايه اخرجوا منى كلكم مش عايزه حد لا يصلحنى ولا يدمرنى ولا يخاف عليا!
ما لا استطيع ان انكره هو تأكيد وجود جزء من جميع هذه الطوائف يحب فعلا هذا البلد ويريد لها الخير، وايضا وجود اناس لا يفهمون كل ما يجرى وانا منهم احيانا بكون رأئ من كلام من أثق بهم!

والأن قولوا لى يا من أثق بهم ويا من تفهمون فى عالم السياسه،
ماذا ترون؟ ماذا بعد؟ وما الحل للخروج من هذه الحاله؟؟!


5 comments

  1. Mkjwe // February 14, 2012 at 3:34 AM  

    بسم الله الرحمن الرحيم , شخصياً انا مكنتش بنزلت اعتصامات في التحرير الا بس لما يكون في قلق وضرب وحرب شوارع بنزل بس أنصر المظلومين المكبوتين اللي ملهاش حاجة في الدنيا الا روحها وصحتها كمان في النازل وجيل الشباب دا معظمه مبقاش باقي على حاجة ولا باقي على حياته ولا روحه ولا اي شيء لانه مش لاقي اكل ولا شرب ولا لاقي شغل فأنا هوضلح الموضوع ببساطة شديدة الموضوع مالوش دعوة بالسياسة خالص الموضوع بسيط جدا انتي لو سمعتي الشيوخ وهي بتقرا قران مش هقولك اقراي لو مش بتحبي تقرأي ممكن تسمعي القرأن هتلاقي ان ربنا بلا الناس بحاجات علشان يشوفها هتعمل اية وكل واحد فينا هيعمل اية هيفكر اذاي و و و و و , هجبلك مثال , بين الفترة تنحي مبارك وبين اخر سنة 2011 اليابان اكبر الدول تقدما وعلماً وحضارياَ ولها من الاسلحة النووية والزرية و و و و و شوفي القوى العظمى دي كلها وربنا جابلهم موجة شالتهم كلهم وهما قاعدين في حالهم زينا بالظبط كدا حصل في مصر بس مش حاجة طبيعية بقى لا دي حاجة بتتعمل بتنظيمات ومجموعات متأجرة من برة علشان تنزل تعمل حروب في مصر انا ممكن اجبلك ناس بتاخد 50 جنيه تنزل تخربك منطقة من مناطق بمصر فا ها انتي شايفة مصر لها مصالح غربية اسرائيلية بتدي غاز لاسرائيل وغير ان لها نصيب من دخل السويس ونصيب كبير جدا غير ان نص الاراضي بتاعت مصر ملك للغرب والربع ملك للخليج والربع الاخير نصه للشعب بيموت نفسه علشانه والنص التاني للحكومة مؤؤسات و و و و .. فعلشان تحلي الموضوع دا لازم تفكري انك تقلبي مصر حرب شوارع الأول تصفي الناس الكويسيين من الوحشيين بعدين تجيبي بقى الكبار زي ما انتي شفتي العساكر مش خايفة من اي شيء بتعمل اي شيء ممكن تتصوريه لو واحد منهم اتمسك واتعلق من رجليه في الميدان مكنش دا بقى حال المصريين اليوم قاعدين يشدوا في شعرهم وندمانيين اقولك لية لانهم شعب اهطل صراحتن عايز استقرار البلد ويجيب اكل لعياله ومش مهم عنده انسانيتة ونظرة المجتمع له اية او كرامته او اي شيء كل ما في تفكيره الفلووووووووووس بس فالشعب شعب اهطل اما جيل الشباب لا بقى لية لان كان بيقف قدام الموت بس مش لاقي اللي يقف معاه ومعظم الشباب وانا منهم ماعيش فلوس اجيب سلاح مثلا ولا اني افكر اشيل سلاح لوحدي واخش لوحدي في وسط 500 عسكري وظابط وممكن يطلعوا علينا بمدرعات كمان لوحدي اكييد هخسر فالزيت بتاع الزتونة هو انك تصبري وتأمني بربنا ان ربنا مش هيسيب جيل الشباب دا اللي وقف قدام النار كدا هدر هو بس بيعلم الناس الصح والغلط ومصر مذكورة في القران كتير وربنا حاميها امشي وانتي مش خايفة ولا يهمك شيء افتكري ربنا وعيشي لحظتك وربنا مش هيسيبك ابدا ابدا ابدا ليوم القيامة بس ماتنسيش ربنا

  2. Mkjwe // February 14, 2012 at 3:47 AM  
    This comment has been removed by the author.
  3. Mkjwe // February 14, 2012 at 5:34 AM  

    ولا تثقي بأحد الا بالله الله ونفسك بس لا تثقي بالحاشية بتوتير لا تثقي بالحاشية بالشارع لا تثقي بالحاشية في اي مكان ولا اي شخص ما لكي الا ربك وربك ثم نفسك ...... عقلك براسك تعرفي خلاصك ;)

  4. نهــــــــــار // February 18, 2012 at 2:34 PM  

    السلام عليكم ...
    كان الله في عونكم ودعائنا دوما لمصر بأن يولي الله عليها خيارها ومن يقوم لها مقامها
    ..
    في أمان الله

  5. Butterfly // March 28, 2012 at 8:33 PM  

    @ Mkjwe
    عندك حق ... ونعم بالله

    @ نهــــــــــار
    اللهم آمين

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget