لو فاكرين حلقة أحمد الشقيرى فى خواطر اللى كان فى بلد ما بره وبيقول ان فيها مشاريع
مفتوحة وصاحبها مش بيفضل قاعد جمبها واللى عاوز حاجة بيشتريها ويسيب الحساب ويمشى
وقعد أغلبنا يتريق ويقول ان حاجة زى كده متنفعش عندنا ولو حصلت مفيش حد هيدفع
والموضوع ده فاشل ومش لينا!

شوفوا الصورة دى


لو معرفتوش تحددوا ده ايه بالظبط
دى عبارة عن خضراوات، فجل وشبت وكرات وجرجير
ودى عندنا فى البلد على الكوبرى بتاعت واحد نعرفة
دايما حاطط الحاجة كده وسايبها واللى بيعوذ حاجة بياخدها وبيسيبله الفلوس وده من زمان على فكرة بقاله سنين
معرفش الحقيقة اذا كان اتعرض ان فى حاجه تتاخد وميحاسبش عليها ولا ﻷ
بس اذا كان ده حصل فهو لسة مستمر ومقالش معتش هعمل ده
الراجل ده معرفش اذا كان متعلم ولا ﻷ بس اذا كان متعلم فمش هيتعدى التعليم المتوسط والفنى والتجارى
كان بيسافر السعودية لفترة بس مقعدش كتير وفضل ييجى يقعد وسط اهلة برغم صعوبة المعيشة
وعشان الظروف دى لما جاتلة فرصة تانية انه يسافر سافر بس مقعدش لتحكم الكفيل بتاعة والشروط التعسفية والمعاملة الزبالة اللى بيعاملونا بيها بره!

وبعد كل ده هو عنده لسه الروح اللى يستمر بيها ويعمل حاجة احنا اتبهرنا بيها لما شوفنا اﻷجانب بيعملوها !

لسه فينا خير :)


0 comments

:)) ;)) ;;) :D ;) :p :(( :) :( :X =(( :-o :-/ :-* :| 8-} :)] ~x( :-t b-( :-L x( =))

Post a Comment

Get widget