Butterfly

هل ذهب حياؤنا حقا ؟!

2011-11-14T18:31:00.002+02:00

منذ فتره وجدت صفحه على الفيس البوك بعنوان "يا عم انا يسعدنى ويشرفنى أطلب ايد ابنك" طبعا ابتسمت واعجبت بهذه الصفحه وانا بضحك على العنوان بالرغم من ان هذه الجمله وهذا النوع من الكلام والتعليقات ليس بجديد وقمت بسماعه من قبل واحيانا التكلم فيه مع اصحابى والكل يأخد هذا الكلام بمحمل التريقه - ويمكن جد -!

منذ يومين شاهدت فيديو فيه فتاه وقد ارتدت فستان زفاف وفى الجامعه وزهبت الى من تحب وقامت بطلب الزواج منه وكانت المفاجأه انه رفض! ولكن ليس موضوعى الأن!

ولكن سؤالى هو هل تصرف هذه الفتاه معناه انها- قلعت برقع الحياء- زى ما بيقولوا ؟!

أحب أسأل سؤال للشباب: لو اتحطيت فى موقف زى ده وفى الحالتين ان يكون اصلا كان فى بينكم علاقه او هى عملت كده مع نفسها .. هيبقى ايه رد فعلك وايه رأيك أصلا فى الشخصيه دى بعد ما تعمل كده ؟
*كان نفسى أوجه سؤال للبنات كمان بس عارفه ان الأغلبيه مش هيجاوبوا بصراحه!

سأترك لكم الاجابه وسوف ابدى برأيى الشخصى لاحقا!

مؤتمر الرواد

2011-10-18T17:06:00.000+02:00

حدث ضخم تعده جمعية نظم للتكنولوجيا تعدل بها رؤية البعض لريادة الأعمال وترشد آخرين لاتخاذ خطوات حاسمه فى مجالاتهم للوثب على العقبات وتحديد وجهة الاحتراف والنجاح.

مؤتمر الرواد هو الحدث الأول من نوعه في الدلتا و الذي يستضيف كوكبة من رواد الأعمال المصريين خصوصا في مجال علوم الحاسب و تكنولوجيا المعلومات

تم اختيار برنامج المؤتمر بعناية لكي يستفيد الحضور من خبرات كافة المتحدثين في جميع مجالات ريادة الأعمال
المؤتمر منظم برعاية جمعية نظم لتكنولوجيا المعلومات

الزمان: الأحد ٢٣ أكتوبر ٢٠١١
المكان: قاعة السنهوري – كلية الحقوق – جامعة المنصورة

مزيد من التفاصيل

هنا

عزيزى جوزى المنتظر

2011-09-01T11:30:00.000+02:00

عزيزى جوزى المنتظر

اللى يمكن جاى ويمكن برضه جاى ... فى وقت تانى

وفى مكان كل حاجة حلوة واقع فيه وما هياش أمانى

لو سمحت .. اوعى تفتكر ان انا مهما انجرحت انجرحت

الجروح انا واقفة فوقها وهى تحت

ولو معاك مفتاح لقلبى وجيت فتحت

حتلاقينى ... كلى مقرية فى عينى

شكلى واضح .. طبعى واضح .. صوتى من زعيقى رايح

ضحكتى وحزنى فضايح

قلبى فى كل اللى حوالين منه طايح

*****

مش قديمة .. لكن قديمة

مؤمنة ان الكلمة حاجة ليها قيمة

يعنى بالتالى تلاقينى ليل نهار بدى نصايح

عاملة زى الشربة .. صعبة بس بتسهل كتير

احلى حاجة فيا هى .. نفسها عيبى الكبير

*****

لو عاوزنى خدنى انا ونفسى على بعض

شروة واحدة انا اصلى نازل عليا عرض

يعنى كله بسعر واحد .. انا وجاى معايا .. جنونة .. وضمير

اشترينى لو بتفهم فى التحف والانتيكات

حاجة سينييه من زمن ايام ماكانوا البنات لسة بنات

حاجة مش مستعملة

حتة مش متبهدلة

حختصرلك وصفى وافهم .. ست بيت على عيلة

*****

الطبيخ بيحب يبقى من ايديا

والضفاير برضه بعملها بأيديا

ييجى وقت عليا أأنتخ

ووقت تانى تشوفنى وكأنى كتيبة رايحة جاية

اوعى تفتكر انى ملبوسة كفى الله الشر .. لأ انا عادية

لما حتكلمنى فى أحوال البلد دى حتلقى صوتى قد صوتك

وان ناديتلى بكلمة حلوة فجأة هتحول لشــــادية

اللى قدامك دى واحدة بجد مجنونة ودوشة

وبرضه بنت حلال وهادية

لما حتقول الحقيقة .. حعشقك ب200 طريقة

واما هتحور وتكدب .. يبقى تشــــــــرب

حتلاقينى فى لحظة فى الجبهة المعادية

*****

فيا مليون الف ست حتلاقيهم

لما تختارنى وتاخدنى شروة بيهم

حتلاقيهم ويا بنت جوه منى

وحتلاقيها البنت دى بتدارى فيهم

بنت طلباتها بسيطة

جايز اما انت تعاملها تشك اصلا انها مش ع الخريطة

او ماهيش واعية وعبيطة

*****

عمرها ماحلمت تقابلك طـــول بعـــرض قصادها طــور

ولا قلبها البرىء عاملك معاملة اللى داخل على مكتب التنسيق

واشترط تبقى مهندس او دكتور

عمرها ما إتمنت انك تبقى طالع م الفانوس

عندك الفيلا اللى هى .. او راكب احدث عربية

هى اصلها فى نظر الجعــــان تتشاف غبية

مش بتبهرها الفلوس

هى كل اللى بتشغلها .. النفـــــــوس

عايزة واحد لسة نفسيته سليمة مش واكلها السوس

مش منفسن م اللى حواليه مش جاسوس

*****

حد اجدع منها ارجل منى

حد يفهمنى أما اغنى

حد يبقى لازمه عقلى .. قلبى .. كلـــــى

حد اصــــدق لو يقوللى

حد يمشى معايا مشوارى اللى جاى

حد ما يجيش فجأة والقاه قاللى بــــاى

حد ياخد نصى واخد منه نصه

حد لو حختار فى عمرى الف مـــــرة

يبقى برضه هــــو نفســـه

يوم ما يبعد عنى يفضل جوة منى .. واعيش بحسه

يفهم انى لا بنبهر .. ولا بتسحر .. ولا تغيرنى الظروف

هى كل القصة انى عايزة اشـــوف

ولما اشب بشب بـــس عشان اشـــوف

وانى اكـــــتر واحدة تتأمن على العمـــر اللى جاى

وانى بتطور لكنى .. مافيش من الناحية دى منى .. اى خوف

*****

الخلاصــــة .. لو بيفهم فى المعادن والأصول

حبقى مش محتاجة اشرح نفسى اصلا والا اقول

حتة انك تشحت الفهم دى تـــــــوجع

تلقى نفسك ماشى تشرح .. انت ليه بتبقى هادى

وليه مع دوت بتضحك

وليه مع دوت مكشـــر

وليه للتانى بتـــــــردح

ليه بيأخدك السكوت اوقات وتســـرح

اللى بيزعلنى فى الموضوع دا إنى .. حد أوضح

والوضوح دا جايز انه يبقى هو اللى ملزمنى انى أوضح

*****

لما تبقى بسيــــط لدرجة خلاص ماهيش متصدقة

يبقى فعلا لأ بقى

السؤال يبقى ساعتها

من القلوب اللى الزمن بالغباء اصبح ناعتــــها

انتى ايه حقيقية والا ايه حكايتك؟؟

أرد اقول لأ انا بلاستيك

رد ساخر .. بس اهو جايب م الاخر

اللى مش قادر يصدق .. او يميز الفروق

قلبى مش ملزم يحبه .. او يقوله افهمنى فـــوق

*****

مرة واحدة حتة منى اوووى قالتلى

اللى انتى تبقى ضلعه... يبقى هو شكله ايه؟؟؟؟؟

ابتسمت وقولت .. ماهو لو بالمقــاس

يبقى واحد استحالة مهما نعمل حنلاقيه

ولو بالأحساس..

قلبى حــــــاسس ان ماخلصــــوش ولسة برضه فى

نورعبدالله

تجميع لمكاسب وخسائر

2011-08-28T15:10:00.000+02:00

امبارح كان عيد ميلادى زى مانتوا عارفين وزى ما قولت فى التدوينه اللى فاتت .. المرادى كان مختلف فى حاجه ان انا نفسى مكنتش عايزه افتكره وكنت عايزه اشغل نفسى بأى حاجه عشان كده لكن الفيس بوك كان قايم بالواجب .. يمكن اكتر مره ناس قالولى فيها كل سنه وانتى طيبه، طبعا كنت فرحانه بده وبجد بجد شكرا ليهم كلهم.

فى التدوينه دى عايزه اجمع فيها شويه حاجات سواء حاجات اتعلمتها او كسبتها او خسرتها خلال السنه اللى فاتت على الأقل.

* اتعلمت ان اتحكم فى عصبيتى وردود افعالى الا حد ما، ايوه يمكن منجحتش بنسبه كبيره لكن حاولت والحمد لله قدرت اعمل ده فى بعض المواقف واتمنى انى استمر واقدر اعمل ده اكتر بعد كده.

* اتعلمت انى معتش ادى لحد حجم اكبر من حجمه او ميستحقهوش .. واتعامل مع الناس مش زى مانا معتبراهم لأ يبقى زى ما هم معتبرين نفسهم.!

لأنى لما بعمل كده ممكن ازعل منهم فى حاجات هم أصلا مش عايزنى اديهم الحق ده ومعتبرنى مجرد معرفه وانا معتبراهم اصحاب او اخوات، فبالتالى بزعل وانا مليش الحق انى ازعل.

وبالمناسبه بقيت بكره اللى بيتعامل معايا وبيحسس على كل كلمه وتصرف لأنه متوقع انى هزعل :S

* نفس الحكايه بالنسبه للعائله ومشتقاتهم، قررت انى اتعامل واتعايش على انهم مش موجودين اصلا .. واذا كان على صلة الرحم فافتكر ده لما اجى اعمله بس، لكن معتش اشتغل نفسى ده بيعمل ايه ودى بتتصرف ازاى لأن الموضوع ده كان بيأثر عليا جامد وبياخد من اعصابى واستقرار نفسيتى كتير .. ربنا يقدرنى وانجح فى ده اكتر ان شاء الله .

* اكتشفت انى لا منطويه ولا اجتماعيه لأن ده بيتحدد على حسب الناس اللى بتعامل معاهم وعلى حسب الظروف ، لأن معظم الناس بتقول عليا انى منطويه على نفسى ومش اجتماعيه وكده دى حقيقى ولكن مش فى كل الأحوال.

* طول عمرى بقول انى مش بهتم بكلام الناس، لكن اكتشفت انى بهتم جدا وبنسبه كبيره كمان.. وده لا صح ولا غلط ان الواحد يهتم ان يعرف لكن مش المفروض اتأثر بيه او انه يبقى محور اهتمامى واعيش عليه ولا حتى اتصرف على اساسه.

* اكتشفت انى خسرت ناس كتير لكنى مش زعلانه عليهم ولا ندمانه، لأنى كمان بالمقابل كسبت ناس اكتر ويمكن احسن منهم .. واكتشفت ان فى ناس فعلا بتحبنى وبتخاف عليا، ناس فعلا نضيفه من جوه.

نيجى للجانب العملى بقى

* الحمد لله عملت اول كورس فى حياتى واعتقد ان نجحت فيها بنسبه كبيره الحمد لله وده ادانى ثقه فى نفسى اكتر وربنا يسهل ويفتحها عليا وان شاء الله ده يبقى فتحة خير عليا.

* اكتشفت ان الفيس بوك وتويتر بياخدوا من وقتى كتير جدا وكنت بضيع عليهم وقت بالهبل .. قدرت اتحكم فى ده الفتره الأخيره وناويه انى استمر واكتر ان شاء الله واشتغل اكتر واقلل اهتمامى بالسياسه والأخبار أكتر.

* قررت انى اوسع نطاق شغلى شويه واخرج من خندق الثرى دى واتعلم حاجات تانيه وبالفعل بدأت فى شويه حاجات ربنا يعينى واكمل وانجح فيها باذن الله، ولكن احب اوضح حاجه انا عندى حلم بالنسبه لمجال الثرى دى وهو ده اللى كان مخلينى مش عايزه اسيبه ومازلت متمسكه بالحلم ده، وكمان كان خوف من انى منجحش لكن الحمد لله بدأت أكسر الخوف ده جوايا وان شاء الله انجح.

اعتقد ان دى اهم حاجات حصلتلى او مريت بيها .. اتمنى انى اقدر احقق كل احلامى فى السنه اللى جايه دى ان كان ليا عمر وانى فعلا اقدر اعمل حاجه افيد بيها نفسى ومجتمعى.

ليلة القدر

2011-08-20T17:34:00.001+02:00

النهارده بدأنا العشر الأواخر وأسأل الله ان نكون جميعا من المغفور لهم .. الله أعلم اى ليله هى ليلة القدر فبالتالى الكل سوف يتأهب وفى تهجد كل يوم ان شاء الله .

ونحمد الله انه اطال فى عمرنا وبلغنا هذا الشهر الكريم ونسأله ان يطيل فى عمرنا حتى نهايته ويبلغنا ليلة القدر، اللهم انك عفو تحب العفو فاعفوا عنا.

أكم من شخص مات قبله وأكم ممن ماتوا فى بدايته وأكم من لم يكتب لهم ان يقضوا العشر الأواخر.

ليلة ال 27 وهى التى يتوقع أغلب الناس فى كل سنه انها هى ليلة القدر وليس بالضروره، ولكن يشاء القدر ان تصادف ويكون هو يوم عيد ميلادى والحمد لله على هذه من نعمه، فأود ان استغل هذا التصادف وأسألكم الدعاء لى كثيرا فأنا فعلا فى أشد الحاجه الى دعائكم جميعا، فى صلاة فرض، تراويح و تهجد أرجوكم أدعوا لى كثيرا عسى الله ان يستجيب دعائكم.

لا تنسوا وخصوصا فى تهجد ليلة 27.

أستودعكم الله

وقفات مع الأبرار 9

2011-08-17T01:05:00.001+02:00

قال رجلٌ من العبّاد يوماً لإخوانه : إني لأعلم حين يذكرني ربي .

ففزعوا من ذلك، وقالوا : تعلمٌ حين يذكرك ربك؟ .

قال : نعم .

قالوا : ومتى؟ .

قال : إذا ذكرته ذكرني. وقال : وإنى لأعلم حين يستجيب لى ربي .

فعجبوا من قوله، وقالوا : تعلمٌ حينَ يستجيب لك ربٌّك عز وجل؟ .

قال : نعم .

قالوا : وكيف تعلم ذلك؟ .

قال : إذا وجل قلبي، واقشعرَّ جلدي، وفاضت عيناي، وفتح لي في الدعاء، فهناك أعلم أنْ قد استجيب لي .

وقفات مع الأبرار 8

2011-08-13T18:22:00.000+02:00

سأل رجل من الصحابة ولده يختبره فقال :

يا بنىّ ! ما السداد؟ .
قال : يا أبت! السداد دفع المنكر بالمعروف .

قال : فما الشرف؟ .
قال : اصطناع العشيرة . وحمل الجريرة .

قال : فما المروءة؟ .
قال : العفاف وإصلاح المال .

قال : فما الرأفة؟ .
قال : النظر فى اليسير، ومنع الحقير .

قال : فما السماح؟ .
قال : البذل فى العسر واليسر .

قال : فما الشح؟ .
قال : أن ترى ما فى يديك شرفاً، وما أنفقته تلفاً .

قال : فما الإخاء؟ .
قال : المواساة فى الشدة والرخاء .

قال : فما الجبن؟ .
قال : الجرأة على الصديق، والنكول عن العدوّ .

قال : فما الغنيمة؟ .
قال : الرغبة فى التقوى، والزهادة فى الدنيا هى الغنيمة الباردة .

قال : فما الحلم؟ .
قال: كظم الغيظ، وملك النفس .

قال : فما الغنى ؟ .
قال : رضى النفس بما قسم الله تعالى لها وإن قلَّ، وإنما الغنى غنى النفس .

قال : فما الفقر؟ .
قال : شرهُ النفس فى كل شئ.

قال : فما الكلفة؟ .
قال : كلامك فيما لا يعنيك .

قال : فما المجد؟ .
قال : أن تعطي فى الغرم، وتعفو عن الجرم .

قال : فما السناء؟ .
قال : إتيان الجميل، وترك القبيح .

قال : فما السفه؟ .
قال : اتباع الدناة، ومصاحبة الغواة .

قال : فما الحرمان؟ .
قال : تركك حظك وقد عرض عليك .

وقفات مع الأبرار 7

2011-08-10T18:17:00.000+02:00

قال محمد إقبال :

إلهي ! أحاطت تجلياتك بالوجود، فصغر هذا الكون الواسع، وكأنه ذرة حقيرة، أو قطرة صغيرة، فى جنب هذه السعة التى لا نهاية لها.

إلهي ! لقد أشرف نورك على ذرة فكانت شمساً بازغة.

إلهي ! إنّ الحنين إليك هو حادي الروح، ورائد القلب، وهو الذي يضفي على صلاتى وعبادتي حياة روحانية، فإذا تجردت صلاتي من هذا الحنين لم أر أنها تقربني إليك.

إلهي ! لقد وجد عندك العقلُ والعاطفةُ ما يعوزهما وما سيحتاجان إليه، فأصبح العقل بعد توفيقك يغيب أحياناً ويهيم في البحث بعدما كان قد ركد وواقتصر على الدراسة والتفكير ووثق بنفسه، وعرفت العاطفة الحضور والاضطراب.

إلهي ! إن الشمس لم تستطع أن تنير هذا العالم المظلم، وقد آن أن تشرق الأرض بنور ربها ويعيش العالم من جديد.

وقفات مع الأبرار 6

2011-08-08T18:06:00.001+02:00

قال مصطفى السباعي :

إلهي ! وعزيك ما عصيناك اجتراءً على مقامك، ولا استحلالاً لحرامك؛ ولكن غلبتنا أنفسنا وطمعنا فى واسع غقرانك .

فلئن طاردنا شبح المعصية لنلوذنّ بعظيم غفرانك .

ولئن استحكمت حولنا حلقات الإثم لنفكنّها بصادق وعدك فى كتابك ولئن أغرى الشيطان نفوسنا باللذة حين عصيناك، فليُغْريَنَّ الإيمان قلوبنا بما للتائبين من فسيح جنانك .

نفسى أعيش مع القرأن

2011-07-18T16:34:00.002+02:00

من فتره كده وانا متعوده اشغل اذاعه القرأن الكريم وانا نايمه، لاقتنى ركزت فيه لمده ثوانى ساعتها حسيت احساس جميل أوى.

من شويه وانا بقرأ افتكرت واحنا صغيرين وبنروح المسجد نحفظ القرأن، اينعم كل سنه كانوا بيحفظونى هم هم نفس ال 3 أجزاء وطبعا دلوقتى ناسيه معظمهم بس كانت حاجه حلوه ومن العادات الكويسه.
مش عارفه ليه ماما بتقولى كان نفسنا تحفظى القرأن كله ، انا كمان كان نفسى ودى حاجه كويسه بس كمان انا معترفه ان دى قدرات واكيد مش كل الناس زى بعض وربنا بيميز كل واحد بحاجه مفيش حد يقدر يعملها زيه.

الثوانى دى كانت مع احلى لحظات حياتى نفسى تكتر، نفسى مشغلش القرأن وبعدين انساه واقعد افكر فى ملهيات الدنيا، نفسى لما أقرأ اقرأ بتدبر وخشوع وتبقى كل جوارحى مركزه ومستسلمه !

نفسى كمان لما اتجوز ان شاء الله أحافظ على العاده دى ونقعد ولو مره فى الأسبوع نقرأ مع بعض ونتناقش ونحاول نحفظ - اه للأسف قدرتنا على الحفظ بقت ضعيفه لكن هنحاول - بجد دى من احسن العادات اللى ممكن المتزوجين يعملوها ويتفقوا عليها كفايه بس ان ربنا هيبقى معانا ويباركلنا ان شاء الله.

وقفات مع الأبرار 5

2011-07-16T17:55:00.005+02:00

قال مصطفى السباعى :

إلهي! لو حاسبتنا على خطرات النفوس، لحشرتنا مع الأشرار.

ولو حاسبتنا على تقصيرنا فى حقك، لحشرتنا مع أهل النار.

ولو حاسبتنا على نسياننا لألآئك، لما أمددتنا بجزيل نعمائك.

ولو حاسبتنا على تبرمنا بقضائك، لما حشرتنا مع المؤمنين.

ولو حاسبتنا على استبطاء رزقك، لما كنا من المتوكلين.

ولو وكلتنا إلى نفوسنا لكنا من الهالكين.

إلهي! فعاملنا بما أنت له أهل، ولا تحاسبنا على ذنوبنا ولا تكلنا إلى أنفسنا طرفة عين، ولا أقل من ذلك وأصلح لنا شأننا كله، لا إله إلا أنت.

بين بينين

2011-07-12T18:28:00.002+02:00

عندى الاحساس ده من فتره طويله يمكن سنين!

احساس انك مقسوم نصين

نص عايش فى بيئه ومجتمع وناس الا حد ما مش مستريح معاهم لكن الوضع يجبرك انك تعيش وتتعايش!!

النص تانى عاوز بيئه ومجتمع وناس معينه بتحبهم وبترتاح ليهم وفى نفس الوقت احيانا كتير بتحس ان المجتمع والبيئه دى مش بتاعتك!

وقفات مع الأبرار 4

2011-07-07T14:20:00.001+02:00

قال مصطفى السباعي :

إلهي! أنت تعلم أنى لم أتقرب إليك بصالح الأعمال .

وأنا أعلم أنك تغفر الذنوب جميعاً إلا الإشراك بك .

إلهي! أنت تعلم أني لم أبتعد عما نهيتَ من سيئ الأعمالى .

وأنا أعلم أنك ما كلفتنا من التقوى إلا بما نستطيع .

إلهي! أنت تعلم أني لم أعبدك كما ينبغى لجلال وجهك أن يُعبد .

وأنا أعلم أنك تخرج من النار من كان فى قلبه مثقال ذرة من الإيمان .

إلهي! أنت تعلم أن نفسى لم تصف من كدورتها برغم تعرضي لنفحاتك .

وأنا أعلم أنك خلقتنى من الطين، وامتحنتني بالشيطان .

إلهي! أنت تعلم أنى أسبح فى بحر متلاطم الأمواج لأصل إلى شاطئ أمنك وسلامتك .

وأنت تعلم يا إلهي أنى مشوق إلى الغوص فى بحار أسرارك، والتعرض لفيوض أنوارك .

وأنا أعلم أنك خلقت فيّ مع نور العقل ظلمة الشهوة ومع صفاء الخير كدورة الشر، ومع نار الحب دخان الهوى .

إلهي! أنت تعلم أنى أريد الوصول إليك صادقاً منكسراً .

وأنا أعلم أنك تجتبي من تشاء، وتصطفي من تختار، بفضلٍ منك، لا بأعمالهم، وبكرمٍ منك، لا باستحقاقهم .

إلهي! هذا بعض ما تعلمه مني، وبعض ما أعلمه عنك .

فاجعل يا إلهي ما علمتُهُ شفيعاً لما علمتَه، وأوصني يا إلهي إلى ما تعلم مما أحاول. ولا تجعل علمي بك فاتناً لى عن الوصول إليك .

إلهي! إنك تعلم، ونحن لا نعلم، وأنت الحكيم الوهاب.

هكذا علمتنى الحياة

تبقى مش راجل

2011-07-03T23:59:00.003+02:00

لما تبقى واحد عايش فى بيت وطول ماحد بيصرف عليك مش فارق معاك انك تشتغل ومتشتغلش الا اذا ملقتش .. تبقى مش راجل

لما تبدأ تشرب سجاير مجرد تقليد لزملاء السوء اللى انت ماشى معاهم وللممثللين ومفكر ان ده هيعملك شخصيه وده اللى هيجذب البنات ناحيتك .. تبقى مش راجل

لما تبقى كل شغلانتك لأنك فاضى ومواركش شغلانه غير انك تضحك على البنات وتستغل مشاعرهم .. تبقى مش راجل

لما تضحك على بنت وانت اللى تجرى وراها وساعة متتأكد انها حبتك تقولها كنت بضحك عليكى .. تبقى مش راجل

لما تكون عارف نفسك بانك مش بتاع حب وهتيجى فى الأخر وتتجوز واحده امك ولا اختك تختارهالك وتفضل تشتغل فى البنات واديك بتتسلى .. تبقى مش راجل

لما تفكر ان كل البنات زى بعض وتفتكر انك لو طنشتها برده هتفضل تجرى وراك .. تبقى مش راجل

لما تحب واحده ولما هى كمان تحبك وبعدين تبينلها انها ولا حاجه فى حياتك لأنك غاوى تجرح .. تبقى مش راجل

لما تفتكر ان الفلوس هى الوسيله اللى ممكن تخليك توصل لأى واحده وهى اللى هتعملك شخصيه .. تبقى مش راجل

لما تحس ان فى واحده بتحبك وعشان تبعدها عنك تقولها حاجات تخليها تكرهك .. تبقى مش راجل وغبى كمان

لما تروح مكان لمجرد انك عارف ان فيه بنات عشان تعاكسهم .. تبقى مش راجل

لما تقف فى الشارع لأى بنت معديه وتقولها كلام يجرح مشاعرها .. تبقى مش راجل

لما تقعد تتصل بواحده فى التليفون وتقولها كلام قذر زيك .. تبقى مش راجل

لما تفكر ان كتر البنات حواليك دى حاجه كويسه وبتتنطط بيهم قدام أصحابك .. تبقى مش راجل

أتمنى انى معتش أشوف أو اسمع غير عن رجاله بجد تقدر تتحمل مسؤولية نفسها أولا أيوه لأن هييجى اليوم وهتتحاسب عن كل نفس فى حياتك
ليه بتنسى ان ليك رب شايفك وسامعك وهيحاسبك وفى نار وفى جنه
افتكر ده قبل ما تقدم على أى حاجه ناوى تعملها

رجاله تقدر تحمى بيتها وولادها وبلدها

وقفات مع الأبرار 3

2011-06-30T17:43:00.000+02:00

قال مصطفى السباعى :

أيها المثقلون بالهموم! كل همومكم تزول إلاّ هماً واحداً. هو دينونة أنفسكم.

أيها المرهقون بالآلام! كل آلامكم تذهب إلا ألماً واحداً هو ألم ضمائركم.

أيها المغرقون بالديون! كل ديونكم تقضى إلا ديناً واحدا، هو دين ضحاياكم.

هكذا علمتنى الحياة ص 75

وقفات مع الأبرار 2

2011-06-27T23:48:00.003+02:00

قال سليمان عليه السلام لابنه يوصيه :

يا بنىّ! إياك والنميمة فإنها أحدُّ من السيف.
يا بنىّ! إياك وغضب الظلوم فإنه كملك الموت.
يا بنىّ! إياك والمراء، فإن نفعه قليل، وهو يهيج العداوة بين الإخوان.
يا بنىّ! إياك وكثرة الغضب، فإن كثرة الغضب تسحق فؤاد الرجل الحليم.
يا بنىّ! عليك بخشية الله عز وجل، فإنها غلبت كل شئ.
يا بنىّ! من عمل بالسوء فبنفسه بدأ.
يا بنىّ! لا تقطعن أمراً حتى تؤامر مرشداً، فإنك إذا فعلت ذلك لم تحزن عليه.
يا بنىّ! لا تعجب ممن هلك كيف هلك، ولكن اعجب ممن نجا كيف نجا.
يا بنىّ! لا غنى أفضل من صحة جسم، ولا نعيم أفضل من قرة عين.
يا بنىّ! ما أقبح الفقر بعد الغنى، وما أقبح الخطيئة مع المسكنة، وأقبح من ذلك كله: رجل كان عابداً فترك عبادته.

الحلية 3/ 70 - 72

سؤال مش جوهرى

2011-06-23T17:06:00.002+02:00

عارفين الفيلم ده طبعا

فاكرين لما دخلت الجامعه مامتها وباباها قالولها ايه

الأم : ركزى على العريس يا نجيبه

الأب : ركزى على القبة يا نجيبه

ندخل فى الموضوع بقى طبعا انا متقليش الكلام ده ولا حاجه وجه التشابه انى كنت امر من نجيبه كده

داخله على عالم غريب مريب مش فاهمه فيه اى حاجه ولا حتى كنت اعرف هو انا المفروض البس ايه

ولا كنت ببص للبنات لابسين ايه عشان البس زيهم وابقى على الموضه والكلام ده

وخصوصا انى كنت راجعه من سنتين متواصلتين من السعوديه مفيهومش غير مزاكره

وعمرة وحج حتى المصريين اللى كنا بنزورهم وكده مكنوش كتير

وكمان انا من طبعى مش اجتماعيه اوى مبحبش اتكلم كتير وقليل لو اتعرفت على حد جديد

كان كل اللى بيحصل انى اروح احضر المحاضرات والسكاشن بصرف النظر عن انى زى ما كنت بدخل كنت بخرج

مفهمتش اى حاجه .. وكان الكل بقى فاكرنى البت الدحيحه اللى حافظه الكتب والورق والمحاضرات

كل ده عشان كنت بحضر لكن حد سألنى انتى فاهمه ؟ ابدااااا

وحتى لما كان حد بيسأل واقول لأ مش فاهمه يفتكرونى بضحك عليهم !!

المهم دلوقتى وبعد ما خلصت هذه المرحله انا اتوجهلى سؤالى غير جوهرى بالمره

وانتى مطلعتيش من الكليه بعريس؟ مفيش عريس من الكليه كده ؟!

السؤال الجوهرى بقى بيقول

هو انا كنت داخله الكليه ليه ؟؟؟

بصرف النظر على انى مركزتش على القبة فأنا كمان مركزتش على العريس

انا كان كل همى انى اخرج من الكليه دى وخلاص بأقل خسائر ممكنه

كان فى واحد زميل بابا قالى السؤال اللى مش جوهرى ده من سنه كده بعد ما خلصت على طول يعنى

رديت عليه قلتله .. هعمل ايه يعنى همشى أدور عليه ؟؟!

قالى لأ بس يعنى حد من زمايلك اعجب بيكى وقالك ولا حاجه

فى الحالات اللى زى دى البنات الطبيعيه بتقول اه طبعا دول كتير جداا

انا بقى كان ردى مختلف تماما

قولتله لأ .. انا طريقة تعاملى مع زمايلى جد جدا ميحسوش انهم بيكلموا بنت أساسا .. كلنا رجاله زى بعض

قالى طب ما ده العادى على أيامنها كان الواحد يمشى مع واحده لكن لما ييجى يتجوز يتجوز واحده ممشيش معاها

قولتله ده كان زمان دلوقتى اللى بيمشى مع واحده هى اللى بيتجوزها

وتقريبا انتهى النقاش على كده

انا مش هعلق اكتر من كده هسيبلكوا انتوا المهمه دى :)

وقفات مع الأبرار 1

2011-06-20T17:37:00.004+02:00

قال عبدالرحيم البرعي :

لـك الحمد حمداً طيباً يمـلأ السـما *** وأقـطارهـا والأرض البـر والبحـرا

لـك الحمد حمـداً سرمـدياً مبـاركاً *** يقــل مداد البحـر عن كتبه حصــرا

لك الحمد مقروناً بشكرك دائماً *** لك الحمد فى الأولى لك الحمد فى الأخرى

لـك الحمد حمــداً طيباً أنت أهـلـه *** على كل حال يشمل السر والجهرا

لـك الحمد يا ذا الكبرياء ومن يكن *** بحمدك ذا شكر فقد أحرز الشكرا

لـك الحمد ما أولاك بالحمــد والثنا *** على نعمٍ أتبعتها نعـمــاً تتــرى

لـك الحمد كم قلدتنا من صنيعة *** وأبدلتنا بالعسر يا سيدى يسرا

لـك الحمد كم من عثرة قد أقلتنا *** ومن زلـة ألبستنـا معـهـا ستـرا

إلهى تغمــدني بــرحمتــك التـى *** وسعت وأوسعت البـرايا بها بـرا

وقـوِّ بروحٍ منك ضعفى وهمتى *** على الفقر, واغفر زلتى واقبل العذرا

فــإنى من تدبيــر حـالى وحيلتى *** إليـك ومن حَوْلى ومن قـوتى أبـرا

وصن ماء وجهى عن سؤال مذلـة *** وعن جور دهر لم يـزل حلوه مرا

وبعـد حياتى فى رضــاك تـوفنى *** على الملة البيضـاء والسنة الـزهـرا

وفى القبر آنس وحشتى عند وحدتى *** فإن نزيـل القبر يستوحش القبـرا

من الديوان ص 4

قسم المهندس

2011-06-14T14:31:00.004+02:00

أخيرا اتعملنا حفلة تخرج بعد خدمه ... سنه فى كلية الهندسه :)

لا وكمان مكنتش تبع الكليه كانت تبع النقابه وكانت فى النادى كمان يعنى خدنا حقنا الحمد لله :)

بدون الخوض فى تفاصيل الحفل, كان أحسن فقرة اللى قلنا فيها القسم

حسيت فيها بحاجه كده - مش عارفه هى ايه - بس حاجه حلوه وخلاص :)

انا حابه اكتب القسم هنا لأى حد ميعرفوش وبقول ميعرفوش مش مقالوش

لأنى عن نفسى حاسه الكلام ده من قبل القسم بكتير فمش شرط انك تقوله المهم تحسه

 اقسم بالله العظيم

أن أؤدى أعمال مهنتى بالأمانة والشرف وأن أحافظ على سر المهنة وكرامتها

وان احترم قوانينها وتقاليدها.

وأن أثابر على طلب العلم, أسخره لنفع الإنسان لا لأذاه

وأن أوقر من علمنى, وأعلم من يصغرنى وأكون أخا لكل زميل فى المهنة الهندسية فى نطاق الحب والتعاون

وأن تكون حياتى مصداق إيمانى فى سرى وعلانيتى

وان اعمل جاهدا فى خدمة المصلحة العامة للوطن.

والله على ما أقول شهيد

noZom launches its first event in Egypt | Me, Ahmed Soliman

2011-05-04T19:24:00.000+02:00

noZom launches its first event in Egypt | Me, Ahmed Soliman

أنا والوجه الأخر

2011-04-13T15:37:00.002+02:00

من المؤكد ان كل شخص منا له وجهين مختلفين بل وهناك أشخاص لديهم اكتر من وجهين, ولكنى هنا لا اقصد اوجه النفاق بالرغم من حقيقتها ووجودها فى جميع الأوقات والأماكن حولنا..!

اننى اقصد هنا وجه الصلابه والضعف , الرومانسيه والبرود .

كثير من الأوقات كانت تمر على وكان ينبغى لى انى اتصرف بطريقه معينه او اقول كلام معين وبالرغم من ان هذا الكلام بالفعل بداخلى الا انى لا اقوله واقول عكسه .. !

كمثال.. ان يقول او تقول لى زميله او صديقه على موقف حدث لها والمفروض انى اواسيها او اقول لها "معلش" او اى شئ من هذا القبيل وبالرغم من ان الكلمه على لسانى أجد نفسى اقول لها أحسن .. تستاهلى !!

وأشياء مثل ذلك كثيره ومختلفه

لماذا من انزعج منه استطيع ان اقول ذلك بل واتصرف على اساسه معه ولكن من احبه لا اقول له ذلك بل وقد تصل بى ان ابدى له عكس ذلك ؟!!!

يوجد اناس قليلون يعرفون شخصيتى الحقيقيه قالوا لى لماذا لا تظهرينها كانت اجاباتى كالتالى

حاسه انها مش هتليق عليا !!

خايفه الناس تستضعفنى !!

وبالرغم من امكانيتى بالتحكم فى ذلك مؤخرا الا اننى لم اصل الى المرحله التى اود ان اصل اليها

وذلك لأنى مازلت خائفه !! ولكن لا اعرف ممن بالتحديد هل من نفسى ام من الناس ؟!

أود ان أصبح أنا ولا أود الوجه الأخر ان يتحكم بى أكثر من ذلك ...

حين أصبح رئيسا للجمهوريه

2011-02-27T22:14:00.001+02:00

السلام عليكم

أحب أبارك تانى لكل المصريين اللى بيحبوا بلدهم وكان نفسهم اللى حصل ده كان يحصل من زمان وفرحوا جدا من النتيجه اللى وصلنالها حتى لو مكانوش قدروا ينزلوا زى حالاتى لأى ظرف ما.

البوست ده أنا بفكر أكتبه من زمان أوى من قبل الثوره بكتير ولكن نظرا لظروف خاصه اهمها الكسل الذى نعانى منه جميعا لم اكتبه واخيرا قررت أن أبدأ فيه وأظن ان هذا هو الوقت المناسب.

من منا لايحلم بأشياء يتمنى أن تحدث سواء شخصيه أو عامه تكون مفيده له ولمجتمعه ولبلده بأكملها ؟!

لذلك أود أن أكتب كل ما يخطر ببالى وهذا الأمر لا يقتصر على منصب رئيس الجمهوريه أظن ان من أسباب الثوره أن يتم سحب السلطه الكامله من الرئيس وتكون وظيفته هو أن يلبى مطالب "اوامر" الشعب .. أى أن هذه الأفكار قد تكون صغيره او أشياء خاصه بى وقد تكون كبيره تتوزع على مسؤولين كثيرين فى مختلف المجالات.

أرجو ان يتم الأخذ فى الاعتبار ان كل ما سأكتبه أشياء شخصيه! وليست بترتيب الأهميه!!!

1- طول عمرى بكره كلية الحقوق والمحامين .. بحس ان -بلاش كلهم هقول- أغلبهم حراميه, لدرجة ان مره جالى عريس معاه كلية حقوق ومكنش بيشتغل فى المحاماه كمان مردتش اقابله حتى وقولتلهم ده انا لو كنت مسئوله كنت لغيت كلية الحقوق دى نهائى D: ,

ليه ما يبقاش الحكم مأخوذ من القرآن والسنه, يعنى مثلا اللى يسرق تتقطع ايده .. اللى يقتل يتقتل .. اللى يزنى يقام عليه الحد .... الخ.

2- نفسى الكليات كلها تتجدد .. انا مش قادره انسى منظر الكلية بتاعتنا وخصوصا فى الشتاء لما كان المياه تتسرب من السقف ولا تنزل على مكان فيه أسلاك كهرباء, بجد منتهى الاستهتار .. لا وتلاقى الدكاتره والمعيدين يتلموا ويقعدوا يتفرجوا شويه ويقوموا ماشيين!!

3- نفسى التعليم يتظبت وملاقيش حد بقى فى الاعداديه ومبيعرفش يكتب, بجد انا بقيت بسمع مهازل .. المناهج تتظبط بحيث تبقى مناسبه فعلا للطلبه اللى بيدرسوها .. يعنى ملاقيش حاجات تدرس فى الثانويه العامه بتوع ابتدائى بياخدوها, مش فاهمه ايه المقصود من ده!!!

4- نفسى الناس متكتفيش بالتعليم .. بجد المقوله دى سمعتها من زمان ومن ساعتها وانا مقتنعه بيها جدا "فى فرق بين المتعلم والمثقف", بمعنى ان اللى بتعلمه ده حاجه داخله بس وغالبا كلنا حاسين بده اننا مستفدناش حاجه من المدرسه والكليه, المثقف بقى هو اللى بيشتغل على نفسه وينفذ اللى بيتعلمه فى الواقع.

5- دى بقى حاجه شخصيه شويه .. الناس تحس ببعض يعنى الشخص يشوف طبيعة الشخصيه اللى قدامه ويتعامل معاه بطريقة الشخص ده مش بشخصيته هو ومش معنى انه طلع فيه حاجه "صفه معينه" مثلا انه يستغلها او يبعد عنه بسببها ممكن جدا العلاقه تفضل مستمره ولكن بحدود او تحاشوا الكلام فى الصفه دى او الاقتراب منها .. اه ومحدش لما يلاقى حد بيسأل عليه كتير يقوم يعمل فيها ياما هنا وياما هناك ويتنك ويبعد اكتر ده هيكره فيك الشخص ده وهيبقى على اد حبه ليك ساعتها هيكرهك او هيبطل يحترمك!

6- من أهم الحاجات بقى .. ياريت ميبقاش كل أماكن تخليص الأوراق أو الأماكن المهمه أو حتى الأماكن السياحيه او الأماكن اللى ممكن الناس بتروحلها رحلات متمركزه فى القاهره بس .... ليــــــه الأماكن دى ميبقالهاش فروع فى كل المحافظات بدل مانتوا عمالين تشتكوا من الزحمه فى القاهره!!

7- نفسى ما يبقاش فى حدود بين الدول العربيه وأى حد عاوز يسافر لأى بلد عربى يسافر فى أى وقت هو عايزه وتذاكر الطيران تبقى معقوله يقدر اى مواطن بدخل متوسط انه يوفرها.

دى بقى مش هحطها من ضمن العدد لأنه كان أول قرار جه فى دماغى ان عاوزه اعمله أول مابقى الريس D:

وهو دعوة كل المصريين بالخارج بكل فئاتهم للرجوع الى مصر واستغلال كل مصرى بكل كفائاته للتنميه بالبلد, ويبقى بعد كده مش المصريين هم اللى مشتتين فى كل العالم كده, لأ تبقى أم الدنيا فعلا يعنى اللى عايز يشتغل هو اللى يجى عندنا... يااااااااارب.

واكيد فى حاجات تانيه لو افتكرت حاجه هبقى ازودها

وانتوا .. بتفكروا فى ايه ؟!

مبرووووووووووووووووووك يا مصر

2011-02-11T19:41:00.000+02:00

اه الكلام كتييييييييييييييييييير

بس انا مش عايزه اقول دلوقتى غير مبروك لكل المصريين

مبروك على الحريه

مبروك على كرامتنا اللى اترفعت

مبروك على استرداد بلدنا

وياااااااااارب نقدر نحافظ عليها وننميها

وتبقى فعلا أحسن بلد فى الدنيا

واحنا الحمد لله عندنا الامكانيات والناس اللى يقدروا يعملوا ده

مبروووووووووووووووووووووووووووك

مصريه وأفتخر

مقارنه على الضيق

2011-01-14T21:58:00.002+02:00

نظرا لشغل العواطليه اللى انا فيه الا حد ما من ساعه ما خلصت الكليه

فكنت بستغل بابا وبطلع مكانه الرحلات بتاعت المدرسه

طلعت رحله القاهره ورحله اسكندريه

طبعا انا طول الرحله عماله افكر فى الفرق بين الرحله اللى انا فيها والرحله اللى كنت طلعتها وانا فى المدرسه

وطبعا طبعا الفرق شاسع .. كفايه ان صحابى كانوا معايا ودلوقتى لوحدى :(

أولا الرحله اللى كنت طلعتها وانا فى اولى ثانوى كنا لسه بدأين نتحجب فكنا سايبين شعرنا وكانت الرحله مختلطه عادى والبنات كانت برقص عادى برده

فى الرحله دى البنات كانوا محجبات ومرقصوش والحمد لله :)

ثانيا: ودى الحاجه اللى خلتنى اكتب الموضوع ده واعمل مقارنه

موضوع الأغانى

كان على أيامى - اه اصل انا من زمان أوى :D-

أغانى لمحمد فؤاد مثلا

اه كان قلبى وروحى وعمرى وكذاب مغرور وكانت الأغانى بقى اللى مشعلله شويه

الليله دى بتاعة هشام عباس ولا واحد ولا ميه بتاعة حكيم

الأغانى بقى اللى شغاله اليومين دول

التوتو نى - نفسى اعرف يعنى ايه - وشربت حجرين ع الشيشيه والبانجو ده مش بتاعى :S

والغريبه ان الطلبه كانوا عايزينها تشتغل على طول حتى لما السواق شغل نجاة فى الأخر واحنا مروحين كانوا عايزينه يغيرها ويجيب الأغانى بتاعتهم !!

تفتكروا كمان 10 سنين لو جينا نعمل مقارنه الوضع هيتطور لحد فين ؟!

شركات التوظيف

2011-01-07T18:28:00.002+02:00

من يومين كنت فى القاهره ليه بقى .. اقولكوا !

كان فى اعلان مطلوب مدربين حاسب الى للسفر للسعوديه .. انا ماما وبابا وافضين اصلا انى اسافر اشتغل فى القاهره

فما بالكوا بقى لو قولتلهم هسافر السعوديه لا وكمان السعوديه لازم يبقى فى محرم .. اجيبوا منين ده ؟!

المهم بقولهم قالولى ابعتى اعدت اشدد فى الكلام ولو اتصلوا بيا ومرضتوش اروح انتوا حريين والكلام ده

المهم بعت وفعلا اتصلوا بيا وروحت فعلا الغريب ان كل اللى قولتلهم كانوا خلاص مقتنعين انى هسافر انا محستش للحظه انى هسافر

هتقولولى امال روحتى ليه ؟! مانا جايلكوا فى الكلام اهه :)

انا كان كل همى فى اى حاجه بعملها انى اتعلم واشوف الدنيا واخرج من الخندق اللى ماما وبابا حطنى فيه طول عمرى

اجرب عشان اتعلم يعنى...

المهم المفروض ان البنت اللى كلمتنى كانت قايلالى المعاد الساعه واحده ولظروف كده خلتها تخلى المعاد الساعه 11

وصلت هناك انا على 10:30 كده قعدوا يقولولى تشربى ايه والكلام ده حسيت ان فى حاجه مش طبيعيه

الحاجه دى بقى طلعت ان الراجل السعودى مش موجوده فى القاهره اصلا قال ايه جاى من اسكندريه والأخ موصلش غير الساعه 2:30

شوفتوا الفقعه دى لوحدها تخلينى اقول مش راحه السعوديه تانى ابدااا :D

المهم كانت جت بنت من زفتى خريجه تربيه نوعيه مقدمه فى نفس الموضوع اتعرفنا على بعض

انا نسيت كل حاجه وكل تركيزى انتى ليه عايزه تسافرى ؟؟ مدورتيش على شغل هنا ليه ؟؟ حاولى تدورى تانى .. وهكذا ...

وكان نفسى اعمل ده مع كل واحد وواحده دخلوا المكتب ده

كمان كونى انى شوفت ده بعينى غير انى بسمع ان الشباب متمرمط بجد ومش الشباب بس ده الشعب كله كبير وصغير!

جايز أغير رأيى ولو انى مفتكرش :)

بيتهيألى أصلا ان اختراع شركات التوظيف ده مش موجود غير فى مصر بس !!

وعندى احساس ان كلهم نصابين :S

وعلى فكره الصوره اللى فوق دى مش الشركه اللى كنت فيها ده انا صورت صوره وانا فى الميكروباس من فقعتى من كتر كميه شركات التوظيف اللى شوفتها فى الطريق :@

انا عارفه ان ظروف المعيشه صعبه وان معظم الشباب ان مكنش كلهم نفسهم يسيبوا البلد ويهجوا

بس انا رأيى ان مهما كان الذل اللى فى بلدك فانت فى الأخر فى وسط أهلك وناسك أحسن ميت مره من انك تروح بلاد الناس يذلوك بفلوسهم ويكسروا نفسك ويخلوك تكره نفسك وبلدك اكتر واكتر ..!

وفى نفس الوقت طبعا الشباب اللى متخرج ده عاوز يبنى نفسه على الأقل يجيب فلوس عشان يقدر يتجوز

مقولتش يفضل مش بيعمل حاجه هنا او يذل نفسه فى اى شغلانه

لأ انا معاك سافر ووفر لنفسك الامكانيات اللى تخليك تعيش مرتاح بس اول ما توصل لمستوى كافى مش مهم يكون كويس اوى

ارجع بلدك افتح فيها مشروع له علاقه باهتماماتك وبتخصصك ساعتها مش انت بس اللى هتستفاد لا انت كده هتفيد بلدك كلها وهتساعد فى انها تبقى احسن ولو بخطوه على الأقل متبقاش شاركت الأغلبيه فى ضياعها ..!!!

أخيرا المكسب الوحيد من اخر سفريه دى انى مشيت فى الشارع والدنيا بتمطر :D

بداية سنه جديده

2011-01-01T18:08:00.001+02:00

السلام عليكم

فتره طويله أوى بعدت فيها عن المدونه وعالم التدوين كله تقريبا!

بس بقالى فتره عاوزه أرجع لها لأنها وحشتنى جدا, بس عماله افكر هكتب عن ايه .. الغريبه ان الأحداث اللى بتحصل فى حياتى كتير

وبالرغم من ده مش عارفه اكتب عن ايه !!!

المهم لقيت كل الناس بقت بتكتب عن السنه الجديده وايه اللى انجزته والقرارات اللى اتخذتها السنه اللى فاتت ويتمنوا ايه فى السنه الجديده

فقلت اعمل زى الناس :)

ولكن كنت برده بكسل وقلت اخليها ليلة راس السنه اللى هو امبارح, للأسف انشغلت جداا بحاجات كتير فى البيت وخروج وكنت باقلى فتره عاوزه أعمل تورته بس برده بكسل فاخدها حجه وعملتها والحمد لله طلعت حلوه وقولت اصورها واحط صورتها احسن ما اعمل ديزاين

بالفوتوشوب وميطلعش اد كده :$ .. ولكن للأسف اول ما فتحت الجهاز لقيت الخبر المؤسف بتاع انفجار اسكندريه

بصراحه نفسى اتسدت وقلت مش هحطها :(

مش عارفه ليه لازم ينكدوا علينا بصرف النظر عن موضوع المسيحيين والمسلمين والكلام اللى ملوش لازمه ده لأن من الأخر

" لكم دينكم وليا دين "

مش هقول اكتر من كده فى الموضوع ده !!

وكمان لأن الموضوع ممكن ياخد ابعاد تانيه زى الخبر اللى لسه قرأه من شويه عن الصيادله اللى بيتهموا الموساد

بس خلينى مع الأغلبيه انهم مسلمين ارهاب

احب اقولهم ممكن تقولولى ايه الفرق دلوقتى بينكم وبين اسرائيل اللى احنا طول عمرنا عمالين نلعن فيهم مش بسبب انهم محتلين فلسطين بس لأ بسبب اللى بيعملوه فيهم من اهانات وبهدله وعدم احترام لأدميتهم ؟؟!!!

بجد بجد اتمنى من كل قلبى ان السنه الجديده تبقى احسن بكتير علينا كلنا

مش فى مصر بس لا فى كل الدول ومش على المستوى الشخصى بس لأ وعلى المستوى العام كمان ..

سنه سعيده ان شاء الله

قلب فاضى

2010-11-06T12:40:00.002+02:00

"كل عام وانتم بخير

وعيد سعيد"

حد عايز قلب فاضى .. قلب طيب .. قلب هادى؟

قلب كله حنان وعطف .. يخطفك من الحزن خطف ..

مستعد يحب حتى .. قلب عايز ينسى ماضى ..

...

قلبى شارى مش ببيعه .. قلبى غالى ومش هيرخص ..

قلبى لسة فى عز ربيعه .. بس نفسه فى قلب مخلص ..

حد عنده؟ ..اللى عنده قلب ملكه قلب عنده..

مستعد يحب حتى .. قلب عايز ينسى ماضى ..

قلب ناوى يحب حبيبه اد كل الناس ما اتحبوا ..

واللى شوقه فى يوم هيجيبوا .. ياهناه ويافرح قلبه ..

مين يقرب؟ مين يجرب؟قلبى اولى قلبى اقرب..

مستعد يحب حتى .. قلب عايز ينسى ماضى..

رباعيات الخيام

2010-10-19T23:37:00.001+02:00

رباعيات الخيام by أحمد رامي

My rating: 4 of 5 stars

للأسف فى البدء أحسست بالملل وذلك لعدم انجذابى للأشياء التاريخيه فى معظم الأحوال وأنه ذكرنى بكتب المدرسه!

ولكن عندما بدأ فى الرباعيات أحببتها جدا بالرغم من انى لم أفهمها كلها ولكن معظمها شدنى جدا وسوف أكتب بعض من الرباعيات التى أعجبتنى ...

أحسن الى اﻷعداء واﻷصدقاء ..... فإنما أنس القلوب الصفاء
واغفر ﻷصحابك زلاتهم ..... وسامح اﻷعداء تمح العداء

******

إن لم أكن أخلصت فى طاعتك ..... فإننى أطمع فى رحمتك
وإنما يشفع لى أننى ..... قد عشت لا أشرك فى وحدتك

******

خلقتنى يارب ماء وطين ..... وصغتنى ما شئت عزا وهون
فما احتيالى والذى جرى ..... كتبته يارب فوق الجبين

******

بينى وبين النفس حرب سجال ..... وأنت ياربى شديد المحال
أنتظر العفو ولكننى ..... خجلان من علمك سوء الفعال

******

لا تحسبوا أنى أخاف الزمان ..... أو أرهب الموت إذا الموت حان
الموت حق . لست أخشى الردى ..... وإنما أخشى فوات الأوان

******

لا تأمل الخل المقيم الوفاء ..... فإنما أنت بدنيا الرياء
تحمل الداء ولا تلتمس ..... له دواء وانفرد بالشقاء

******

بى من جفاء الدهر هم طويل ..... ومن شقاء العيش حزن دخيل
قلبى كدن الخمر يجرى دما ..... ومقلتى بالدمع كأس تسيل

******

وإنما الدنيا خيال يزول ..... وأمرنا فيها حديث يطول
مشرقها بحر بعيد المدى ..... وفى مداه سيكون اﻷفول

******

إذا بلغت المجد قالوا زنيم ..... وأن لزمت الدار قالوا لئيم
فجانب الناس ولا تلتمس ..... معرفة تورث حمل الهموم

View all my reviews

الوحده

2010-09-24T14:39:00.003+03:00

الوحده.. كلمه كنت بقولها كتير

وكتير لما كانوا يسألونى قاعده لوحدك ليه أقولهم عادى مانا طول عمرى لوحدى.

وناس تانيه تقولى مش بتزهقى وانتى قاعده لوحدك فى البيت كده

أقولهم ﻷ انا اتعودت على كده !!!

بس بجد انا عمرى ماحسيت احساس الوحده زى مانا حساه اليومين دول

بجد احساس وحش وصعب أوى أوى

ﻷن الوحده مش فى ان الواحد يبقى قاعد لوحده بس

ﻷ اﻷمر من كده انه يبقى عايش فى وسط ناس مش حاسيين بيه

مش هممهم اﻻ راحتهم هم وبس

حتى لما بيعملولك حاجه, بيبقى عشانهم هم برده!

لا عارفين انت حاسس بايه ولا عايز ايه!!!

عيد سعيد

2010-09-10T14:25:00.000+03:00

كل سنه وانتم طيبين جميعا

ويارب يبقى عيد فطر سعيد علينا جميعا

وكل واحد يحقق كل اللى يتمناه

3Ds MAX Course By Me

2010-08-22T17:00:00.004+02:00

Pick your place at the "3Ds Max"course by Marwa Fahmy .http://confluence.catreloaded.net/display/CATWWW/3Ds+Max+course.

https://spreadsheets.google.com/viewform?hl=en&formkey=dEZOTHc3eGdhaE9EOEx2WXNhQ3RtS1E6MQ#gid=0

أعلنت العصيان عليك

2010-08-03T15:50:00.004+03:00

أعلنت العصيان عليك

يا ملكا من غير شعوب تتبعه

قد ملك القلب فضيعه

ما عدت الفارس والسلطان

تتيه .. تحن .. تجن

بصيحة لبيك

ما عاد القلب يئن من الأشواق إليك

ولذا يا سيد أحزانى

أعلنت العصيان عليك

فالقلب تحرر من وهم

ذنوبى ضوءا بيديك

أسكننى قصرا مسحورا

ملكنى عرشا وقصورا

هدهدنى ..

شتتنى ..

بعثرنى لحنا وعطورا

نهرا مشتعلا مجنونا

فظننت بأن الكون

يسبح .. يركع .. يسبح فى عينيك

فوجدتك وهما

كسراب لا شئ لديك

ولذا يا أجمل أوهامى

أعلنت العصيان عليك

كم كنت أحبك يا قدرا

ساقتنى الأقدار إليه

كم كنت أحبك يا عمرا

ألقيت العمر بكفيه

كم كنت أحبك يا طفلا

أدمنت براءة عينيه

فدنوت .. أخذت

سحرت .. غفوت

وصحوت .. شقيت

تعبت .. حرقت

صلبت على زنديه

فلأنى أحببتك جدا

أعلنت العصيان عليك

كم كنت أسافر فى خلجان دماك

وأبحر فى وديان يديك

وعشقت ملامح  إسمى

وهى تميل .. تغنى .. ترقص فى شفتيك

أحببت الكون .. الأفق

الظل .. الشجر .. البحر

عرفت الحب وذقت الهمس

رأيت الشمس تنام وتصحو

تغفو .. تلهو

تركض فى كفيك

ألبستك تاج الملك

وكنت أميرة حبك

مملكتى داخل عينيك

لكنى قررت رحيلى

كى أبقى أحلى الأحلام لديك

ولذا يا نبض حنينى

أعلنت العصيان عليك

سألملم شعرى الثائر

عن كتفيك

سأحرر نبضى من سطوة قلب

يلقينى بين ذراعيك

وسأنزع همسى الحائر

من رئتيك

وسأدعو ياعمر الأعمار عليك

يضنيك الله بداء العشق .. الشوق

وتذوق مرار الغدر

تذوق لهيب الحرق

ملعون هذا الحب

وهذا الخفق

نداء القلب عليك

ملعون هذا القلب

وهذا النبض

حنين الهمس إليك

مجنون من يخضع يوما

لعيون .. تشبه عينيك

إيمان بكرى

فجر طاقاك الكامنة

2010-07-08T18:35:00.001+03:00

فجر طاقاك الكامنة

يُحكى أن نسراً كان يعيش في إحدى الجبال ويضع عشه على قمة إحدى الأشجار،

وكان عش النسر يحتوي على 4 بيضات،

ثم حدث أن هز زلزال عنيف الأرض فسقطت بيضة من عش النسر وتدحرجت إلى أن استقرت في عش للدجاج.

وظنت الدجاجات بأن عليها أن تحمي وتعتني ببيضة النسر هذه،

وتطوعت دجاجة كبيرة في السن للعناية بالبيضة إلى أن تفقس.

وفي أحد الأيام فقست البيضة وخرج منها نسر صغير جميل،

ولكن هذا النسر بدأ يتربى على أنه دجاجة، وأصبح يعرف أنه ليس إلا دجاجة،

وفي أحد الأيام وفيما كان يلعب في ساحة قن الدجاج شاهد مجموعة من النسور تحلق عالياً في السماء،

تمنى هذا النسر لو يستطيع التحليق عالياً مثل هؤلاء النسورلكنه قوبل بضحكات الاستهزاء من الدجاج

قائلين له: ما أنت سوى دجاجة ولن تستطيع التحليق عالياً مثل النسور،

وبعدها توقف النسر عن حلم التحليق في الأعالي ، وآلمه اليأس ولم يلبث أن مات بعد أن عاش حياة طويلة مثل الدجاج .

قد تكون نسرا عاش بين مجموعة من المثبطين،أوهموه ان امكانياته وقدراتة ضعيفة

وأنه لن يستطيع التحليق فى سماء النجاح فالظروف المحيطة صعبة

ولكنه إن فكر قليلا سيكتشف أنه يستطيع أن ينتج وينجز بما لديه من قدرات وامكانيات

وهبه الله اياها

انطلق من الآن ورافق من يقوى عزمك

.......فأنت تستطيع بإذن الله........

الرساله دى وصلتلى ع الميل!

I, PROUD TO BE AN EGYPTIAN

2010-07-02T18:42:00.001+03:00

من كام يوم كده كنت بتفرج على فيلم هندى اسمه

I, PROUD TO BE AN INDIAN

قصه الفيلم مؤثره جدا حيث انها كانت تدور حول الظلم واﻻضطهاد الذى يعيشونه فى بلاد الغرب

وكيف ان البيض يرون أنفسهم أحسن السلالات على اﻷرض ويتعاملون مع الغير على أنهم عبيد

,أن ليس لهم مكان فى الحياه ...

أيضا كيف يتعاملون مع الخلافات بين الشعوب كى يوقعون بينهم أكثر ,نعم انهم يستغلون نقطة ضعفنا!

أقصد ضعف المشاكل بين الهند وباكستان والتقسيم الذى حدث ووجود البغيضه والشحناء بين الشعبين ...

وللأسف نجحوا .. وهنا لا أقصد الفيلم !!!

لم أبكى على طريقة معاملتهم للهنود ولا على مدى فظائعهم وتصرفاتهم ,ولكن بكيت عندما انحنى البطل امامهم

لكى يوقفوا مهازلهم تجاه أهله بل والذى أبكانى أيضا ان أهله كانوا قد استسلموا لهذه المعامله من قبل البيض!

وهم الذين جعلووه يعتذر للبيض!

أحببت عودتهم من هذا الطريق وأنهم أصبحوا يريدون أن يدافعوا عن كرامتهم وهذا باتحادهم...

واﻷن كم أود ان تعود اﻷمه العربيه وتدافع عن كرامتها!

لا بل كم أود أن يعود الشعب المصرى ويتحد لكى يدافع عن نفسه وكرامته ووطنه!!

كم يحزننى ما يحدث فى بلدى ,ليس يحزننى فقط بل ما أشعر به أكثر بكثير

انه شعور مؤلم حقا ...

كم أود أن أخرج وأصرخ بل وأقتل كل من يريد السوء لهذه البلد!!

ورغم كل ما يحدث فأنى مازلت فخوره بكونى مصريه وٍسأظل أدافع عن كل ما استطيع...

I, PROUD TO BE AN EGYPTIAN

Winter Sonata أغاني الشتاء

2010-07-01T13:42:00.001+03:00

أخيرا خلصت

2010-06-27T17:56:00.004+03:00

السلام عليكم

بجد بجد المدونه وحشتنى اوى والناس كلها

عارفه انى بقالى فتره مش بزور حد بس ظروف الدراسه بقى

والحمد لله اخيرا خلصت عقبال النتيجه يارب

والمشروع ووو اى حاجه تانيه بقى :)

جدول سكوب 11

2010-05-10T23:11:00.000+03:00

The fifth announced session :: Ahmed Soliman :: "NoSQL – The road to infinite scalability"

2010-05-04T15:24:00.002+03:00

The fourth announced session :: Mohammed Mahmoud :: "PHP Ignite With ORM Integration Taste"

2010-05-04T00:25:00.000+03:00

The third announced session :: Ahmed Gamal :: "Git source control system"

2010-05-02T23:06:00.001+03:00

The second announced session :: Ahmed Mekkawy :: "Virtualization techniques and cloud computing"

2010-05-02T19:15:00.001+03:00

لو سمحت .. عاوز أبقى هاكر ..

2010-05-01T12:13:00.002+03:00

ده اسم أول سيشن هنعلن عنه فى كات سكوب 11

كات سكوب 11

2010-04-30T20:41:00.005+03:00

السلام عليكم

كات سكوب هيبقى عباره عن 3 أو 4 أيام بينظم بواسطة فريق الكات وهو عبارة عن مجموعة محاضرات تقنيه بواسطه
مجموعة مهندسين ذو خبرة عاليه.

هذه المحاضرات تتحدث عن مجال تكنولوجيا المعلومات عموما وعلوم الكومبيوتر خاصة .
هذه المحاضرات تبدأ من الشخص المبتدأ فى هذا المجال وحتى الشخص المتمكن.

سوف يبتدأ هذا الحدث يوم الأربعاء 12-5-2010
وينتهى 16-5-2010
فى جامعة المنصورة - كلية الهندسة - قاعة رشاد البدراوى

لو تحب تساعدنا فى تنظيم المؤتمر ولو عندك شوكه وعاوز تبقى راعى للمؤتمر
تقدر تزور موقع الحدث
http://scope.catreloaded.net

تقدر كمان تتابعنا على تويتر
https://twitter.com/CAT_Scope
والفيس بوك
http://www.facebook.com/?ref=home#!/event.php?eid=103120536399046&ref=mf

مترسلكوا على بر !!!

2010-04-09T22:43:00.002+02:00

السلام عليكم

من زمااااااااان أوى مكتبتش هنا والله البلوج وحشنى والناس كلها وحشتنى
بس ظروف الكليه بقى وكده !

المهم فى موضوع شاغلنى بقالى فتره كده
وعايزه أعرضه عليكم

بقيت ملاحظه كتير أوى فى موضوع لما واحد يكون عاوز يرتبط هو طبعا ممكن يكون أعجب ببنات كتير قبل كده
وممكن يكون علقهم بيه كمان !
والبنات دوول يكونوا كويسين وعندهم طموح وحبين يعملوا حاجات كتير فى مستقبلهم وكمان لبلادهم وكده
ويكون ده أصلا اللى عجبه فيهم أكتر
لكن لما ييجى بقى يرتبط ويجوز يقول للى هيرتبط بيها دى مش عايزك تشتغلى
انا عاوزك تاخدى بالك من بيتك والأولاد بس
ويبقى عايز انها ميبقاش ليها اى طموح او دور فى الحياه ..!

فى ناس هتقولى يبقى عايز يريحها ..!
لأ معلش انا بشوف ده على انه عايز يلغى شخصيتها وده من عدم ثقته فى نفسه أصلا !!!

ايه المشكله انها تساعد الا اذا كانت دى رغبتها او هى اللى مش هتقدر وفى نفس الوقت برده
متبقاش كل حياتها الطبيخ والغسيل والأولاد
يبقى ليها نشاطاتها وهى فى البيت برده مفيش مشاكل :)

ف ارسلكو على بر
عايزينها صاحبة رساله ولا هايفه ؟!

الوجود والعدم

2010-03-24T20:02:00.000+02:00

الوجود و العدم by مصطفى محمود

My rating: 4 of 5 stars
اعرف هذا الرجل منذ زمن من خلال برنامج العلم والإيمان حيث كان أبى وأمى يتابعانه وأحببت مشاهدة البرنامج وسماعه من وقت لأخر ولكنى لم أكن أفهم كل ما يقال !!!

اكتشفت من أسبوع ان لدينا هذا الكتاب وهو الطبعه التاسعه والغلاف مختلف عن الذى فى الصوره هنا !

بدأت قراءته وأحسسن انى لا أستطيع أن أفهم شيئا قلت ربما اننى لست فى حالة تركيز ولكننى اكتشفت ان أسلوبه فعلا ليس باليسير وليس من السهل على أى أحد أن يفهمه ويستوعبه !

وبالرغم من ذلك فقد صممت أن أفهم شيئا وبالفعل فهمت ما يدور حوله الكتاب
ألا وهو :-

يحاول الكاتب أن يوضح لكل من لديه شك فى وجود الله وقدرته أن الله موجود ومهما أرتفعنا فى مناصبنا أو أصبحنا علماء ومخترعين فإن الله هو الذى أراد لنا ذلك وهو الذى يلهمنا بكل شئ نخترعه أى كان .

ولكن الله يفعل أى شئ وقتما شاء دونما أن يلهمه أحد ...!

View all my reviews >>

لماذا لا يثور المصريون ؟

2010-03-17T20:02:00.001+02:00

لماذا لا يثور المصريون؟ by علاء الأسواني

My rating: 4 of 5 stars
بداية أحب ان أوجه هذا الكتاب ليس للرئيس ولا الحكومه ولكن لكل مواطن مصرى جبان لا ينطق ويطلب بحقوقه حتى فى أتهف المواقف ... حتى فى المواصلات كما فعلت انا اليوم :) ...!

ان الكاتب فعلا رائع واسلوبه متميز بالرغم من بعض الألفاظ التى كانت قويه اذ اننى لم أعتد عليها !!!
فى بداية قرائتى للكتاب أحسست بشئ من املل اذ قلت " ما احنا عارفين الكلام ده ... ايه الجديد !!!" ولكن عندما تغلغلت بداخله احسسن انى لا أعرف شئ أو بمعنى أخر لم أكن أتوقع ان حالنا وحال بلادنا بهذه السوء!!

سوف اتذكر ان هذا أول كتاب قرأته للكاتب علاء الأسوانى وهو أيضا أول كتاب اشتريته من معرض الكتاب :).

View all my reviews >>

هموم هذا الزمان - أنيس منصور

2010-02-25T23:39:00.006+02:00

هموم هذا الزمان by أنيس منصور

My rating: 4 of 5 stars

بصراحه لقد أخذ منى وقت كبير جدا لكى أنتهى من قرائته,
وذلك ﻷنه كبير جدا وفى نفس الوقت يحتاج الى تركيز عالى,
أى أنه يحتاج الى بال رايق ..

من مميزات الكتاب

أنه غنى جدا بالمعلومات وبالرغم من انه كبير اﻻ انى فكرت اننى سوف أعاود قرائته فيما بعد لكى أستذكر هذه المعلومات ...
وأيضا اﻷسلوب جميل اﻻ حد ما ...

لم يعجبنى

لقد أحسست فى معظم الموضوعات فى البدء بالهجوم والكره الشديد من الكاتب للرئيس جمال عبد الناصر وبصرف النظر عن اننى من محبيه لكنى أرى أنه يجب على الكاتب أن يكون محايدا ولا يظهر أى شعور شخصى !

أيضا لاحظت أن الموضوعات متعدده وكان يمكن أن تتم تقسيم الموضوعات وتوزيعها على أكثر من كتاب ...!

View all my reviews >>

عملت شيش طاووق وتورته بالفراوله والموز :D

2010-02-14T21:36:00.003+02:00

عمايل إيديا وحياة عينيا
:D

معرض الكتاب

2010-02-08T20:30:00.005+02:00

السلام عليكم

يوم السبت الحمد لله أخيرا بعد رحلت اقناع سنه مع بابا انى أروح معرض الكتاب ..!
التجربه كانت جديده عليا وكنت حباها أوى .. يمكن أكتر كمان عشان انا بحب القاهره اوى ونفسى أعيش هناك, ومروحتهاش من زمان
من الرحله يعنى من سنتين تقريبا !

اشتريت كتب يمكن مش كميه كبيره بس انا كنت قاصده لأنى عارفه انى مش هلحق أخلص كل ده فى الأجازه
وكمان قلت اهو كل مره أبقى أشترى كام واحد على قد احتياجى .
الغريب بقى ان بابا اشترى كتب وصرف اكتر منى

واللى استغربتله اكتر انى مكنتش حاسه انى مبسوطه زى ما كنت متخيله مش عارفه ليه .. يمكن عشان كنت حاسه انى مقيده بناس !!
ويمكن عشان انا مش بحب الزحمه !
ويمكن لأنى تخيلت لليوم شكل وأحداث كان نفسى تحصل ومحصلتش !!

على أى حال انا برده مستمتعه انى عملت حاجه جديده فى حياتى .. الحمد لله .

المشكله بقى فى انى كنت مفكره ان المكان هيبقى انظف من كده والناس بجد مهمله بشكل اللى ياكل ويشرب حاجه يرميها
مع ان فى سله يمكن مش متوفره كتير بس برده مش هيضر لو مسكوها فى ايديهم شويه لحد ما يشوفوا واحده !

وكمان المسجد متبهدل خالص وعاملين خشب كده على مساحه صغيره ف المكان كان زحمه أوى !

ع العموم أتمنى ان شاء الله لما أروحه المره الجايه يبقى أحسن !

سلام

الصديق وقت .....

2010-02-02T21:24:00.002+02:00

السلام عليكم
الحمد لله أخيرا خلصت امتحانات النهارده
يارب استرها معانا فى النتيجه ويارب ننجح كلنا

المهم فى موضوع شاغل تفكيرى من فتره
وهو موضوع الصداقه ده هو فى الحقيقه شاغل تفكيرى من زمااااان وعلى طول

المهم المقوله اللى فوق دى المفروض تكملتها
الصديق وقت الضيق ... صح ؟؟

طبعا كلكوا قولتوا صح

فى ناس تانيه قالوا الصديق برده هو اللى بيفرح بفرحك وبيبقى عايز يساعدك مثلا لو عندك مناسبه ولا حاجه
طبعا برده كلكوا قولتوا صح !!!

الغريبه بقى انى ليا تفكير مع نفسى كده
اللى هو ايه بقى ؟؟؟

سواء الأولى ولا التانيه اللى خرجت منه ان الصديق ده مش بيظهر غيى فى الأوقات دى الحزن أو الفرح ..

طب والأوقاااااااااااااااااات الكتير التانيه بيبقى فين .
انا عن نفسى شايف ان اتنين صحاب أو أصدقاء بصرف النظر عن الفرق
المفروض يبقوا مع بعض على طوول ... يسألوا على بعض على طووول
فى ناس هتقول الدنيا مشاغل ,,, ماشى موافقه
بس هل مفيش فى كل يوم 5 دقايق فاضيه تتكلموا وتسألوا
مبتتفرجوش على تليفزيون ولا بتقعدوا على النت بالساعاااااااااااااااااات
ولا النووم اللى مبيخلصش !!!

الغريبه بقى انك لما تقعد فتره ومحدش يسأل عليك وتيجى تتكلم انت وتعاتب وتقول مبتسأليش ليه
يترد عليك رد فى منتهى الغباء
متسألى انتى ... يعنى هو انتى اللى بتسألى

سبحان الله بقى الموضوع واحده قصاد واحده ولا ايه !!!

بجد ناس غريبه طب انتى فضيتى شويه اسألى جايز التانيه دى عندها ظروف ولا حاجه
حتى ان عرفوا ان عندك حاجه وحتى لو حالة وفاه مبيهنش عليهم يتكلموا وبعدين يشوفوك زعلان يستغربوا انت زعلان ليه

وتقلهم انتوا معتوش بتسألوا ولا تتكلموا زى الأول يقولولك ان انت حساس زياده عن اللزوم وتفكيرك غريب
!!!
انا مبتكلمش عن كل العلاقات على فكره يعنى لو واحده بعيده اوى هقول ماشى لكن واحده انتى اللو قولتى ان انتوا صحاب
ومن المده أخدتوا على بعض واستريحتوا لبعض .. ليه الناس بقت كده ؟؟!!!!

مش عارفه بجد من اكتر المواضيع اللى لما بتخطر على بالى بتضايقنى جدا :(

يالا بجد مش عارفه اقول انا كمان هعامل بنفس المعامله ولا هعمل زى كل مره واقول خليكى انتى الكبيره والحسن

:S

صنع فى مصر

2009-12-27T21:27:00.004+02:00

من 3 أسابيع كده كنت عاوزه أشترى ملابس جديده تفاريح شويه مهو أصل انا بقالى ييجى 8 سنين من ساعة ما رجعت من السعوديه مشترتش حاجه من هنا كل لبسى من هناك

المهم قعدت ألف كتير وخصوصا ان كان معايا بابا وماما كانت ساعتها تعبانه ومجدش وانا مش متعوده انى أشترى حاجه لوحدى

فين وفين على ما لقيت بلوزه الى حد ما كويسه جبتها بينى وبينكم بدل ما أرجع وايدى فاضيه
وكان فى حاجات عاجبتنى بس الراجل مرضاش يشيلها من البترينه مش عارفه هى الناس مش عايزه تبيع ولا ايه حتى انا قلت للراجل كده المهم قال تعالوا اخر الأسبوع على ماييجى زى اللى انا عاوزاها ووروحنا وكان لسه ماجاش حاجه

فدورت تانى انا وبابا المهم اشتريت طقم جديد وبارغم من ان الحاجه كانت مش اللى هيا يعنى والتأفيل مش قد كده
على قد ما أنا كنت فرحانه جدا انى أخيرا شفت حاجه مكتوب عليها صنع فى مصر

قلت لنفسى أدينا بنشجعهم ووحده وحده المنتجات هتبقى أحسن ان شاء الله

مكتئبه ليه ؟؟!!!

2009-12-15T19:55:00.004+02:00

الكلمه دى بتتقالى كتير اليومين دول
طب هكتئب ليه !!!

تقريبا معظم الناس اللى كنت بعرفهم وبحبهم واتعلقت بيهم طلعوا ما يستهلوش ومبيهمهش غير مصلحتهم
ومش عايزه أقول مكنوش بيكلمونى الا لما يكونوا عايزين حاجه !!
يبقى هكتئب ليه !!!

معظم الناس اللى كنت بتعامل معاهم بتوع كلام ومبيهمهمش غير المظاهر وبيحبوا اللى بيتكلموا أكتر وياكلوهم فى الكلام
واللى فعلا عاوزين الخير ليهم وللمكان عموما لأ !!
يبقى هكتئب ليه !!!

ناس بحبهم ونفسى علاقتى بيهم تبقى أحسن وتطور بس مش حساهم عايزين ده أو مش قابلينى !!
يبقى هكتئب ليه !!!

ناس بيستغلوا وحدتى وعدم خبرتى للحياة أسوأ استغلال وجرحوا مشاعرى على قد ما يقدروا
ومقدروش حبى ليهم !!
يبقى هكتئب ليه !!!

وأخيرا أحب أقول أنا مش مكتئبه
كل الحكايه ان ساعات مواقف وذكريات تختر على بالى فبزعل شويه
وبعدين بنسى وبعدين أفتكر حاجه تانيه وأزعل شويه
وأرجع أنسى أو أتناسى أو أطنش أو أكبر

يا ساتر يا ساتر من الضرائب

2009-12-06T20:39:00.005+02:00

طبعا طبعا واضح من العنوان أنا هتكلم عن ايه

بجد والله حرام اللى بيحصل ده يعنى عملوا ضرائب على المحلات والمشاريع اللى الناس بتاكل منها عيش
والناس سكتت وهو ده مربط الفرس
اه طبعا مهو سكوت الناس هو اللى مخلى اللى بيحصلنا ده يحصل ولسه ياما هنشوف

دلوقتى بقى قال ايه عايزين ضرائب على البيوت اللى آويه الناس بالذمه ده كلام

لا هما سعدوا الناس اللى البناء اللى دفعوا فيه دم قلبهم نتيجه عرق وغربة سنين
ولا هما كانوا موفرين الأراضى للشعب ببلاش

جايين دلوقتى يطالبوا فلوس ليه ان شاء الله ؟؟!!!

معلش محدش يقولى ده هيرجع لنا تانى على هيئة خدمات وكلام التليفزيون ده والدوله فقيره وعلينا فلوس
ليه خير ان شاء الله !

أمال الفلوس اللى عمالين يصرفوها عمال على بطال على المهرجانات السينيمائيه والأفلام ووو
ولا الكوره دى لواحدها كوم تانى
مش عارفه لو الفريق كسب هيدوا لكل لاعب كام ألف جنيه !!
ويشتروا الاعب الفلانى بكام مليون

فلوس مين دى مش الناس التعبانه الشقيانه اللى مصين دمهم كل يوم والتانى لتخليص اجراءات مش عارفه ايه !!

وأخرتها ايه يعنى
على رأى بابا
بكره هيعملوا ضرايب على الناس اللى لسه عايشه ء

وأخيرا
حسبى الله ونعم الوكيل

عيد سعيد

2009-11-29T14:39:00.003+02:00

السلام عليكم
عارفه انى اتأخرت بس كنت محتاجه راحه شويه

المهم كل سنه وانتم طيبين ويارب يكون كان عيد سعيد عليكم جميعا
وتكونوا استمتعتوا فيه

انا عن نفسى الا حد ما حسيت باختلاف شويه لأننا دبحنا السنه دى
وأخيرا الحمد لله ربنا نولنى أمنيتى واشتغلت جزاره ء

وصية أم

2009-11-02T20:58:00.001+02:00

السلام عليكم

لو تفتكروا كنا أخدنا الموضوع ده فى الاعداديه , أى نعم انا مش فاكره فى اى سنه بالظبط بس مش مهم

المهم بجد عجبتنى أوى ومقتنعه تماما بكل كلمه فيها

افتكرتها لأنها كانت جايلنا على دعوة فرح فقلت أفكرككوا بيها ,

أو أعرف اللى مش عارفينها ..!

الى بنيتى ...

انك فارقتى بيتك الذى منه خرجتى وعشك الذى فيه درجتى إلى قرين لم تعريفيه وبيتا لم تألفيه .. فكونى له أمة .. يكن لك عبدا

واحفظى له عشر خصال يكن لك زخرا

فأما الأولى والثانية : فالصحبة بالقناعة والمعاشرة بحسن السمع والطاعة

وأما الثالثة والرابعة : فالتعهد لموقع عينا و التفقد لموقع أنفه ..

فلا تقع عيناه منك على قبيح ولا يشم منك إلا أطيب ريح .. والكحل أحسن الحسن والماء والصابون أطيب الطيب المفقود

وأما الخامسة والسادسة : فالتفقد لوقت طعامه والهدوء عند منامه فإن حرارة الجوع ملهبة وتنغيص النوم مغضبه

وأما السابعة والثامنة : فالعناية ببيته وماله .. والرعاية لنفسه وعياله فملاك المر فى المال حسن التدبير

وأما التاسعة والعاشرة : فلا تفشى له سرا ولا تعصى له أمرا .. فإنك إن إفشيتى سره لم تأمنى غدره .. وأن عيتى أمره أوغرتى صدره ثم إتقى بعد ذلك الفرح عنده إن كان حزينا عنده إن كان فرحا .. فإن الخصلة الولى من التقصير والثانية من التكدير وكونى أشد ما تكونين له إعظاما يكن أشد ما يكون لك إكراما وأشد ما تكونين له موافقة يكن أطول ما يكون لك مرافقة واعملى أنك لا تصلين إلى ما تحبين حتى تؤثرى رضاه على رضاكى وهواه على هواكى فيما أحببتى وكرهتى

اللهم ارزقنا أزواج صالحين

دموع القلب

2009-10-31T00:02:00.003+02:00

دموع القلب by عبد الوهاب مطاوع

My rating: 4 of 5 stars

الكتاب عبارة عن قصص ورسائل من القراء ,
انها قصص فعلا مؤلمه , ولكن الشئ المشترك الذى خرجت به من جميع القصص هو
ان الدنيا لا تستمر على حال ولا يأمن مكرها أحد ولابد أن نرضى بقضاء الله وقدره .

وأخر قصه والتى يحمل الكتاب اسمها فيها مقوله أعجبتنى حقا
وهى ان دموع القلب لا ترى بالعين المجرده وهى أشد ألما من دموع العين .!

View all my reviews >>

شويه فضفضه :)

2009-10-29T23:22:00.003+02:00

بجد النهارده يوم ما يعلم بيه الا ربنا
ومن امبارح اساسا
والجو الغريب اللى كنا فيه

بس برده بحب الشتا

المهم أنا قايمه النهارده مزاجى وحش أصلا , ومش طايقه كلمه من حد !

أروح الكليه كان عندى سكشنين ,
أول واحد شبكات ولا بقبلها
أعتبر مفهمتش حاجه , حاولت أركز والله بس الدنيا لما بتقفل بقى !
وخلصنا السيكشن .!
بعدها سيكشن ايه بقى كونترول ...
ولا نعرف الماده بتتكلم عن ايه
والدكتور أساسا أسلوبه غريب وملهاش كتاب ,
والمعيد طريقته زى طريقة الدكتور , مش عارفه والله الواحد يعمل ايه .
البت اللى انا كنت ماشيه معاها قالتلى تعالى نمشى ,
قولتلها لأ تعالى نحضر ,
والمعيد اشتغل مع نفسه وانا نمت أساسا
بس للصراحه أنا اكتشفت ان الكلام اللى هو بيقوله ده احنا أخناه قبل كده .
البت قعدت تستحلفلى عشان خلتها تحضر
قولتلها قومى نمشى وقمنا نفدنا بجلدنا ههههههههههههه

أقوم ايه بقى وانا واقفه استنى الميكروباص ,
جات واحده كده بيتهيألى أول مره أشوفها , المهم طلعنا فى الأخر من بلد واحده وكمان عارفه بابا وماما
وأنا طبعا زى مانتوا عارفين معرفش حد

المهم واحنا واقفين جه ميكروباص ولقيت التباع عمال يبصلى بطريقه غريبه ويضحك ,
أيوه جه لقدره مانا نفسى أزعق لحد وادهمله بقى
اظاهر كان معجب بالنظاره

جه الميكروباص اللى هنركبه خليت البت طلعت جمب السواق وقعدنا قدام ,
وكان سواق عجييييييييييييييييب
واحده المفروض هتنزل العباسى واظاهر مخدتش بالها ولا التباع نسى ولا ايه
والمحطه عدت
السواق بقى اشتغلها ,
قعد يقولها قال ايه بطلى حب , المهم ان الست كبيره يعنى غالبا متجوزه ومخلفه كمان ,
وبعد مانزلت قعد يقول مهم وراهمش غير الأكل والشرب والحب
وأنا ماسكه نفسى من الضحك أنا والبت ,

المهم واحنا نازلين قام قايل
انتوا نازلين , البت قالتله اه
قال طيب
حبوا انتوا براحتكوا انتوا لسه صغيرين
ههههههههههههههههههههههههههههههههههههههههههههههههههههههههههههههه
اتفحنا احنا الاتنين بقى
وهى تقول هو فى حد فى كليه علوم يبقى فى مخ يحب ولا يفكر فى الحاجات دى ,
وانا قولتلها , هو احنا بقى عندنا مخ أصلا ههههههههههههههههههههههههه

مغركمش قلت أهيس شويه
ههههههههههههه

بنات كتير

2009-10-24T22:46:00.005+02:00

بنات كتير كده من سنى
بيغيروا منى وبيحسدونى مع انى
مش أحلى منهم بصراحه

لا عندى لبس أخر موضه
ولا فى الأوضه
صوره لنجم عنيه سوده
ورموشه ساحره وجلاحه

ولا ف كلامى بتصنع ولا بدلع
ولا عمرى أوعد وأطمع
ولا أدى أدم تفاحه

أصل الحقيقه من صغرى
جد ودغرى
لو حد قالى كلام مغرى
أطير بقلبى سواحه

وأهرب من النظره ان طالت
وان عينى مالت
ببص م البعد التالت
ألاقى فيه كل الراحه

مش معنى كده مش طبيعيه
أو رجعيه
بصراحه أوى متوعيه
م أنا أمى أصلها فلاحه

فرقة المصريين

افتح قلبك ( عبد الوهاب مطاوع )

2009-10-09T22:24:00.003+02:00

افتح قلبك

by عبد الوهاب مطاوع

My rating: 4 of 5 stars

لحبى للقصص أحببت الكتاب
بالرغم من أن معظمها قصص مؤلمه

النقاط التى أستخلصتها من الكتاب :

1- على الانسان ان يعيش حياته كما يحب ولا يستسلم لأى ضغوط حوله.
2- لا يجب ان نأخد برأى الناس فى أشياء محدده على انها حقيقه مؤكده ,
لأنك لست مثل غيرك والذى يفرحك غير الذى يفرح غيرك والذى يغضبك غير الذى يغضب غيرك .
3- من حق أى انسان أن يبحث عن سعادته ويفعل كل ما بوسعه للوصول اليها ما دام لا يضر الأخرين ولا يؤثر على سعادتهم عمدا .
4- من اسباب انهاء الحب بين الطرفين الملل .
5- الحب وحش مستبد مجنون .

View all my reviews >>

What Happen To Me?! ...

2009-10-07T21:25:00.004+02:00

Really I'm not sure about what happen to me nowadays, I'm not sure about my feeling to alot of people around - hate or love - me.

In addittion to my feeling to myself , or what I feel - happy or sad - "i think the last one ".

I'm not sure I'm true or false , and what I want exactly , what must i do and what not !!!
OHHH , I'm going to crazy

I'll not say anything except YARAB يارب

ممنوع التدخين

2009-09-29T00:01:00.004+02:00

أنا من أكتر الناس اللى بتكره التدخين بكل أنواعه ,
وبابا مدخن ,
طب أعمل ايه مبطلش خناق معاه بسبب الموضوع ده.
وتعب منها كذا مره فى حاجات مختلفه والدكاتره قالوله بطل شرب سجاير.
وأنا أقفله بالمرصاد بقى تلاكيك ,
ويبطلها فتره ويرجعلها تانى

حتى كان بيبطلها فى رمضان , رمضان اللى فات ده مبطلهاش

أعمل ايه بقى , لأ وكمان مش عارفه ضيوفه اللى بيجولنا معرفش يعنى المزاج مش بيحلالهم غير لما بيوصلوا عندنا

ف ايه بقى انا زهقت ,
عملت ايه بقى , جبت اللوجو بتاع ممنوع التدخين وطبعته وعلقته فى الصاله
وكمان شيلت كل الطفايات
من ساعتها بابا لو دخن فى البيت يقوم رايح البلكونه ,
وكمان لما جالنا ضيف بابا معملش زى عوايده وقام جاب السجاير يعزم والكلام ده
والضيف مشى من غير ما يدخنوا سجاره واحده ء

ايه رأيكوا بقى فى الفكره دى ؟

أنا بقترح ان اللوجو ده يتعلق فى كل مكان

ألوان من الحب ( أنيس منصور)

2009-09-25T00:25:00.003+02:00

بجد استمتعت بالكتاب من أول كلمه واستفدت منه كتير ,
يمكن انا كنت أعرف ان فى أنواع مختلفه للحب بس مكنتش أعرف انهم كتير أوى كده يعنى النوع الواحد اللى كنت أعرفه طلع بيتفرع منع عشرة أنواع تانيه مثلا .
غير من تفكيرى فى حاجات وزود معلوماتى فى حاجات تانيه وخلانى أتمسك بأشياء كنت أنا أصلا مقرراها بينى وبين نفسى .
ومن الحاجات اللى خرجت بيها من الكتاب - فى منها كنت
عارفاه أو بمعنى أصح فاهماه من حاجات تانيه -

* ان التعليم العالى مش كافى , يعنى مش المفروض الواحد يبهره واحد دكتور مثلا أو مهندس لمجرد الشهاده ممكن يطلع انسان جاهل بكل معنى الكلمه التعليم اللى اتعلمه ده مجرد شهاده معلقها او بيباها بيها .

* انى مبقاش آسيه على نفسى , يعنى لو غلطت اه هزعل وضميرى هيعذبنى , بس مش معنى كده انى أفضل كده على طول لأ ممكن أصلح ده بأنى أبقى أحسن وأستفيد من التجارب اللى قبل كده .

* الحياه مش كلها سعاده ومش كلها كئآبه , فلما ابقى سعيده متوقعش انى هفضل كده على طول ولما أزعل برده يبقى عندى أمل ان بكره اكيد هيبقى أحسن .

* ان كيدهن عظيم , فعلا المرأه لما بتكره وتفقد السيطره على نفسها ومشاعرها ممكن تعمل أى حاجه والساطور والأكياس يشهدوا :) .

* كلام الناس لا بيقدم ولا بيأخر , لأ ممكن يأخر وممكن لو أهتمينا بيه نعمل فى الأخر زى جحا ونشيل الحمار :S .

* أنت المتحكم الوحيد فى حياتك , يعنى انا اللى أقدر أقرر أزعل ولا أفرح , أنا عارفه ان ده صعب وان أكيد فى حاجات بتأثر فينا غصب عننا , بس كمان اراده الانسان لازم تبقى قويه ومش المفروض نخلى أى حد مهما كان انه يتحكم فى حالتها سواء نفرح أو نزعل , ونزعل بالذات .

* ضروره الصراحه مع شريك الحياه مع اختلاف الحالات والمواضيع , يعنى بلاش المظاهر الكدابه اللى بتبقى فى الأول دى , وفى الأخر هما الاثنين بيطدموا ..!

* المرأه طبيعتها النفسيه متقلبه دائما ورغم ذلك فهى أكثر نضجا من الرجل .

* الحب هو الحل الوحيد لأى مشكله .

عيد سعيد

2009-09-19T23:10:00.004+02:00

دى حاجه سريعه كده عملتها على ال
illustrator :)
يارب تعجبكوا

وكل سنه وانتم طيبين

الاعتكاف

2009-09-15T23:44:00.003+02:00

الحقيقه الموضوع ده بقالوا فتره شاغل تفكيرى ...
معظم الناس سمعت منهم انهم عايزين يخلصوا كل اللى وراهم قبل 20 رمضان
وكمان ممكن يلغوا اى حاجه وراهم عشان يعتكفوا.
بصراحه انا كنت فكرت فى الموضوع لوحدى كده , فقلت معقول يعنى المفروض ان الناس كلها تعتكف وكل حاجه تقف !!!
أكيد مش معقول طبعا !!!
لحد النهارده وأنا بتفرج على برنامج الأستاذ عمرو خالد
وقال الحديث ده

قال رسول الله صلي الله عليه وسلم
"لان يمشي احدكم في حاجة اخيه خير له من الاعتكاف في مسجدي هذا اربعين يوما"

بصراحه أنا مقتنعه جدا ان الشغل والعمل وخصوصا اذا كان العمل تعليم الناس أو مساعدتهم فى حاجه أهم

والله لسه بدرى ..!

2009-09-12T14:32:00.002+02:00

بزمتكوا مش الأيام بتعدى بسرعه أوى
لسه كنا بنقول كل سنه وانتم طيبين
بسرعه كده الشهر خلص

ودى أصلا علامه من علامات الساعه
ان الأوقات والسنين بتعدى بسرعه

يارب كلنا نكون فرحنا واستغلينا الشهر أحسن استغلال
وعيشنا أيام سعيده .

يمكن أكتر حاجه مزعلانى
انى كان نفسى أحس بجو العيله واللمه أوى
وده محصلش خالص للأسف

يالا الحمد لله على كل شئ

وعيد سعيد ان شاء الله .

Happy BithDay To Me (^)

2009-08-28T01:31:00.004+02:00

Happy BirthDay To Me ...
Happy BirthDay To Me ...
Happy BirthDay To Me ...

ازيكوا عاملين ايه فى رمضان وفى الصيام .
النهارده قصدى امبارح كان عيد ميلادى ال ...
ماعلينا

المهم لو تفتكروا بتاع السنه اللى فاتت كان عامل ازاى
قلبوا كده لو نسيتوا
وهو كان يوه الرؤيه
المرادى بقى كان مختلف الا حد ما سادس يوم رمضان
وأنا اللى عملت التورته الجميله اللى فوق دى
بلا فخر ولله الحمد .

ودى تانى تورته أعملها الشهر ده عشان عيد ميلاد بابا كان الاسبوع اللى فات
بس مجاش فى بالى أصورها
يالا بقى ملكوش نصيب تشوفوها
أيوه المفروض كنت أصورها عشان دى كانت أول تجربه ليه والحمد لله كانت ناجحه ,
لكن هعتبر بتاعتى هى البدايه وأهو لو الواحد اتخرج وملقاش حاجه يعملها يضمنله الشغلانه دى

يلا بقى اسيبكوا تحتفلوا بيا
ومتنسوش الهدايا
أنا بقولكوا أهه

رمضان كريم

2009-08-20T22:41:00.005+03:00

ده بقى بعد شوية تعديلات ونصائح من سينار

السلام عليكم
بقالى فتره وانا عاوزه أكتب الموضوع ده
بس كنت مأجله الموضوع
وقلت أبتدى أستفيد من كورس الفوتوشوب وأعمل حاجه بالمناسبه دى .

أنا عارفه ان التصميم مش قد كده
بس على قدى بقى ء

كل سنه وانتم طيبيبن
والأمه الاسلاميه كلها بألف خير ياربء

دايما دموع !!!

2009-08-13T22:20:00.004+03:00

النهارده بعد ما خلصت الكورس وكنت أصلا نايمه وخارجه فى وقت زحمه جدا,
فقلت أروح الكليه أصلى الظهر على ما الزحمه تخف شويه !!

بعد ما دخلت الجامعه لقيت واحده زميلتى ماشوفتهاش من زمان أوى قاعده فى ظل عربيه !
سلامات بقى عامله ايه وجايه منين وراحه فين والكلام ده !

المهم أنا حسيت من طريقة كلامها انها مش طبيعيه , زى مايكون شايله هموم الدنيا فوق دماغها!
مالك يابتى انتى مكونتيش كده , دانتى كنتى مبتسمه وبتضحكى على طوول !

كان أسلوبها غريب فى الكلام , انا مرتدش أسيبها غير لما أعرف مالها بالرغم انها مكنتش راضيه تتكلم وكل شويه تقولى امشى ومفيش حاجه وتتوه فى الكلام !

أنا مردتش أسيبها طبعا لحد ما فضفضت شويه كده وقعدت تقولى كلام كده ,
نعتبر عارفينه وواخدين عليه ..!
ان الناس مش سايبنها فى حالها وعمالين يقروا عليها , عشان هى بتستغل يعنى وكده
وكمان عرفت انها كانت اتخطبت واتكتب كتابها كمان بس محصلش نصيب
وان هى أصلا مكنتش موافقه بس أهلها اللى كانوا غاصبين عليها..
والناس مستغربه ان يحصلها كل ده ولسه ماشيه على رجليها..
طبعا كل ده مع بكاء كان بتحاول تداريه من الأول !!

أنا حاولت على قد ما أقدر أخفف عنها وأخرجها من اللى هى فيه ,
مش عارفه اذا كنت عملت اللى عليا وألا كان المفروض أعمل حاجه تانيه .

لأ وبعد لما سبتها تروح شغلها ومشيت ومروحه ركبت ميكروباص يشغلى
دايما دموع دموع دموع
دايما يا قلبى طريقنا شوق
من فين تلاقى الناس خانوك
دايما ألم دايما عذاب دايما جراح
لكن الفرح ممنوع ممنوووع !!!

أصل هى كانت ناقصاه !!

هى الناس جرالها ايه ,
حشرين نفسهم فى كل حاجه ليه ,
ليه مش بيتمنوا الخير والسعاده لبعض,
والدنيا كده تبقى جميله وصافيه وهاديه ؟؟!!!!ء

ارحمونا بقى 1 !!!!!

2009-08-06T23:30:00.003+03:00

السلام عليكم

بجد موضوع بقالوا فتره مضايقنى جدا من أول الجازه تقريبا ..
زى ماحضراتكوا عارفين انى باخد كورسات دلوقتى يعنى بنزل المنصوره يوميا
ولا حسيت بالأجازه نهائى !!!

المهم غالبا انا بمشى فى شارع جيهان والجلاء يوميا وطبعا عارفين مدى الزحمة اللى المناطق دى بتبقى فيها !
عشان المستشفيات والطوارئ وكده..!

يعنى كفايه أوى الناس اللى بتبقى موجوده ..
لأ تلاقى بقى كمان اصحاب العربيات بكل أنواعها نص نقل تلاقى ملاكى تلاقى بتوع المبيعات تلاقى
وياريت واقفين فى مكان كويس
لأ واقفين صفين على اليمين وصفين على الشمال والعربيات المتحركه فى النص
الناس تمشى فين بقى ان شاء الله ؟؟
حد يرد عليا .. يقنعنى باللى بيحصل ده .. الناس دى متفكرش خالص
يعنى لو الشوراع بتاعتنا واسعه كنا قلنا ماشى
لكن زى ما حضراتكوا عارفين شوارعنا بسم الله ما شاء الله لو واحد تخين شويه مش هيعرف يمشى فيها
بزمتكوا ده اسمه ايه ؟؟!

لأ حتى الناس تبقى ماشى ولا واقف فى حالك تلاقيهم عمالين يدوسوا فوقك.

استنادا على هذا الكلام فمن موقعى هذا اقترح الآتى
يتم عمل جراجات فى كل العمارات سواء كان سكنيه أو تحتوى على شركات أو ما شابه ,
ويتم على جراجات خارجيه للمسافرين (اللى مش من البلد يعنى جايين يقضوا مصلحه وماشيين )
عمل غرامه لأى واحد واقف صف تانى ويستحسن ميكنش فيه صف أول أصلا !!

اه وكمان الناس المرضى والا اللى رايحين يزوروا حد مريض مينفعش يفضلوا واقفين سادين الشوارع كده
ياريت يتعملهم استراحات زى اللى فى الجامعه للطلبه كده يقعدوا عليها .
هتقولولى مهو فيه هقلكوا مش فى كل الأماكن وكمان معتش مكفى ..

ومحدش يقولوا مافيش ميزانيه

أما يا ياما

2009-07-24T14:08:00.002+03:00

أما يا ياما شدى الضفاير شدى رباطها .. عصبينى

لو قادره ياما .. تقيديها قيديها وقيدينى

شعورى موجه , عماله تلعب , عماله ترقص فوق جبينى

شعورى شوق , وبشوقى حايره ,لانا عارفه ماشيه ولا عارفه طايره

وكلام فى سرك وبقولها مره عذاب بحسه , عذاب وثوره

أما يا ياما جوايا ليه

أما يا ياما جوايا ايه

جوايا حيره جوايا ضلمه

جوايا طير قلقان فى عشه لا أنا قادره أشيله ولا قادره أهشه

وكلام فى سرك وبقولها مره عذاب بحسه , عذاب وثوره

أنا جيت :)

2009-07-19T00:00:00.004+03:00

السلام عليكم جميعا
عاملين ايه ؟

أنا عارفه أكيد قلقتوا عليا مش كده , الحمد لله على كل حال .
حاله الوفاه اللى كانت عدى مش هتكلم عليها عشان أكيد هييجى فرصه وأتكلم عنها بس بطريق مختلفه ف خلوها لوقتها ..!
المهم أنا هقولكوا على أخر أخبارى

الحمد لله بدأت من فتره الكورسات زى مانتوا عارفين والحمد لله عندى كميه تفاؤول وخصوصا لما بدأت الفوتوشوب ,
أصلكوا متتخيلوش أنا اهنت قد ايه بسبب الفوتوشوب ده قبل كده .

وكمان الحمد لله دخلت مع مجموعه كويسه عشان مشروع التخرج , لحد الأن أعتبر البنت الوحيده
بينى وبينكوا أحسن أصل البنات اللى معايا غالبا كانوا هينيمونى .

بالنسبه لحياتى الشخصيه بقى ,
فكنت حاولت الفتره اللى فاتت أعمل حاله صفاء مع بعض الناس ,
عشان مش بحب التعاملات الرسميه ولا انى يكون فى نفسيتى حاجه ناحية اللى قدامى ,

والحمد لله المحاولات دى فشلت فشل شنيع ,
يا إما كانت تقابل بالتجاهل تماما , يا إما كان تجاهل مع إهانه
مش عارفه الناس مالها بجد وألا أنا اللى غريبه ولا ايه مش عارفه !!
يالا ربنا يهدى ...

هممممممممممممممم
بس خلاص معدش عندى حاجه
سلام

إنا لله وإنا اليه راجعون

2009-07-15T18:52:00.004+03:00

إنا لله وإنا اليه راجعون

حاجات بفكر فيها !!!

2009-07-06T19:02:00.012+03:00

بقالى فتره كبيره بفكر فى حاجات كتير
منها السلبى ومنها الايجابى ..!

هقول بس اللى فى بالى دلوقتى والباقى كله فى وقته ..!

.....................................

لسه جايه من حنة واحده صاحبتى , والناس كلها فرحانه وبيسقفوا والحاجات دى وأنا معاهم طبعا ,
ما انا لازم أواكب العصر .ء

المهم حاجات خطرت على بالى وأنا قاعده وهى خطرت على بالى قبل كده الصراحه ..

منها افتكرت صاحبتى غاده اللى ماتت , وقلت اهو كلنا عمالين نهيص ومش فاكرينها أو بمعنا أصح نسيناها
وده حال الدنيا مش هنفضل نفكر فى اللى فات ومنعش اللحظه زى ما بيقولوا ..
بجد مش عارفه أنا ليه بقيت مش قادره أنسى حاجه وبفتكرها فى أوقات ممكن تخلينى مستمتعش باللحظه اللى أنا فيها ..!

--------

كمان صاحبتى دى ما شاء الله عندها اخواتها وزوجات اخوانها ,
كنت لما اتصل بيها أسألها مش عايزه حاجه ولا أى مساعده تقولى دى كذا وكذا موجودين وبيعملوا كل حاجه.
افتكرت بقى ان شاء ربنا وجه عليا الدور مين اللى هيبقى معايا ,
لا أخ ولا أخت ولا حتى قرايب يفتحوا النفس ,
حتى اصحابى المقربين 2
واحده اتجوزت وخلفت ماشاء الله بنت وولد توأم
ومحتاسه بيهم يا عينى ومش بتعرف تتحرك وتخرج كتير عشانهم .

والتانيه اهى بتتجوز أهه وطبعا برده انسى انها ممكن تبقى تجيلى
أو حتى تفتكرنى بعد كده غير كل حين ومين زى ما بيقولوا .!

هل ياترى ممكن ألاقى حد جنبى فى أى وقت كان ,
انا عارفه انى دايما بقول الكلام ده ,
أيوه أنا أعرف ناس كتير بس مش حاسه ا فى حد قريب منى !
أو بمعنى أصح معتش بحس بحاجه

بجد زعلانه أوى على قد متعودت على الوحده على قد ما زهقت ء

Hackers Duo

2009-06-29T19:22:00.004+03:00

السلام عليكم و رحمة الله و بركاته

نتشرف بدعوتكم لحضور اهم مؤتمرات الهاكرز التقنية و الذي سيستمر لمدة يومين متتاليين "هاكرز ديو" و سيبدأ المؤتمر يوم السبت القادم بإذن الله تعالى الساعة التاسعة صباحاً في مدرج 21 في كليه الهندسة جامعة المنصورة و الذي يتم تحت رعاية منظمة مشروع فيدورا و سيتم الأعلان عن تفاصيل الجدول قريباً جداً إن شاء الله

تقدروا تشوفوا الجدول هنا

لو كنت أعرف خاتمتى ...!

2009-06-17T00:40:00.006+03:00

من فتره كده كنت كاتبه الجمله دى على الماسنجر والفيس بووك ,
وبيتهيألى اننا كلنا بنقولها على حاجات كتير لما بتبقى النهايه غير ماحنا متوقعين,

يعنى أنا مثلا ممكن أقول الجمله دى على
* الكليه لما تبقى النتيجه زى الزفت ويمكن أقول ياريتنى مدخلت الكليه دى من أصله,
وأنا مش بتاع تعليم وربنا يسامحه قاسم أمين والكلام ده بقى .

* على واحده صاحبتها وحبيتها وهى طلعت متستهلش انى أقولها سلام عليكم حتى .

* قلت حاجه خاصه بيا أوى لحد وهو راح قالها لأى سبب من الأسباب مصلحه , طبيعتوا كده !!

* لحظه نرفزه طلعت فيها الشحنه اللى جوايا على الحد اللى نرفزنى ده بارغم انى بكون برد على كلامه لكن برجع أقول لعاود يكون زعل/ت

وبالرغم من كل ده أنا طوووول عمرى بقول كلمه فى المواقف دى ,
انى مبحبش كلمه ندم خاااااااااااااااااااالص
عشان مهما كان طلعنا من التجربه مجروحين ,
أكيد استفدنا حاجه من التجربه دى ..!

My News ...

2009-06-10T22:19:00.001+03:00

Here

كيف تحول احزانك الى عباده

2009-06-06T18:28:00.003+03:00

السلام عليكم
الموضوع ده جالى على الفيس بووك
وعجبنى جدا
قلت أعرضوا عليكم جايز تستفيدوا منه :)

كيف تتحول أحزانك إلى عبادة ؟؟

ما الذي تحتسبه في صبرك ؟
..لماذا أنت حزين هكذا ؟ .. وما هذه الهموم التي تخفيها بين أضلعك ؟..لقد أتعبك
الأرق والسهر، وذوى عودك وذهبت نضرتك...لماذا كل هذه المعاناة ؟ ..فهذا
أمر قد جرى وقدر، ولا تملك دفعه إلا أن يدفعه الله عنك، ولا يكلف الله نفساً إلا
وسعها فلا تكلف نفسك من الأحزان مالا تطيق !...
استغل مصيبتك لصالحك لتكسب أكثر مما تخسر، كي تتحول أحزانك إلى عبادة
الصبر العظيمة – عفواً –
إنها عبادات كثيرة وليست واحدة !.. كالتوكل ... والرضا .. والشكر.
فسيبدل الله بعدها أحزانك سروراً في الدنيا قبل الآخرة لأن من ملأ الرضا قلبه
فلن تجزع من مصيبته وهذا والله من السعادة ... ألا تري أن أهل الإيمان أبش
الناس وجوها مع أنهم أكثرهم بلاء !
فكن فطن ... فالدنيا لا تصفو لأحد وكلما انتهت مصيبة أتت أختها ....
وقد قيل : إذا أنت لم تشرب مرارا على القذى ظمئت وأي الناس تصفو
مشاربه , أيتها الصابره أيها الصابـر ..ربما وجدت نفسك فجأة في بحر
الأحزان تغالب أمواج الهموم القاتلة وهي تعصف بزورقك الصغير... بينما
تجدف بحذر يمنة ويسرة... ولكن الأمواج كانت أعلى منك بكثير ولم يبق إلا أن
تطيح بك...
وفي تلك اللحظات السريعة أيقنت بأن لا مفر لك من الله إلا إليه فذرفت عيناك
...
وخضع قلبك معها...
واتجه كيانك كله إلى الله يدعوه يـارب ... يـارب ...
يا فارج الهم فرج لي...
هنا سكن بحر الأحزان...
وهدأت الأمواج العالية...
وسار قاربك فوقه بهدوء واطمئنان...
إن شيئاً من الواقع لم يتغير سوى ما بداخلك...
قال الله تعالى: { إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا
بِأَنْفُسِهِمْ} (الرعد:

11).
لقد تحول جزعك إلى تسليم، وسخطك إلى رضى ...
فاجعل هذه الهموم والأحزان أفراحا لك في الآخرة فهي والله أيامك في
الدنياولياليك فاصبر واحتسب:
1- أجر الصابرين ، فالصابر يكب عليه الأجر بلا عد ولا حد، قال الله تعالى:
{إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ} (الزمر:10).

قال الله تعالى: { َاصْبِرُوا إِنَّ اللَّهَ مَعَ
الصَّابِرِينَ} (الأنفال:46).

قال الله تعالى: { وَاللَّهُ يُحِبُّ
الصَّابِرِينَ}
(آل عمران:146)
2- أن تفوز بمعية القوي العزيز، .

3- أن يحبك الله وما أنبلها من غاية،

4- أن تكون لك عقبى الدار، قال الله تعالى:
{وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلاةَ وَأَنْفَقُوا مِمَّا رَزَقْنَاهُمْ سِرّاً وَعَلانِيَةًوَيَدْرءُونَ بِالْحَسَنَةِ السَّيِّئَةَ أُولَئِكَ لَهُمْ عُقْبَى الدَّارِ (22) جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ
وَأَزْوَاجِهِمْ وَذُرِّيَّاتِهِمْ وَالْمَلائِكَةُ يَدْخُلُونَ عَلَيْهِمْ مِنْ كُلِّ بَابٍ (23) سَلامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّارِ} (الرعد:22-24).
5- احتسب في صبرك على مصيبتك أن ينصرك الله ويجبر كسرك وأن تكون العاقبة لك
قال الله تعالى: {فَاصْبِرْ إِنَّ الْعَاقِبَةَ لِلْمُتَّقِينَ} (هود:49).

6- أن تكون من المفلحين الناجين، قال الله تعالى: {يَا أَيُّهَا الَّذِينَ آمَنُوا
اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ}
(آل عمران:200).
قال الله تعالى: {إِلَّا الَّذِينَ صَبَرُوا وَعَمِلُوا
الصَّالِحَاتِ أُولَئِكَ لَهُمْ مَغْفِرَةٌ وَأَجْرٌ كَبِيرٌ} (هود:11).
7- المغفرة والأجر الكبير،

8- أن تنال صلوات من ربك ورحمة وهداية لما يحبه ويرضاه...
قال الله تعالى: {وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ
مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ
وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} (البقرة:155-157).

المنظر!..
9- انظر إلى الأشجار في فصل الخريف كيف تتساقط أوراقها ما أروع هذا
إن احتسابك للمعصية سيجعل ذنوبك تتساقط كما تحط الشجرة ورقهاقال رسول الله
صلى الله عليه وسلم: "ما من مسلم يصيبه أذى من مرض فما سواه إلا حط الله [
به] سيئاته كما تحط الشجرة ورقها"[1].

... كلمة أخيرة ... الصبر - يا أخي/أختي - ليس فقط على أقدار الله
المؤلمة… إنما هناك أيضا الصبر على :
طاعة الله وتنفيذ أوامره كذلك الصبر عن فعل المعاصي… فلا تنسى أن تحتسب تلك
الأجور في جميع أنوع الصبر
اللهم اجعنا من الصابرين المحتسبين امييين ..

رباعيات صلاح جاهين

2009-06-02T21:45:00.006+03:00

لسه مخلصه الكتاب من شويه
طبعا مش محتاجه أقول ولا كلمه عن صلاح جاهين
ببساطته فى التعبير و... و ...

أنا هكتبلكوا أكتر الرباعيات اللى عجبتنى

مـع إن كل الخلق من أصــل طين
وكلهم بينزلوا مغمضـــــــين
بعد الدقايق والشهور والسنين
تلاقى ناس أشــرار وناس طيبين
عجبى !!

خرج ابن أدم م العدم قلت : ياه
رجع ابن أدم للعــدم قلت : ياه
تراب بيحيا .. وحى بيصـير تراب
الأصـل هـو المـوت والا الحيـاة ؟
عجبى !!

قالوا الشقيق بيمص دم الشقيق
والناس مـاهياش ناس بحق وحقيق
قلـبى رمـيته وجـبـت غـيره حجر
داب الحجر ... ورجعت قلبى رقيق
عجبى !!

يوم قلت آه .. سمعونى قالوا فسد
ده كان جدع قلبه حديد وانحســد
رديت على الايمين أنا وقلت .. آه
لو تعـرفـوا معـنى زئــير الأسـد
عجبى !!

أنا كنت شئ وصـبـحـت شئ ثم شئ
شوف ربنا . . قادر على كل شئ
هز الشجر شواشيه ووشوشنى قال :
لابد مايمـوت شئ عشـان يحيـا شئ
عجبى !!

فتحـت شبـاكى لشـمس الصبـاح
ما دخلش منه غير عويل الرياح
وفتحـت قلبى عشان أبوح بالألم
ماخرجـش منه غير محـبه وسمـاح
عجبى !!

يأسك وصبـرك بين إيدك وانت حـر
تيـأس ماتيـأس الحيـاه راح تمـر
أنا دقت مندا ومندا عجبى لقيـت
الصـبـر مـر وبردك اليـأس مـر
عجبى !!

حاسب من الأحزان وحاسب لهـا
حاسب على رقابيك من حبلها
راح تنتهى ولابد راح تنتهى
مش أنتهت أحزان من قبلها؟
عجبى !!

أنــا اللـى بالأمر المحـال اغـتـوى
شـفـت القمر نطـيـت لفـوق فى الهـوا
طلتـه ماطلتـوش إيـه أنــا يهمــنى
وليه ... مادام بالنشوة قلبى ارتوى
عجبى !!

كلمات حساها أوى

2009-05-30T19:35:00.006+03:00

من أكتر المسلسلات اللى بحبها

ليه يا سنين تكسرى الحلم فينا
ليه فرحنا بيموت فى لحظه حزينه

تاه الطريق ولا احنا اللى ارتضينا
ليه ضيع الحلم اللى كان بين ايدينا

يا سنين طويله وغميقه , قوليلنا فين الحقيقه
ياسنين لو انتى بريئه , ليه من جراحك اسينا

مدينا للحلم ايدنا , لكن زمانا عندنا
ده اللى بقى بيواعدنا ويقرب الحلم لينا

كسرنا أحلامنا احنا , ولا زمانا جرحنا
واما بقينا فى محنه , الدمع سال من عنينا

انتى السبب يا سنينا , باعاتى أحلامنا عنا
ولا السبب أصلوا منا , واترد تانى الينا

انا لله وانا اليه راجعون

2009-05-24T18:34:00.006+03:00

من اسبوع عرفت ان صحبتى غادة تعبانه وفى المستشفى وحالتها صعبه
بس مكنتش عارفه عندها ايه , قلت لبابا لانها قريبتنا كمان وقالى هسأل عنها
من كام يوم جه قالى انه قابل باباها وقاله ان الموضوع بقالوا شهر
وان حالتها صعبه وادعيلها
وهو انها كانت عمله عمليه ومنجحتش !!!
من ساعتها وانا زعلانه جدا وكنت عاوزه أروح أزورها لسه عارفه اول امبارح هى فى أى مستشفى
بس قالوا انها فى العنايه المركزه ومفيش زياره !

ومن امبارح وشريط ذكريات كل المواقف بينا عمال يعدى قدامى
وشكلها أخر مره شوفتها فيها وكان بعد فرحها بحاجه بسيطه
وعلى فكره مكملتش سنه متجوزه .!

وكان عندى امتحان النهارده
بعد ماجيت بشويه ماما قالتلى انها ماتت
وقالتلى انهم عارفين من امبارح بس مردوش يقولولى !
مش قادره أوصف احساسى وحالتى لحد دلوقتى عامله ازاى!!!

بس اللى مستغرباله أوى
أول حاجه فكرت فيها بعد ماعرفت
قلت لنفسى انا مش عايزه أموت غير لما أعمل حاجه كويسه لمجتمعى وبلدى
مبقاش زى ماجيت زى مارحت .
مش عارفه مخى بقى عملى أوى كده ليه !!!

الله يرحمها ويرحم أمواتنا جميعا

My Latest News

2009-05-10T14:53:00.007+03:00

1- No more dealing with stupid people.

2- Studying .
3- Learning photoshope & web design.

4- Being myself and don't care for anyone who don't care for me.
5- Brother feeling - yea I need BROTHER - .

THE IMPORTANT THING

Need a period of convalescence A WAAAAAY

اللوم والعتاب

2009-05-03T20:00:00.004+03:00

كان فى واحده كنت كلمتكوا عليها قبل كده مش هقول صاحبتى عشان حتى الكلمه ككلمه ملهاش لازمه ..!
المهم كانت دايما بتقولى الجمله دى اللوم بيبقى للشخص اللى ميهمكيش ,
أما العتاب بيبقى للشخص العزيز عليكى واللى لسه باقيه عليه ...!
الحقيقه هى أول واحده استخصرت فيها حتى اللوم أو انى اقولها أى حاجه خالص وبشوفها ولا أكنها موجوده !
وبرده وصلت للمرحله دى مع ناس كتير جدااااااااا , مع انهم كانوا فى يوم من الأيام ناس عزاز عليا جدااا ...! تقريبا ده من ضمن النيو لوك اللى كان حصل لشخصيتى ..!
بس اكتشفت حاجه امبارح انى أحيانا كتير بتظاهر بالقوه وحتى أنا نفسى بصدق نفسى ..
وفى الأخر بيطلع ان كل الحاجات دى متخزنه جوايا وعمله علامات وجروح شديده .. بس أنا اللى مش حاسه !!!
مش قادره أقول حاجه تانيه غير
يااااااااااااااااااااااااااااااااااااارب
هو اللى عالم بكل شئ وهو القادر الوحيد انه يخرجنى من حالة الاكتئاب اللى عندى دى ! يااااااااااااااااااااااااااااااااااااااااااااااااااااااااااااااااااارب

لو لم أكن مصريا

2009-04-25T16:14:00.005+03:00

لو لم أكن مصريه لوددت أن أكون ..

فعلا أنا فخوره جدا بكونى مصريه .. بحب بلدى وبعشق ترابها ..
اه بتمنى ألف العالم بس أرجع تانى ..

بعشق موقعها

بعشق ليلها وبعشق نيلها

بعشق أثارها

بستغرب أوى من كميه الناس اللى بيقولوا انهم بيكرهوها أو متضايقين ,
الحقيقه هما مش بيكرهوا مصر هما بيكرهوا الظروف ...
بس مش عارفه ليه مش مستوعبين ان الظروف دى موجوده فى العالم كله ,
متخليلين ان ده عندنا بس ..
لأ كل بلد فيها مشاكل ..!
والكل عاوز يهج ويسيبها
افتكروا وفكروا كويس

الرسول (عليه الصلاة والسلام) حصله ايه فى مكه والمشركين كانوا بيعملوا فيه ايه
وفى الأخر طردوه افتكروا كان زعلان انه سايب مكه قد ايه , ملعنهاش وقال أحسن دا أنا مفتش فيها غير البهدله .!

وكمان عاوزه أقول للى من بلاد تانيه حبوا بلادكم
وكونكوا شايفين السلبيات اللى موجوده وحسين بيها , فدى بداية الطريق ,
ابدأوا انكوا تصلحوا نفسكوا , أكيد ده هيأثر على أسرتكو وبعدين التأثير هيبقى على المجتمع اللى حواليكم ,
مش معنى اننا شايفين حاجه غلط نقعد نحط ايدنا على خدنا ونندب حظنا ..!
بكده نبقى معملناش حاجه .. بل بالعكس نبقى بوظنا الوضع أكتر كمان !

اتعلموا مش هنرتقى غير بالعلم ..
بطلوا كلام كتير على الفاضيه والمليانه .. لأ اشتغلوا أحسن ..!
حبوا نفسكم عشان تقدروا تعيشوا وتعرفوا تتعاملوا مع اللى حواليكم ..!

وأخيرا

لو لم تكن مصريا ... فحاول أن تكونء

صحتهم حلوه

2009-04-20T22:36:00.003+02:00

طبعا بتسألو هما مين دوول اللى صحتهم حلوه ,
وايه الصور دى ...!

هقولوكوا
لسه راجعه من عند عمتى ... جوزها بقى وولادها بيشتغلوا فى شركه تصدير أى حاجه
ولبلاد مختلفه جوه مصر وبرده كمان
عندهم عربيات من اللى هى النقل الكبيره دى , أنا عن نفسى لما بشوف نوع العربيات ده بتخض ولو من بعيد
المهم مره من سنتين كده العربيه بتاعتهم دى اتسرقت ,
المفروض تستغربوا طبعا .. لأن العربيه دى ممكن تبقى أتقل من عماره
فكوها وسربوها ومن غير محد يحس بتاتا مطلقا

النهارده بقى واحنا عندها , قالت ان العربيه اللى كانت بتتسرق الأسبوع اللى فات ...!
غير الأولى طبعا عشان هما معرفوش يوصلوا لحاجه أصلا !
المهم القفل اللى فى الصوره فوق ده بتاع الشنطه بتاع العده بتاعتهم اللى هيا الشاكوش والأجنه والحاجات دى ؟؟!
شايفين شكله عامل ازاى ده شكله فظيع , معقوله فى حد عنده صحه يعمل فى قفل حديد كده !

المهم ان الحمد لله المرادى العنايه الإلاهيه كانت موجوده , بيقولوا انهم لما راحوا الصبح لقوا الشنطه مفتوحه بس كل حاجه مكانها وكمان لاقوا حاجات من بتاعتهم اظاهر وهما بيجروا وقعت منهم .

المهم دلوقتى تفتكروا ايه اللى وصل الشباب لكده .. ما هما أكيد شباب وعصابه كبيره كمان ؟!

يا دبلة الخطوبه

2009-04-14T22:30:00.003+02:00

النهارده رحت اشتريت الدبل
تيرارارا
. .
..
..
..
..
..
..

بتاعت خالى

والعروسه خدت برأيى تيرارارا
ومكنتش عارفه بتتلبس فى اليمين ولا الشمال
أنا اللى قلتلها

بلد بتاعة شهادات صحيحء

يالا بقى عقبالكوا ياللى لسه متأهلتوش

سلام

أنا قررت أبيع

2009-04-12T22:13:00.003+02:00

أيوه أنا خلاص قررت أبيع ,
كفايه كده اشتريت كتير ,
اكتفيت خلاص
أيوه اكتفيت

اهانه
وعدم تقدير
وعدم احساس
وخيانه ساعات
جروح قويه وعميقه
لا بتشفى
ولا بتنزف لحد ميخلص دمى

بجد تعبت
ليه أفضل أشترى
والكل بيبعنى
ليه أفضل أحب وأحترم
والكل بيضايقنى
ومش عملى أى اعتبار

خلاص
أنا بعت !!!

تفرق كتير

2009-04-05T21:23:00.004+02:00

حملة شبابية لنشر القيم

دى حمله عملاها أسره 90 درجه عندنا فى الكليه
وده اللى مكتوب على الورقه اللى بيوزعوها

أخلاقنا هى حياتنا
هى ميراثنا الأول
وصانا بيها كل نبى وكل رسول

شاركونا فى حملتنا "تفرق كتير"
نرجع سوا أخلاقنا اللى ورثناها
نرجع قيمنا ومبادئنا

شاركونا نعيش الدنيا أحلى
وتبقى الدنيا ساعتها جنة

حياتنا على الطريق الصح
شعار رفعناه
هنعيش بيه
وهنبنى كل أحلامنا عليه
بنحلم بدنيا حلوة
بنحلم ببكره أجمل
مد إيدك فة إيدينا
طريقنا هو طريقك
طريق الأخلاق
مستنيينك ومش هنمشى من غيرك
ومتنساش ...
بايدينا هنخلى حياتنا تفرق كتييييير

واضح من الكلام ان المطلوب مننا اننا نشر أخلاق وقيم مجتمعنا فى أى موقف يحصل لينا أو قدامنا ء

http://www.facebook.com/profile.php?id=1101818198#/event.php?eid=174878070401&ref=mf

My Presentation

2009-04-01T17:47:00.003+02:00

السلام عليكم

الحمد لله البيكسى داى اتعمل أخيرا
وعملت السيشن بتاعتى
يمكن محققتش كل اللى كنت عاوزاه
بس طلعت بنتيجه مرضيه الحمد لله

عقبال البيكسى داى 3 ان شاء الله
وأعمل برده سيشن تانيه فى الأنيميشن بس بتوسع أكتر
وميحصلش أعطال تانيه

شكرا

Pixiday 2 تحديث

2009-03-26T15:07:00.008+02:00

السلام عليكم

المره اللى فاتت كنت بعلن عن حدث السكوب اللى هو بيضم الكات كلها ,
والمره اللى قبلها كنت بعلن عن ال
Wordcamp
اللى هى تبع مجموعة
Depiak

وكنت قولتلكوا فى المرتين انى عندى خبر حلو
وعارفه ان أكيد فة ناس تفكيرها راح لبعيد وقالوا انى هتخطب ولا حاجه
بس أنا مش بتاعت الحاجات دى

الخبر فى الاعلان ده

للمجموعه بتاعتى اللى هى
Pixicat

احنا عاملين يوم هيبقى شامل لمعظم الموضوعات فى الجرافيك
وده ان شاء الله هيبقى31 / 3 / 2009
اللى هو الثلاثاء القادم بإذن الله .
من الساعه العاشره وحتى الرابعه عصرا بإذن الله
والجدول هيبقى كالتالى

قاعة رشاد البدراوى
بكلية الهندسه / جامعة المنصوره

وده الايفينت على الفيس بووك

Pixiday 2

انشروا وعاوزه أشوفكوا كلكوا هناك ان شاء الله

وانتهى الاسكوب

2009-03-24T19:04:00.004+02:00

النهارده كان أخر يوم فى السكوب
الحمد لله كان ناجح والحضور الا حد ما كان كويس
كان نفسى يبقى أحسن من كده طبعا
بس الحمد لله على كل شئ .

مش عارفه دايما باجى على أخر يوم ويبقى مزاجى وحش ليه ء

C@T Scope 10 - First day

2009-03-21T19:05:00.004+02:00

لو كونتوا محضرتوش النهارده
يبقى خسرتوا كتييييييير جدااااااااااااااااااا
بس تقدروا تحضروا , لسه 3 أيام ء

C@T Scope 10

2009-03-16T22:06:00.007+02:00

تحديث
ده الجدول يا جماعه

وكمان ياريت تعملوا
Register
هنا
http://scope.catreloaded.net
----------------------------------------------------

السلام عليكم

وأنا بكتب بوست ال
wordcamp

قولتلكوا انى هكلمكوا عن الأسره تانى ان شاء الله
وأنا شايفه ان دى أحسن فرصه لده وذلك بسبب قدوم
Scope 10

نبتدى

يعنى ايه *
Scope ?!

الاسكوب ده عباره عن مؤتمر بنعمله كل تيرم فى كلية الهندسة جامعة المنصوره عن طريق أسرة
CAT ( Computer Assistant Team )
وبيقى عباره عن 3 أيام تقريبا بيبدأ من 10 صباحا وحتى 4 عصرا .

* بيتكلم عن ايه ؟!

كل حاجه متعلقه بالكومبيوتر عن طريق أعضاء الأسره أو مندوبين من الشركات المتخصصه ..

متتصوروش مدى الاستفاده اللى ممكن تستفيدوها من حضور المؤتمر ده ...!

الأسره متقسمه الى مجموعات
Pixicat : ودول مهتمين بكل مجالات الجرافيك وهما دول اللى أنا منهم

H4ch3rs : دول مهتمين بالسوفت وير وبالأخص ال
opensource

Depiak : دول مهتمين بال
web زى مكنت قولتلكوا قبل كده .

CSED : دول تقدرا تقولوا عليهم بتوع كلوا
فيهم ناس كتير وكل له اهتماماته

نتكلم بقى عن
Scope 10

السكوب الحمد لله اتحدد فى
21و22و23و24 / 3
يعنى السبت والأحد والاثنين والثلاثاء القادمين ان شاء الله .

وده هيبقى فى قاعه / رشاد البدراوى
كلية الهندسة / جامعة المنصوره .

أرجو من الجميع الحضور ولو كنت من أخر الدنيا

وذلك من الساعه 10 حتى 4 .

أرجو الاستجابه

وده الايفنت على الفيس بوك

http://www.facebook.com/event.php?eid=57084389790

انتشرواااااااااااااااااااااااااااااااااا ء

Butterfly

هل ذهب حياؤنا حقا ؟!

مؤتمر الرواد

عزيزى جوزى المنتظر

تجميع لمكاسب وخسائر

ليلة القدر

وقفات مع الأبرار 9

وقفات مع الأبرار 8

وقفات مع الأبرار 7

وقفات مع الأبرار 6

نفسى أعيش مع القرأن

وقفات مع الأبرار 5

بين بينين

وقفات مع الأبرار 4

تبقى مش راجل

وقفات مع الأبرار 3

وقفات مع الأبرار 2

سؤال مش جوهرى

وقفات مع الأبرار 1

قسم المهندس

noZom launches its first event in Egypt | Me, Ahmed Soliman

أنا والوجه الأخر

حين أصبح رئيسا للجمهوريه

مبرووووووووووووووووووك يا مصر

مقارنه على الضيق

شركات التوظيف

بداية سنه جديده

قلب فاضى

حد عايز قلب فاضى .. قلب طيب .. قلب هادى؟قلب كله حنان وعطف .. يخطفك من الحزن خطف ..مستعد يحب حتى .. قلب عايز ينسى ماضى ..

...

رباعيات الخيام

الوحده

عيد سعيد

3Ds MAX Course By Me

Pick your place at the "3Ds Max"course by Marwa Fahmy .http://confluence.catreloaded.net/display/CATWWW/3Ds+Max+course.

https://spreadsheets.google.com/viewform?hl=en&formkey=dEZOTHc3eGdhaE9EOEx2WXNhQ3RtS1E6MQ#gid=0

أعلنت العصيان عليك

فجر طاقاك الكامنة

I, PROUD TO BE AN EGYPTIAN

Winter Sonata أغاني الشتاء

أخيرا خلصت

جدول سكوب 11

The fifth announced session :: Ahmed Soliman :: "NoSQL – The road to infinite scalability"

The fourth announced session :: Mohammed Mahmoud :: "PHP Ignite With ORM Integration Taste"

The third announced session :: Ahmed Gamal :: "Git source control system"

The second announced session :: Ahmed Mekkawy :: "Virtualization techniques and cloud computing"

لو سمحت .. عاوز أبقى هاكر ..

كات سكوب 11

مترسلكوا على بر !!!

الوجود والعدم

لماذا لا يثور المصريون ؟

هموم هذا الزمان - أنيس منصور

عملت شيش طاووق وتورته بالفراوله والموز :D

معرض الكتاب

الصديق وقت .....

صنع فى مصر

مكتئبه ليه ؟؟!!!

يا ساتر يا ساتر من الضرائب

عيد سعيد

وصية أم

دموع القلب

شويه فضفضه :)

بنات كتير

افتح قلبك ( عبد الوهاب مطاوع )

What Happen To Me?! ...

ممنوع التدخين

ألوان من الحب ( أنيس منصور)

عيد سعيد

الاعتكاف

والله لسه بدرى ..!

Happy BithDay To Me (^)

رمضان كريم

دايما دموع !!!

ارحمونا بقى 1 !!!!!

أما يا ياما

أنا جيت :)

إنا لله وإنا اليه راجعون

حاجات بفكر فيها !!!

Hackers Duo

لو كنت أعرف خاتمتى ...!

حد عايز قلب فاضى .. قلب طيب .. قلب هادى؟

قلب كله حنان وعطف .. يخطفك من الحزن خطف ..

مستعد يحب حتى .. قلب عايز ينسى ماضى ..